Komik Indonesia

Komik Indonesia

Komik Indonesia inggih punika komik ingkang asalipun saking Indonésia utawi asiling karya satunggaling komikus Indonésia. Déné komik piyambak inggih minangka satunggaling cara kanggé nyariosaken satunggaling cariyos ingkang ngginakaken gambar mminangka medianipun lan komik punika sampun misuwur wiwit jaman karajan - karajan ing kapuloan nuswantara. Salah satunggalipun cara kanggé nyariosaken satunggaling cariyos ngginakaken gambar ing masa purbakala inggih punika saged dipuntingali wonten ing relief- relief ingkang dipunpahat wonten ing témbok candhi- candhi ingkang mratah wonten ing sadaya pelosok nagari Indonésia. Boten wonten satunggaling kesepakatan ngèngingi gaya gabar ln gaya cariyos komik Indonésia. Ing wekdal punika, komik Indonésia kathah ingkang dipunwedalaken déning koloni, déné salah satunggaling jalur kanggé medalaken komik punika inggih kagunganipun m&c Gramedia Grup, lan langkung kathah ngetingalaken komik Indonesia kanthi gaya gambar "manga". Sapérangan komikus sampun sami sarujuk bilih komik Indonesia inggih punika komik ingkang dipundamel saé punika cariyosipun lan utawi gambarpun dipunwedalaken, dipunsebaraken déning komikus lan tiyang Indonesia wonten ing tanah Indonésia piyambak.

Sajarah Komik Indonesia

Kawontenanipun komik- komik ing Indonésia wonten ing taun 1930 nan kapanggih wonten ing médhia Walanda kados ta De Java Bode lan D’orient wondene ing mriku kapanggih wonten ing komik- komik kados ta Flippie Flink and Flash Gordon. Ing purwakaning taun 1950 an, salah satunggaling pionir komik ingkang nama Abdulsalam ngedalaken komik strip heroikipun wonten ing harian Kedaulatan Rakyat, Yogyakarta, salah satunggalipun inggih kanthi irah- irahan "Kisah Pendudukan Jogja", ingkang nyariosaken bab agresi militèr Walanda dhateng Kutha Ngayogyakarta. Komik punika lajeng dipundamel buku déning harian Pikiran Rakyat saking Bandung. Sapérngan pengamat komik inggih nganggep bilih buku punika minangka buku komik sepisanan ingkang dipundamel déning artis komik Indonesia. Déné artis- artis komik Indonésia sanèsipun inggih kados ta:

• Abdillah
• Budijanto Suhardiman
• Ganes TH
• Hasmi
• Jan Mintaraga
• Jeffry (Iwan Suhardi)
• John Lo (Djoni Lukman)
• R.A. Kosasih
• Sim Kim Toh alias Simon Iskandar
• Kho Wan Gie alias Sopoiku
• Wid NS
• Zaldy Armendaris
• Dwi Koendoro

Aliran komik Indonesia

Pangrembakanipun komik Indonésia boten saged uwal saking pangrembakaning komik Indonésia ing nagara sanèspun, saé punika kanthi langsung punapa boten. Kados déné karya seni sanèsipun, komik Indonesia inggih saed nandang wontenipun gesehan ing antawisipun budaya ln tradhisi saking njawi.

Aliran Amérika

Komikus ingkang milih style punika kathah- kathahipun inggih ngrujukaken karyanipun dhateng komikus- komikus Amérika. Sapérangan saking para komikus punika inggih ugi wonten ingkang makarya kanggé mrodhuksi komik mrika. Sapéérangan komikus ingkang saged dipunsebat mapan wonten ing aliran Amérika ing antawisipun inggih punika kados ta:

• Donny Kurniawan
• Alfa Roby
• Reza Ilyasa
• Ario Anindito

Aliran Jepang

Sapérangan komikus ingkang aktip ngedalaken karyanipun kanthi gaya Jepang inggih punika kados ta:

• Anthony Ann kanthi sesinglon sanèsipun inggih punika Sentimental Amethyst
• Anzu Hizawa
• Archie the Red Cat
• Irzaqi
• Is Yuniarto dan John G.Reinhart
• Galang Tirtakusuma