Tyler Ulis
Ulis Nalika isih main ing Kentucky | |
No. 3 – Stockton Kings | |
---|---|
Posisi | Point Guard |
Liga | NBA Liga G |
Personal information | |
Lair | Southfield, Michigan | Januari 5, 1996
Kewarganagaraan | |
Listed height | 5 ft 9 in (1.75 m) |
Listed weight | 160 lb (73 kg) |
Career information | |
High school | Pawiyatan Katolik Marian (Chicago Heights, Illinois) |
College | Kentucky (2014–2016) |
NBA draft | 2016 / Round: 2 / Pick: ping 34 overall |
Selected by the Phoenix Suns | |
Karir main | 2016–present |
Masalah skrip: Modhul "sports career" ora ana. | |
Career highlights and awards | |
| |
Tyler Ulis yaiku salah sawijining pamain baskèt aguna posisi guard kang asalé saka Amérika Sarékat. Dhèwèké lair ing kutha Kentucky, Amérika Sarékat surya ping 5 wulan Januari taun 1996, saiki Tyler manggon ing kutha Détroit, Miami.[1] Tyler duwé dedeg piyadeg 175 cm lan bobot 70 kilogram, biyèn naté ngangsu kawruh ing pawiyatan Katolik Marian (Marian Chatolic High School).[2] Wiwitan dadi pamain baskèt yakuwi nalika isih ana ing pwiyatan SMA banjur tansah mersudi kaprigelané dadi atlét baskèt lan bisa katut ana klub baskèt NBA yaiku Sacraménto Kings.[3]
Priyangga
[besut | besut sumber]Tyler Ulis yaiku anak saka wong tuwa James Ulis kalawan Kelly Reed duwé tunggal papat yaiku Ahron, Jaden Reed, Anton Porter lan James, milih negara perangan Kentucky tinimbang Michigan, Iowa, lan California Kidul. Loro ponakané yaiku Travis Walton lan Jamar Butler main ing klub baskèt pawiyatan luhur ing Michigan lan Ohio, milih migunakaké nomer geger telu jalaran ngidholani Allen Iversen nalika Tyler isih bocah. Pangaribawa kang paling gedhé sajroning uripé yaiku kaloro wong tuwané, duwé kenangan kang paling diéling-éling sadawané dadi pamain baskèt yaiku nalika menang kontès nglebokaké bal menyang ring saka tengah lapangan ing kajuwaran kapitu. Nalika dhèwèké isih bocah duwé gegayuhan bisa main ing NBA.[4]
Pawiyatan
[besut | besut sumber]Kaping pindho kalebu minangka Illinois All-State selection and Southtown Star Player of the Year, dhèwèké main sajroning kariré ing Pawiyatan Katolik Marian minangka top sekor tim (2.355 poin), asis (578), lan rebut (283). Rata-rata 23 poin, 6,8 asis, lan 3,7 ribon nalika ngancik ing sènior nalika mandhègani Marian menang kaping 28, lan panampilan kaloro kang paling ngédab-édabi. Naté kapilih ing tim McDonald’s All-America lan Jordan Brand Classic kasil nyithak sekor limang poin lan ditambahaké ana trio asis lan ribon tetandhingan McDonald. Tyler uga nyuguhaké sangang poin lan enem asis kang kalebu dhuwur ing kontès Jordan lan manggon ing rangking 20 saka sakabèhan pamain ing kelas taun 2014 déning Scout lan rangking telu miturut posisi. Mungsuhé nyèlèhaké dhèwèké ana urutan 21 lan pitu minangka point guard. Nalika salah sawijining saluran TV ESPN ngurutaké dhèwèké ana urutan 25 lan kapapat manut posisiné.[4]
Karir
[besut | besut sumber]Main ing Sacraménto Kings
[besut | besut sumber]Tyler Ulis dibiwarakaké manawa dhèwèké wis nggandhok kalawan Sacraménto Kings ing dina Selasa, dhèwèké dikontrak sajroning jangka setaun kanthi ragad 1, 67 yuta dolar. Satemene dhèwèké bisa waé ditransfer kanthi lelahanan saka Golden Staté Warriors nanging Kings kumudu golèk pamain anyar kanggo ngisi posisi pamain ing klubé. Pamain kang umuré 23 taun kasebut tamping ing patang tetandhingan bareng Warriors sadurungé klubé ngeculaké dhèwèké ing wulan Oktober, lan Chicago Bulls jupuk dhèwèké nanging amung dimainaké ing sepisan tetandhingan sadurungé diculaké manèh ing surya ping 21 wulan Dhèsèmber.[5]
