Chorizo
Chorizo (chouriço) dimasak sadhuwuring tungku anglo wujud kéwan | |
Ajangan | Sosis |
---|---|
Panggonan asal | Spanyol, Portugal |
Woworan pokok | daging, paprika |
Chorizo (/tʃəˈriːzoʊ/ utawa /-soʊ/,[1][2] saka basa Spanyol; pangucap cara Spanyol: [t͡ʃoˈɾiθo] or [-so]) utawa Chouriço (saka basa Portugis) iku sawijining sosis sing lumrahé digawé saka daging babi. Padatané slongsongé alami nganggo usus kéwan, cara iki wis dilakoni wiwit jaman Romawi biyèn.
Ing Éropah, chorizo iku sawijining sosis sing digawé déné métode fèrmèntasi, pangasinan, lan diasepi. Sawisé iku kena diirisi lan dipangan tanpa dimasak dhisik, utawa dienggo bahan panganan tambahan minangka bumbu kanggo panganan liya. Ing tlatah liya, sawatara sosis sing didol minangka chorizo, bokmanawa ora difèrmèntasi utawa diasinaké lan kudu dimasak dhisik sadurungé dipangan.
Chorizo Spanyol lan chouriço Portugal olèh werna abang tuwa lan rasa pangasepan sing kas déné paprika (pimentón/pimentão).[3]
Déné tradisi kulinèr lan dhuwuré rega paprika asep sing kudu diimpor saka Spanyol, chorizo Mèksiko iku lumrahé digawé mawa lombok abang pribumi sing kalebu spesiès Capsicum annuum sing isih padha, lan sajatiné arang dienggo sajroning pawon Mèksiko, nanging akèh dienggo ing rèstoran-rèstoran Mèksiko-Amérikah Sarékat. Pawon Spanyol-Amérika lumrahé nganggo cukak lan dudu anggur putih kaya sing kerep dienggo ing Spanyol.
Chorizo iku bisa dipangan diiris-iris banjur dilebokaké roti, dipanggang, digorèng utawa digodhog nganggo duduh, kalebu sider apel utawa minuman alkohol liyané kaya ta aguardiente. Kadhangkala chorizo uga diirisi lan ditrapaké kanggo topping pizza, mèmper salami lan pepperoni. Chorizo uga bisa dienggo (gantiné daging cacah sapi utawa babi (sabagéan).[4]
Réferènsi
[besut | besut sumber]- ↑ American Heritage Dictionary
- ↑ Cambridge Advanced Learner's Dictionary
- ↑ Tara Morgan (2015-06-15). "From Choricero to Chorizo: The Rare Pepper that Makes Traditional Basque Sausage Sing | Edible Idaho". Edibleidaho.ediblefeast.com. Dibukak ing 2016-11-18.
- ↑ Predika, Jerry (1983). The Sausage-making Cookbook. Harrisburg, PA: Stackpole Books. kc. 32. ISBN 978-0-8117-1693-2.