2014
Útlit
Árþúsund: | 3. árþúsundið |
---|---|
Aldir: | |
Áratugir: | |
Ár: |
Árið 2014 (MMXIV í rómverskum tölum) var 14. ár 21. aldar samkvæmt gregoríska tímatalinu og almennt ár sem hófst á miðvikudegi.
Atburðir
Janúar
- 1. janúar - Lettland tók upp evruna.
- 1. janúar - Fyrstu kannabisverslanirnar voru opnaðar í Colorado í Bandaríkjunum.
- 7. janúar - Metkuldi mældist í Bandaríkjunum og Kanada með allt að 53° frosti í Montana.
- 16. janúar - Ný stjórnarskrá Egyptalands var samþykkt með 90% atkvæða en aðeins 38,5% kjörsókn.
- 17. janúar - Hery Rajaonarimampianina var kosinn forseti Madagaskar.
- 18. janúar - Bruninn í Lærdal 2014: 40 byggingar í Lærdal í Noregi eyðilögðust í bruna.
- 21. janúar - Fiat keypti upp afgang hlutabréfa í bílaframleiðandanum Chrysler Group og varð við það sjöundi stærsti bílaframleiðandi heims.
- 22. janúar - Önnur friðarráðstefnan í Genf samþykkti að leita diplómatískra leiða til að binda endi á borgarastyrjöldina í Sýrlandi.
- 22. janúar - Úkraínukreppan: 5 létust í átökum mótmælenda og lögreglu í Kíev.
- 27. janúar - Eldsvoðinn í Flatanger 2014: 64 byggingar í bænum Flatanger í Noregi eyðilögðust eða skemmdust í bruna.
- 29. janúar - Úkraínukreppan: Ríkisstjórnin sagði af sér og aflétti neyðarlögum.
Febrúar
- Febrúar - Alvarlegur ebólufaraldur hófst í Vestur Afríku.
- 1. febrúar - 14 létust þegar eldfjallið Sinabung á Súmötru gaus.
- 2. febrúar - Sýrlandsher varpaði tunnusprengjum á hverfi í Aleppó með þeim afleiðingum að 85 létust.
- 4. febrúar - Óeirðir brutust út í Bosníu og Hersegóvínu.
- 7. febrúar - Vetrarólympíuleikarnir 2014 hófust í Sotsjí í Rússlandi.
- 13. febrúar - Belgía lögleiddi líknardráp á dauðvona sjúklingum.
- 16. febrúar - 13 suðurkóreskir ferðamenn létust í sprengjuárás á rútu í Kaíró.
- 20. febrúar - Úkraínukreppan: 100 létust í átökum lögreglu og mótmælenda í Kíev.
- 22. febrúar - Úkraínska þingið vísaði Viktor Janúkóvitsj, forseta landsins, úr embætti og skipaði Olexander Túrtsínov sem nýjan forseta í kjölfar mannskæðra mótmæla í Kíev.
- 22. febrúar - Matteo Renzi tók við embætti sem forsætisráðherra Ítalíu.
- 22. febrúar - Ísland dró aðildarumsókn sína að Evrópusambandinu til baka.
- 25. febrúar - 59 drengir voru myrtir í árás á skóla í Yobe-fylki í Nígeríu. Talið er að Boko Haram beri ábyrgð á árásinni.
- 27. febrúar - Rússland sendi óeinkennisklædda hermenn til Krímskaga í Úkraínu og hélt því fram að þeir væru aðskilnaðarsinnar frá Krímskaga. Skömmu síðar var Krímskagi innlimaður í Rússland eftir umdeilda atkvæðagreiðslu íbúa.
Mars
- 1. mars - Rússland sendi herlið til Krímskaga.
- 5. mars - Venesúela sleit öll stjórnmálatengsl við Panama og sakaði stjórn Panama um samsæri gegn venesúelskum stjórnvöldum.
- 8. mars - Malaysian Airlines flug 370, með 239 manns innanborðs, hvarf af ratsjám á leið sinni frá Kuala Lumpur til Peking.
- 13. mars - 301 námuverkamaður fórst í sprengingu í námu í Soma, Tyrklandi.
- 16. mars - Umdeild atkvæðagreiðsla meðal íbúa Krímskaga, hvort skaginn skyldi verða hluti af Rússlandi, fór fram.
- 21. mars - Krímskagi var formlega innlimaður í Rússland.
- 24. mars - Rússland var rekið úr G8 af hinum sjö ríkjunum í kjölfar innlimunar Krímskaga.
