Oklahoma-urbo
Oklahoma City | ||
Kelk imaji pri Oklahoma-urbo. | ||
Standardo | Blazono | |
Lando: | ||
Stato: | Oklahoma | |
Informo:
| ||
Latitudo: | 35°28'7″N | |
Longitudo: | 97°31'17″W | |
Altitudo: | 365 m | |
Surfaco: | 1607,83 km² | |
Habitanti: | 681 054 (2020) | |
Denseso di habitantaro: | 433,58 hab./km² | |
Disto de Washington DC: | 2158[1] km | |
Horala zono: | UTC-6 (UTC-5 dum la somero) | |
Urbestro: | David Holt | |
Oficala retosituo:
| ||
www.okc.gov |
Oklahoma-urbo (Angle: Oklahoma City) esas chef-urbo e maxim grand urbo di Usana stato Oklahoma, e sideyo di la samnoma komtio. Segun la demografiala kontado di 2020 ol havis 681 054 habitanti, esanta la 20ma maxim populoza urbo di la lando. Lua tota surfaco esas 1607,83 km², equivalanta a 620,79 mi², di qui 1570,77 km² (606,48 mi²) esas lando e la cetera esas aquo. Mult ofte uzesas l'abreviuro 'OKC' od 'Okla City' por la urbo.
Oklahoma-urbo ne nur esas la maxim granda urbo de la samnoma stato, ma anke esas la maxim granda urbo en omna surnomizita plains states: (Oklahoma, Kansas, Nebraska, Nordal Dakota e Sudal Dakota). Lua metropolala regiono havis 1 396 445 habitanti en 2000. Ol esas un ek la maxim importanta centri por komerco di bestii en la mondo. L'industrial agado maxim importanta esas la transformo di petrolo e naturala gaso en fueli ed en altra produkturi.
Geografio
[redaktar | redaktar fonto]La reliefo di Oklahoma City esas kelke plana, jacanta apud rivero North Canadian, qua apartenas a baseno di fluvio Mississippi. La mezavalora altitudo dil urbo esas 365 metri.
La klimato di Oklahoma City esas humida subtropikala (Cfa segun la klimatala klasifikuro da Köppen). La mezavalora temperaturo en januaro (vintro) esas 4°C, kontre ke la mezavalora temperaturo en julio (somero) esas 28,3°C. La maxim basa temperaturo enrejistrita ulafoye en la urbo esis −27 °C (−17 °F) ye la 12ma di februaro 1899, kontre ke la maxim alta temperaturo ulafoye enrejistrita ibe esis 45 °C (113°F) ye la 11ma di agosto 1936 ed ye la 3ma di agosto 2012.
La mezavalora yarala pluvo-quanto dil urbo esas 924 mm, e la maxim pluvoza monato esas mayo, kun mezavalore 135 mm. Omnayare falas mezavalore 21,8 centimetri di nivo.
Demografio
[redaktar | redaktar fonto]Segun la demografiala kontado di 2000, esis 506 132 personi, 204 434 hemanari, e 129 406 familii qui rezidis en la urbo. La denseso di habitantaro esis 321.9/km² (833.8/mi²) por la urbo ma 2.600/mi² por la regiono. Esis 228,149 domi kun mezvalora denseso di 145.1/km² (375.9/mi²). Segun raso, esis 60.41% Blanki, 18.37% Negri od Afrikan-Usani, 3.51% indijeni Amerikana, 3.48% Aziani, 0.07% Pacifik-insulani, 5.28% de altra rasi, e 3.89% de du o plura rasi, e 16.15% esis Hispan-Amerikani o Latin-Amerikani de irga raso.
Esis 204 434 hemanari, di qui 30.8% havis pueri od adolecanti evante min kam 18 yari. La mezvalora grandeso po hemanaro esis 2.41 e la mezvalora grandeso po familio esis 3.04 personi. La mezvalora evo esis 34 yari. Po singla 100 mulieri esis 95.6 viri. Po singla 100 mulieri evante 18 yari o pluse, esis 92.7 viri.
La mezvalora revenuo po hemanaro esis US$ 34 947, e la mezvalora revenuo po familo esis US$ 42 689. La mezvalora revenuo por la viri esis US$ 31 589, kontre US$ 24 420 por la mulieri. La revenuo per capita esis US$ 19 098. Vivis sub la povreso-lineo 16,0% de la habitantaro e 12,4% de la familii, inkluzite 23,0% ek omna habitantaro evanta min kam 18 yari, e 9,2% ek omna habitantaro evanta 65 yari o pluse.
Referi
[redaktar | redaktar fonto]Extera ligili
[redaktar | redaktar fonto]
Chef-urbi di Usana stati |
---|
Alabama • Alaska • Arizona • Arkansas • Connecticut • Delaware • Florida • Georgia • Havayi • Idaho • Illinois • Indiana • Iowa • Kalifornia • Kansas • Kentucky • Kolorado • Louisiana • Maine • Maryland • Massachusetts • Michigan • Minnesota • Mississippi • Missouri • Montana • Nebraska • Nevada • Nordal Karolina • Nordal Dakota • Nova-Hampshire • Nova-Jersey • Nova-Mexikia • Nova-York • Ohio • Oklahoma • Oregon • Pensilvania • Rhode Island • Sudal Karolina • Sudal Dakota • Tennessee • Texas • Utah • Vermont • Virginia • Washington • Westal Virginia • Wisconsin • Wyoming |