Tyler biyen kapilih menyang NBA amarga Phoenix Suns kapincut marang dhèwèké ing paron kaloro mangsa NBA ing taun 2016 dhaftar pamain NBA. Tyler ngendtèkaké wektu rong taun ana Suns lan nyathet statistik 7,6 poin, 4,1 asis lan 1,7 ribon sajroning 132 tetandhingan nganti Suns ngeculaké dhèwèké ing wulan Juni taun 2018. Tyler kondhang minangka pamain kang apik nalika ing Kentucky, dhèwèké kalebu ing pamain SEC taun 2015-2016 uga pamain bertahan kang prigel lan antuk bebungan pamain SEC.Nalika Suns jupuk Tyler mènèjer Ryan McDonough duwé gagasan manawa Tyler bakal dimainaké ing paron kapindho. Kanthi binukané punjer palatihan Kings ing dina Setu, Kings jupuk pituna kang sithik saka Tyler kang bisa buktèkaké dhiri saburiné Dé'Aron Fox lan Buddy Hield.[5]
Phoenix Suns Nimbang Ngrékrut Tyler Ulis Bali
[besut | besut sumber]James Jones kudu nenimbang yèn ana tali kekancan kanggo gawa bali Tyler Ulis, ing jaman biyèn wewengkon Kentucky tinepung minangka payithak pamain baskèt nasional kaya ta John Wall, DeMarcus Cousins, Anthony Davis, lan Karl-Anthony Town. Ing pawiyatan luhur Tyler naté katut ing tim utama All-American, Pamain SEC, lan Pamain Bètèng SEC kang uga ana jenengé Anthony Davis natè main setaun bareng dhèwèké[6]
Main manèh Sawisé Tatu Cidra
[besut | besut sumber]Senajan kena tatu cidra bangkékan nalika main ing NBA, Tyler nalika iku main kanggo klub Chicago Bulls lan sawisé mari banjur lumebu klub Stockton Kings ing mangsa 2019-2020, pamain kasenengan pandhemen asal Kentucky kasebut isih duwé wektu kanggo ngembangaké cara mainé yèn éling umuré nembe 24 taun lan pinitaya bisa lumebu manèh ana NBA jalaran Stockton Kings yaiku adhi klub saka Sacraménto Kings.[7]
Angka-angka Tyler Ulis
[besut | besut sumber]Year | Team | GP | GS | MPG | FG% | 3P% | FT% | RPG | APG | SPG | BPG | PPG |
---|---|---|---|---|---|---|---|---|---|---|---|---|
2016–17 | Phoenix | 61 | 15 | 18.4 | .421 | .266 | .775 | 1.6 | 3.7 | .8 | .1 | 7.3 |
2017–18 | Phoenix | 71 | 43 | 23.4 | .388 | .288 | .832 | 1.8 | 4.4 | 1.0 | .1 | 7.7 |
2018–19 | Chicago | 1 | 0 | 1.0 | – | – | – | – | – | – | – | 0.0 |
Career | 133 | 58 | 20.9 | .403 | .280 | .808 | 1.7 | 4.0 | .9 | .1 | 7.5 |
Galéri
[besut | besut sumber]-
Tyler Ulis Ngupiya Awèh Poin Kanthi Cara Léyap Nalika Phoenix Suns lumawan Washington Wizards
-
Tyler Ulis Sinambi Jumbul arep Ngoper Bal menyang Mitrané
-
Tyler Ulis Nyerang Justin Jackson Kinepung déning Telung Pamain Mungsuh
-
Tyler Ulis Adu Arep Kalawan Tyus Jones
Rujukan
[besut | besut sumber]- ↑ ESPN, Admin. "Biodhata Pamain Tyler Ulis (Saka Basa Inggris)". ESPN. Dibukak ing 2020-02-25.
- ↑ Sports Referrence, Admin. "Pamain Tyler Ulis (Saka Basa Inggris)". Sports Refference. Dibukak ing 2020-02-25.
- ↑ CBS Sports, Admin. "Kaca Pamain NBA Tyler Ulis (Saka Basa Inggris)". CBS Sports. Dibukak ing 2020-02-25.
- ↑ a b UK Athletics, Admin. "Olah Raga Pamain Basket Lanang Tyler Ulis (Saka Basa Inggris)". UK Athletics. Dibukak ing 2020-02-26.
- ↑ a b Armstrong, Megan (2019-09-25). "Tilas Pamain Sns Bulls Guard Tyler Ulis Nggandhok kalawan Kings kanthi Kontrak Setaun (Saka Basa Inggris)". Bleacher Report. Dibukak ing 2020-02-25.
- ↑ Stratton, Adam (2019-08-02). "Gawa Bali Tyler Ulis (Saka Basa Inggris)". Valley of the Suns. Dibukak ing 2020-02-26.
- ↑ Goins, Greg (2020-02-12). "Tyler Ulis Bali Main Maneh Sawise Nandang Cidra Tatu (Saka Basa Inggris)". A Sea Of Blue. Dibukak ing 2020-02-16.