Durban
Durban | ||
Moderna edifici en Durban. | ||
Standardo | Blazono | |
Lando: | ||
Regiono: | KwaZulu-Natal | |
Informo:
| ||
Fondita ye: | 1880 | |
Latitudo: | 29°53' S | |
Longitudo: | 31°03' E | |
Altitudo: | 6 m | |
Surfaco: | 225,91 km² | |
Habitanti: | 595 061[1] (2011) | |
Denseso di habitantaro: | 2 634 hab./km² | |
Disto de Johannesburg: | 564[2] km | |
Horala zono: | UTC+2 | |
Urbestro: | Mxolisi Kaunda (ANC) | |
Oficala retosituo:
| ||
www.durban.gov.za/ |
Durban esas la maxim populoza urbo di la provinco KwaZulu-Natal, en Sudafrika. Segun la demografiala kontado di 2011, ol havis 595 061 habitanti[1]. Lua tota surfaco esas 225,91 km². Lua metropolala regiono esas la 3ma maxim populoza de Sudafrika, dop Johannesburg e Kab-urbo.
Jacanta apud la rivo di Indiana Oceano, lua portuo esas la precipua di Sudafrika. Ol esas importanta turismala destino pro sua plaji e milda klimato, tamen dum recenta yari l'arivo di turisti diminutis. UNESKO deklaris Durban l'unesma literatural urbo di Afrika. En 2010, ol gastigis kelka partii de la Mondala Kupo di Futbalo, che lua nova stadio Moses Mabhida.
Durban anke gastigas kampuso dil Universitato di Sudafrika (UNISA), l'Universitato di KwaZulu-Natal, ed altra universitatala institucuri.
Geografio
[redaktar | redaktar fonto]Jacanta an la westala rivo di Sudafrica, apud Indiana oceano, Durban jacas an la boko dil fluvio Umgeni, qua establisas lua norda limito. Proxim l'oceano, lua reliefo esas plana. L'urbo havas naturala portuo, qua esas la maxim importanta di Sudafrika. Lua mezavalora altitudo esas 83 metri[3], e lua maxim alta punto jacas 600 metri super la marala nivelo.
La klimato di Durban esas humida subtropikala (Cfa segun la klimatala klasifikuro da Köppen), kun varma e pluvoza someri, e moderema vintri. La mezavalora temperaturo en julio (vintro) esas 16,5°C, kontre ke la mezavalora temperaturo en januaro (somero) esas 24,1°C.
La mezavalora yarala pluvo-quanto dil urbo esas 1019 mm, e la maxim pluvoza monato esas januaro, kun mezavalore 134 mm.
Referi
[redaktar | redaktar fonto]- ↑ 1,0 1,1 Census 2011: Main Place: Durban - URL vidita ye 14ma di aprilo 2024. Idiomo: Angla.
- ↑ https://www.rome2rio.com/s/Johannesburg/Durban
- ↑ https://en-za.topographic-map.com/map-jkqnx/Durban/