Anus
Anus | |
---|---|
Skema saluran pencernaan, kanthi tandha anus. | |
Pengenal | |
TA98 | Masalah skrip: Fungsi "getTAValue" ora ana. |
TA2 | 3022 |
Terminologi anatomi [[[d:Masalah skrip: Fungsi "pageId" ora ana.|besut ing Wikidata]]] |
Ing anatomi, anus, silit, bolongan bokong, utawa jubur (Latin: ānus) iku bukakan saka rektum nuju lingkungan njaban awak. Bukak-tinutupé anus diatur déning otot sepingter (sphinkter). Sesuker (fèsès) dibuwang saka awak ngliwati prosès dhéfékasi (bebuwang; ngising; bebucal, basa Indonésia: buang air besar - BAB), kang dadi fungsi mligi anus.
Anus asring dianggep pérangan sing tabu déning sapérangan golongan masarakat.
Struktur
[besut | besut sumber]Anus manungsa ana ing pérangan tengah bokong, pérangan posterior saka peritoneum. Ana loro otot sphinkter anal (in sisih njero lan njaba). Otot iki mbantu nahan feses wektu defekasi. Salah siji saka otot sphinkter wujud otot polos kang makarya tanpa préntah, éwadéné liyané wujud otot rangka.
Perané ing defekasi
[besut | besut sumber]Nalika rektum kebak bakal ana paningkatan tekanan ing njero lan meksa dhindhing saka saluran anus. Peksanan iki njalari feses lumebu ana ing saluran anus. Pametuné lan pambuwangan feses diatur déning otot sphinkter.
Kanggo nyegah lelara ing anus lan minangka urip séhat, manungsa kudu ngresiki anus sawisé defekasi. Lumrahé anus diresiki krana mbilas nganggo banyu utawa kertas tisu toilét.
Perané ing seksualitas
[besut | besut sumber]Anus duwé akèh badan akir saraf lan wujud laladan kang peka. Téyori Sigmund Freud prakara perkembangan psikoseksual, nyebutaké tingkat anal iku tataran perkembangan. Freud nyebutaké hipotesisé manawa bocah balita bisa ngrasakaké kanikmatan sèksual nalika mbuwang feses.
Seks anal bisa uga mènèhi rangsangan kanggo pasangan kang saling berhubungan (ngèlingi akèh badan akir saraf ing anus). Kanggo wanita, kanikmatan seks anal diprakirakaké asalé saka gandhéngan rektum lan vagina sing cerak kanthi anatomis. Kanggo priya, daya cengkrem saka anus disebutaké dadi salah sawijining faktor kanikmatan seks anal.
Sapérangan kéwan uga nglakokaké seks anal.
Seks anal, sok ingaran sodomi, ya iku aktivitas sèksual kang ditabuaké déning sapérangan masarakat. Ing Indonésia, tindak sodomi iku kalebu tumindak kriminal lan dikenani sanksi paukuman.
Pubertas
[besut | besut sumber]Ing mangsa pubertas, hormon testosteron duwé dhampak ing sapérangan pérangan awaké wong lanang (kurang luwih 13-14 taun), kaya thukulé rambut pubis ing sekitaré anus. Rambut pubis thukul ing sapinggiring anus ing nomnoman umur 18 taun.
Kaséhatan
[besut | besut sumber]Karesikan iku faktor kang wigati kanggo kaséhatan ing kiwa-tengené anus. Mbasuh nganggo sabun lan banyu bisa gawé anus tetep ing kaanan resik. Sabun sing atos utawa ngresiki nganggo kertas tisu toilét sing kasar bisa marakaké iritasi kulit ing sekitaré anus lan bisa njalari rasa gatel.
Penetrasi anus nganggo penis utawa barang liyané bisa marakaké iritasi ing pérangan njeron anus. Masalah iki bisa dicegah kanthi lubrikasi.
Cidrané otot sphinkter bisa ngganggu kontrol tumrap defekasi.
Patologi
[besut | besut sumber]Kanker lan wasir iku lelara kang asring nyerang anus. Bayi bisa ora duwé saluran anus utawa stenosis anus, amarga kalainan kongenital (kalainan kang dumadi nalika bayi ing mangsa kandhutan). Anus uga dadi papan nularé lelara seks menular (PMS).
Pirsanana uga
[besut | besut sumber]Pranala njaba
[besut | besut sumber]- "Operation removes lightbulb from anus"[pranala mati permanèn], Thursday, June 29, 2006 7:34 a.m. ET, Reuters.com