„14. mars“: Munur á milli breytinga

14. mars er 73. dagur ársins (74. á hlaupári) samkvæmt gregoríska tímatalinu. 292 dagar eru eftir af árinu.

Atburðir

• 1644 - Roger Williams fékk konungsleyfi fyrir Rhode Island-nýlendunni.
• 1647 - Þrjátíu ára stríðið: Bæjaraland, Köln, Frakkland og Svíþjóð gerðu með sér vopnahléð í Ulm.
• 1800 - Barnaba Chiaramonti varð Píus 7. páfi.
• 1857 - Eyrarsundstollurinn var afnuminn gegn 30 milljón dala bótum sem nokkur ríki greiddu Dönum.
• 1911 - Kristján Jónsson varð ráðherra Íslands. Hann sat í embætti í rúmlega eitt ár.
• 1933 - Verkamannafélagið á Akureyri hindraði uppskipun á tunnum úr norska skipinu Novu vegna deilna um kaup og kjör í atvinnubótavinnu. Deilan var kölluð Novudeilan og leystist hún fljótlega.
• 1950 - Steingrímur Steinþórsson varð forsætisráðherra og sat ríkisstjórn hans til september 1953.
• 1964 - Jack Ruby var sakfelldur fyrir að myrða Lee Harvey Oswald, meintan morðingja Kennedys forseta Bandaríkjanna.
• 1967 - Lík Kennedys Bandaríkjaforseta var flutt til frambúðar í Arlington-kirkjugarð.
• 1969 - Söngleikurinn Fiðlarinn á þakinu var frumsýndur í Þjóðleikhúsinu. Verkið naut meiri vinsælda en nokkurt annað leikverk hafði notið fram að því.
• 1981 - Skyndibitakeðjan Tommaborgarar var stofnuð í Reykjavík.
• 1987 - Þyrla Landhelgisgæslunnar bjargaði níu manns af Barðanum sem hafði strandað við Dritvík á Snæfellsnesi.

• 1989 - Mynd Magnúsar Guðmundssonar, Lífsbjörg í Norðurhöfum, var frumsýnd í Ríkissjónvarpinu. Grænfriðungar höfðu krafist lögbanns á sýninguna en fengu því ekki framgengt.
• 1991 - Sexmenningarnir frá Birmingham, sem höfðu setið í bresku fangelsi í sextán ár vegna sprengingar á krá, voru látnir lausir er dómstóll kvað upp þann úrskurð að lögreglan hefði hagrætt eða búið til sannanir gegn þeim á sínum tíma.
• 2003 - Femínistafélag Íslands var stofnað.
• 2004 - Þingkosningar voru haldnar á Spáni þar sem flokkur José Luis Rodríguez Zapatero bar sigur úr býtum.
• 2005 - Lög voru sett í Kína sem heimila valdbeitingu ef Tævan aðskilur sig formlega frá Kína.

Fædd

• 1681 - Georg Philipp Telemann, þýskt tónskáld (d. 1767).
• 1804 - Johann Strauß, eldri, austurrískt tónskáld (d. 1849).
• 1821 - J. J. A. Worsaae, danskur fornleifafræðingur (d. 1885).
• 1854 - Paul Ehrlich, þýskur örverufræðingur og nóbelsverðlaunahafi (d. 1915).
• 1879 - Albert Einstein, Nóbelsverðlaunahafi í eðlisfræði (d. 1955).
• 1882 - Wacław Sierpiński, pólskur stærðfræðingur (d. 1969).
• 1908 - Maurice Merleau-Ponty, franskur heimspekingur (d. 1961).
• 1931 - Lisbet Palme, ekkja Olofs Palme.
• 1947 - Billy Crystal, bandarískur leikari og grínisti.
• 1958 - Albert II, Mónakóprins.
• 1978 - Pieter van den Hoogenband, hollenskur sundkappi.
• 1983 - Taylor Hanson, bandarískur tónlistarmaður (Hanson).
• 1986 - Jamie Bell, breskur leikari.

Dáin

• 1361 - Eysteinn Ásgrímsson munkur (f. 1310).
• 1632 - Tokugawa Hidetada, annar herstjóri Tokugawa-veldisins í Japan (f. 1579).
• 1647 - Friðrik af Óraníu, landstjóri í Hollandi (f. 1584).
• 1883 - Karl Marx, hinn þýski faðir kommúnismans (f. 1818).
• 2010 - Peter Graves, bandarískur leikari (f. 1926).