- 27. mars - Allsherjarþing Sameinuðu þjóðanna ályktaði að Krímskagi tilheyrði Úkraínu en ekki Rússlandi.
- 31. mars - Alþjóðadómstóllinn úrskurðaði að hvalveiðar Japana í Suður-Íshafi gætu ekki talist í vísindaskyni og ættu ekki að fá fleiri leyfi.
Apríl
- 6. apríl - Rússneski fáninn var dreginn að húni í mótmælum í Donetsk og Karkiv í Úkraínu.
- 7. apríl - Alþýðulýðveldið Donetsk lýsti yfir sjálfstæði frá Úkraínu.
- 7. apríl - Fjölmennustu kosningar sögunnar fóru fram þegar þingkosningar hófust á Indlandi. 815 milljónir voru á kjörskrá.
- 10. apríl - Evrópuráðið svipti Rússland atkvæðisrétti sínum tímabundið vegna innlimunar Krímskaga.
- 14. apríl - 276 stúlkum var rænt úr skóla í Chibok í Nígeríu. Hryðjuverkasamtökin Boko Haram lýstu yfir ábyrgð á mannránunum. Skömmu síðar sluppu 53 stúlkur frá mannræningjunum en hinar voru seldar í hjónabönd með meðlimum samtakanna.
- 14. apríl - 75 létust þegar bílsprengja sprakk í höfuðborg Nígeríu, Abuja.
- 16. apríl - 304 manns létust þegar ferjunni Sewol hvolfdi í Suður-Kóreu.
- 18. apríl - 16 nepalskir fjallaleiðsögumenn fórust þegar snjóflóð féll í Everestfjalli nærri grunnbúðum Everest.
- 27. apríl - Páfarnir Jóhannes 23. og Jóhannes Páll 2. voru teknir í dýrlinga tölu.
- 28. apríl - Bandaríkin beittu viðskiptaþvingunum gegn Rússlandi vegna deilunnar um Krímskaga.
Maí
- 2. maí - Bruninn í verkalýðsbyggingunni í Odessa 2014: 42 andstæðingar stjórnarinnar í Kíev létust í bruna í byggingu í Odessa eftir fjölmenn mótmæli.
- 2. maí - Yfir 2000 manns fórust í skriðuföllum í norðurhluta Afganistan.
- 5. maí - Alþjóðaheilbrigðisstofnunin lýsti því yfir að útbreiðsla lömunarveiki í 10 löndum væri orðin að alþjóðlegu heilbrigðisvandamáli.
- 5. maí - Hryðjuverkasamtökin Boko Haram drápu um 300 manns í árás á Gamboru Ngala í Nígeríu.
- 8. maí - Luis Guillermo Solís tók við embætti forseta Belís.
- 10. maí - Conchita Wurst sigraði Söngvakeppni evrópskra sjónvarpsstöðva 2014 fyrir Austurríki með laginu „Rise Like a Phoenix“.
- 12. maí - Alþýðulýðveldið Luhansk lýsti yfir sjálfstæði frá Úkraínu.
- 13. maí - Yfir 300 fórust í sprengingu í kolanámu í Soma í Tyrklandi.
- 15. maí - Safn um hryðjuverkin 11. september 2001 var vígt í Bandaríkjunum.
- 18. maí - Hersveitir Khalifa Haftar frömdu valdarán í Líbýu, hertóku Trípólí og gerðu loftárásir á Benghazi.
- 20. maí - 118 manns látast í sprengjuárás í Jos í Nígeríu.
- 22. maí - Taílandsher steypti bráðabirgðastjórn Niwatthamrong Boonsongpaisan af stóli eftir að henni hafði mistekist að taka á óeirðum í landinu.
- 22. maí - Alþýðulýðveldin Luhansk og Donetsk lýstu yfir stofnun Nýja-Rússlands.
- 24. maí - 4 létust þegar maður hóf skothríð á Gyðingasafnið í Brussel.
Júní
- 2. júní - Jóhann Karl 1. Spánarkonungur tilkynnir að hann hyggist afsala sér völdum og láta krúnuna í hendur syni sínum, Filippus 6.
- 12. júní-13. júlí - Heimsmeistarakeppni í knattspyrnu karla er haldin í Brasilíu.
- 19. júní - Filippus 6. er krýndur sem Spánarkonungur.
Júlí
- 13. júlí - Þýskaland vinnur heimsmeistaratitil í knattspyrnu karla eftir sigur gegn Argentínu.
