ზურაბ ხიზანიშვილი
| |||
პირადი მონაცემები | |||
---|---|---|---|
სრული სახელი | ზურაბ ხიზანიშვილი | ||
დაბადების თარიღი | 6 ოქტომბერი, 1981 | ||
დაბადების ადგილი |
თბილისი საქართველოს სსრ სსრ კავშირი | ||
სიმაღლე | 185 სმ | ||
სათამაშო პოზიცია | მცველი | ||
პროფესიონალური კარიერა* | |||
წლები | გუნდი | მატჩი | (გოლი) |
1998–1999 | დინამო თბილისი | 2 | (1) |
1999–2000 | ნორჩი დინამოელი | 9 | (0) |
2000–2001 | ლოკომოტივი | 16 | (1) |
2001–2003 | დანდი | 43 | (0) |
2003–2006 | რეინჯერსი | 42 | (0) |
2005–2006 | → ბლექბერნი | 26 | (1) |
2006–2011 | ბლექბერნ როვერსი | 36 | (0) |
2009 | → ნიუკასლი | 7 | (0) |
2010 | → რედინგი | 15 | (0) |
2010–2011 | → რედინგი | 22 | (0) |
2011–2014 | ქაისერისფორი | 76 | (1) |
2014–2015 | დინამო თბილისი | 4 | (0) |
2015 | სამტრედია | 14 | (1) |
2015–2017 | ინტერი ბაქო | 50 | (6) |
სულ | 357 | (11) | |
ეროვნული ნაკრები | |||
1996–1997 | საქართველო 17 წლ. | 9 | (1) |
1998 | საქართველო 19 წლ. | 8 | (0) |
1999–2000 | საქართველო 21 წლ. | 3 | (1) |
1999–2013 | საქართველო | 92 | (1) |
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 23 ოქტომბერი, 2017 |
ზურაბ ხიზანიშვილი (დ. 6 ოქტომბერი, 1981, თბილისი, საქართველოს სსრ) — ქართველი საფეხბურთო მწვრთნელი და ყოფილი ფეხბურთელი, წარსულში ასევე ცნობილი ქართველი ფეხბურთელის, ნოდარ ხიზანიშვილის ვაჟი. ამჟამად საქართველოს ახალგაზრდული ნაკრების მთავარი მწვრთნელის თანაშემწე.
ხიზანიშვილმა თავისი კარიერა თბილისის „დინამოში“ დაიწყო. მან საქართველოს ჩემპიონატში რამდენიმე კლუბი გამოიცვალა და თავისი თამაშით წამყვანი ევროპული კლუბები დააინტერესა, თუმცა საბოლოოდ შედარებით მოკრძალებულ შოტლანდიურ კლუბ „დანდიში“ გადავიდა. დანდიში ჩატარებული რამდენიმე მშვენიერი სეზონის შემდეგ გადავიდა შოტლანდიური ფეხბურთის ყველაზე ტიტულოვან კლუბ „რეინჯერსში“. იყო ინგლისური კლუბ „ბლექბერნ როვერსის“, „ნიუკასლ იუნაიტედსა“ და „რედინგის“ წევრი. თურქულ „ქაისერისფორში“ თამაშის შემდეგ დაბრუნდა საქართველოში და კარიერა ჯერ თბილისის „დინამოში“ და შემდეგ „სამტრედიაში“ განაგრძო, საიდანაც ბაქოს „ინტერში“ გადაბარგდა, სადაც 2017 წელს დაასრულა აქტიური სპორტული კარიერა.
კარიერა
საკლუბო
ზურაბ ხიზანიშვილმა საფეხბურთო კარიერა 18 წლის ასაკში, „დინამოში“ დაიწყო, სადაც მამამისმა ნოდარ ხიზანიშვილმა დინამოს ძლიერების ზენიტის წლები გაატარა. დინამოში ხიზანიშვილმა ერთი სეზონი დაჰყო, მომავალ სეზონში კი საფეხბურთო კლუბ „თბილისში“ გადავიდა, ერთი წლის შემდეგ კვლავ შეიცვალა კლუბი. ამჯერად მისი ახალი კლუბი ასევე თბილისური „ლოკომოტივი“ გახდა. „ლოკომოტივიდან“ კი უცხოეთში, შოტლანდიის საფეხბურთო კლუბ „დანდიში“ გადავიდა. ქართველი ფეხბურთელის შოტლანდიაში გადასვლამ შოტლანდიაში დიდი აჟიოტაჟი გამიოწვია და ბრიტანეთის მასშტაბით არცთუ გამორჩეული კლუბი, მალევე მოექცა ყურადღების ცენტრში. შოტლანდიურმა გამოცემა „კურიერმა“ ახალგაზრდა ქართველი „ლიდს იუნაიტედის“ მცველ რიო ფერდინანდს შეადარა. შოტლანდიურ კლუბში ხიზანიშვილი საქართველოს ეროვნული ნაკრების კაპიტნის, გიორგი ნემსაძის რეკომენდაციით მოხვდა, რომელიც აქ თამაშობდა და კაპიტანიც იყო.
