Ismet Fanany

Ismet Fanany (lair ing kutha Kotopanjang, Sumatra Kulon taun 1952) ya iku panganggit cerkak saka kutha Kotopanjang.

Kauripan

Pawiyatan

Piyambaké lulus Sarjana Muda saka IKIP Padang taun 1974, sawisé lulus saka kono banjur mbacutaké sekolah Sarjana ana ing IKIP Malang lan lulus taun 1978. Piyambaké banjur sinau manèh ana ing Cornell University lan olèh gelar Ph.D ing tlatah ngèlmu pawiyatan.

Padamelan

Sajeroning taun 1978 nganti taun 1984, Ismet Fanany dadi dhosèn ing Cornell, semana uga dadi dhosèn tamu ing University of Hawai (1988-1989), lan University of Wisconsin (1990-1991). Ing sapérangan mangsa panas, piyambaké uga mulang ana ing Ohio University (Athena), University of Michigan (Ann Arbor), lan juru pertal ing Departemen Luar Negeri Amerika Serikat (1989-1992).  Ing pungkasaning taun 1992, piyambaké ninggalaké Amerika Serikat lan banjur mulang ana ing National University of Singapore. Ing kono, piyambaké dipitaya kanggo mbukak lan dadi pangarsa dhosèn Basa Indonésia. Wusanané, Ismet Fanany kajibah minangka Pangarsa Program Bahasa Indonesia ing University of Tasmania, Australia. Piyambaké uga sregep nulis buku fiksi lan pertalan. Ing antarané ya iku: Emma dan Aku (1977) lan Lonceng Nagasari (1977) lan kababar dèning Gramedia. Taun 1977, piyambake naté menang sayembara sing dianakake dèning JAL lan Kementrian PDK Jepang, sabanjuré dikirim menyang Tokyo kanggo sinau sajroning mangsa panas ana ing Sophia University.

Karya

Crita cekak anggitan piyambaké “Separo Jalan” kalebu cerkak pilihan Kompas 1996 lan kamot ana ing sajeroning antologi Pistol Perdamaian (antologi cerkak, 1966). Piyambaké uga ngripta kumpulan cerkak tunggal ya iku Hadiah dari Rantau (kumpulan cerkak, 2000).