- 17. júlí - Farþegaþota Malaysian Airlines, með 298 manns innanborðs, er skotin niður yfir austur Úkraínu.
- 24. júlí - Farþegaþota Air Algérie, með 116 manns innanborðs, ferst í Malí.
Ágúst
- 8. ágúst - Bandaríkjaher hefur loftárásir gegn hryðjuverkasamtökunum íslamska ríkinu í norður-Írak.
September
- 8. september - Breska konungsfjölskyldan tilkynnti að Vilhjálmur Bretaprins og Katrín, hertogaynja af Cambridge, ættu von á sínu öðru barni.
- 18. september - Þjóðaratkvæðagreiðsla um sjálfstæði Skotlands 2014 fór fram. Tillaga um sjálfstæði var felld með 55% atkvæða.
Október
- 28. október - HTML5 varð að formlegum W3C-tilmælum.
Nóvember
- 12. nóvember - Evrópska geimstofnunin losar lendingarfarið Philae frá geimfarinu Rosetta og lendir því á halastjörnunni 67P/Churyumov-Gerasimenko. Þetta er í fyrsta sinn í sögu mannkyns sem lent er á halastjörnu.
Desember
- 17. desember - Barack Obama forseti Bandaríkjanna og Raúl Castro forseti Kúbu tilkynna að ríkin ætli að taka upp stjórnmálasamband á ný eftir 52 ára fjandskap.
- 28. desember - Farþegaþota Indonesia AirAsia ferst í Jövuhafi með 162 manns innanborðs.
Dáin
- 5. janúar - Eusébio, portúgalskur knattspyrnumaður (f. 1942).
- 9. janúar - Dale Mortensen, bandarískur hagfræðingur og Nóbelsverðlaunahafi (f. 1939).
- 11. janúar - Ariel Sharon, forsætisráðherra Ísraels (f. 1928).
- 20. janúar - Claudio Abbado, ítalskur hljómsveitarstjóri (f. 1933).
- 27. janúar - Pete Seeger, bandarískur söngvari (f. 1919).
- 1. febrúar - Maximilian Schell, austurrísk-svissneskur leikari (f. 1930).
- 2. febrúar - Philip Seymour Hoffman, bandarískur leikari (f. 1967).
- 9. febrúar - Gabriel Axel, danskur leikari og kvikmyndaleikstjóri (f. 1918).
- 10. febrúar - Shirley Temple, bandarísk leikkona (f. 1928).
- 13. febrúar - Ralph Waite, bandarískur leikari (f. 1928).
- 14. febrúar - Tom Finney, enskur knattspyrnumaður (f. 1922).
- 24. febrúar - Harold Ramis, bandarískur leikari og kvikmyndaleikstjóri (f. 1944).
- 1. mars - Alain Resnais, franskur leikstjóri (f. 1922).
- 23. mars - Adolfo Suárez, forsætisráðherra Spánar (f. 1932).
- 6. apríl - Mickey Rooney, bandarískur leikari (f. 1920).
- 17. apríl - Gabriel Garcia Marquez, kólumbískur rithöfundur (f. 1927).
- 29. apríl - Bob Hoskins, enskur leikari (f. 1942).
- 3. maí - Gary Becker, bandarískur hagfræðingur (f. 1930).
- 4. maí - Tatiana Samoilova, rússnesk leikkona (f. 1934).
- 15. maí - Jean-Luc Dehaene, forsætisráðherra Belgíu (f. 1940).
- 17. maí - Gerald Edelman, bandarískur læknir (f. 1929).
- 25. maí - Wojciech Jaruzelski, pólskur leiðtogi (f. 1923).
- 28. maí - Maya Angelou, bandarískur rithöfundur (f. 1928).
- 15. júní - Casey Kasem, bandarískur leikari (f. 1932).
- 24. júní - Eli Wallach, bandarískur leikari (f. 1915).
- 7. júlí - Eduard Shevardnadze, forseti Georgíu (f. 1928).
- 7. júlí - Alfredo Di Stéfano, argentínsk-spænskur knattspyrnumaður (f. 1926).
- 13. júlí - Nadine Gordimer, suður-afrískur rithöfundur (f. 1923).
- 19. júlí - James Garner, bandarískur leikari (f. 1928).
- 11. ágúst - Robin Williams, bandarískur leikari og grínisti (f. 1951).
- 12. ágúst - Lauren Bacall, bandarísk leikkona (f. 1924).
- 24. ágúst - Richard Attenborough, breskur leikari og kvikmyndaleikstjóri (f. 1923).