„დანდიში“ ჩინებული თამაშის შემდეგ მისით შოტლანდიური გრანდი „გლაზგო რეინჯერსი“ დაინტერესდა. 2003 წელს ზურა რეინჯერსში გადავიდა, კარგადაც ათამაშდა, მაგრამ ბოლო დროს მწვრთნელი ალექს მაკლიში ქართველ მცველს აღარ ენდობოდა, ხიზანიშვილიც იძულებული გახდა სხვა კლუბი მოეძებნა. ეს სხვა კლუბი კი ინგლისის პრემიერლიგის კლუბი „ბლექბერნ როვერსი“ იყო. თავიდან ხაზანიშვილ იჯარით ერთი სეზონით აიყვანეს, შემდეგ კი მან გუნდთან კონტრაქტიც გააფორმა. მწვრთნელმა მარკ ჰიუზმა დიდი ნდობა გამოუცხადა ზურაბ ხიზანიშვილს, პირველი ორი სეზონი რეგულარულადაც ათამაშებდა, მაგრამ შემდგომში უელსელმა სპეციალისტმა ხიზანიშვილი სათადარიგო სკამზე დასვა და იშვიათად აძლევდა თავის გამოჩენის შანსს. 2008 წელს „ბლექბერნის“ მწვრთნელი პოლ ინსი გახდა, შემდეგ კი სემ ელერდაისი, თუმცა ქართველი ფეხბურთელი მაინც მოკლებული იყო ჩვეულ სათამაშო პრაქტიკას. 2009 წელს ზურა ხიზანიშვილი ინგლისის ერთ-ერთ ტიტულოვან კლუბ „ნიუკასლ იუნაიტედში“ გადავიდა იჯარით. 2009 წლის მიწურულს კი ჩემპიონშიპის კლუბ „რედინგში“ გადავიდა ისევ იჯარის წესით. 2011-2014 წლებში თურქეთის გუნდ „ქაისერისფორში“ თამაშობდა და 76 თამაში ჩაატარა. 2014 წელს თბილისის „დინამოში“ დაბრუნდა[1], რომლის მაისურითაც მხოლოდ 4 მატჩი ჩაატარა უმაღლეს ლიგაში. 2014-15 წლების პირველი ნახევრის დასრულების შემდეგ, დეკემბერში კონტრაქტის ვადა ამოიწურა, კლუბმა გახანგრძლივება არ შესთავაზა და უკლუბოდ დარჩა.[2] 2015 წლის იანვრიდან საფეხბურთო კლუბ „სამტრედიას“ თურქულ შეკრებაზე შეუერთდა.[3]
სანაკრებო
ზურაბ ხიზანიშვილის სანაკრებო კარიერა დაიწყო 1999 წლის 5 ივნისს. მალე იგი ახალგაზრდულ ნაკრებშიც მიიწვიეს, სადაც მან 8 თამაში ჩაატარა. მისი რეგულარული სანაკრებო კარიერა 2000 წლიდან დაიწყო. 2007 წელს ზურას კონფლიქტი მოუვიდა საქართველოს ეროვნლი ნაკრების მთავარ მწვრთნელ კლაუს ტოპმიოლერთან, თუმცა ტოპმიოლერის შემცვლელმა, ნაკრების დროებითმა მწვრთნელმა პეტარ სეგრტმა გამოცდილი მცველი ნაკრებში დააბრუნა. ნაკრების შემდეგი მწვრთნელი, თემურ ქეცბაია ხიზანიშვილს ხშირად საყრდენი ნახევარმცველის პოზიციაზე ათამაშებდა. 2013 წელს ხიზანიშვილმა სანაკრებო კარიერის დასრულების შესახებ განაცხადა[4]
სანაკრებო გოლები
გოლი | თარიღი | ადგილი | მოწინააღდეგე | ანგარიში | შედეგი | ტურნირი |
---|---|---|---|---|---|---|
1 | 2009-06-06 | მიხეილ მესხის სტადიონი, თბილისი, საქართველო | 1 – 2 | 1–2 | ამხანაგური |
საკლუბო სტატისტიკა
სტატიას ან სექციას სჭირდება განახლება. |
კლუბი | სეზონი | ჩემპიონატი | თასი | ლიგის თასი | ევროთასები | სხვა ტურნირები | ჯამში | ||||||
---|---|---|---|---|---|---|---|---|---|---|---|---|---|
თამ | გოლ | თამ | გოლ | თამ | გოლ | თამ | გოლ | თამ | გოლ | თამ | გოლ | ||
დინამო თბილისი | 1998-99 | 0 | 0 | 0 | 0 | 0 | 0 | 0 | 0 | 0 | 0 | 0 | 0 |
ჯამში | 0 | 0 | 0 | 0 | 0 | 0 | 0 | 0 | 0 | 0 | 0 | 0 | |
თბილისი | 1999-00 | 0 | 0 | 0 | 0 | 0 | 0 | 0 | 0 | 0 | 0 | 0 | 0 |
ჯამში | 0 | 0 | 0 | 0 | 0 | 0 | 0 | 0 | 0 | 0 | 0 | 0 | |
ლოკომოტივი თბილისი | 2000-01 | 0 | 0 | 0 | 0 | 0 | 0 | 0 | 0 | 0 | 0 | 0 | 0 |
ჯამში | 0 | 0 | 0 | 0 | 0 | 0 | 0 | 0 | 0 | 0 | 0 | 0 | |
დანდი | 2000-01 | 5 | 0 | 0 | 0 | 0 | 0 | 0 | 0 | 0 | 0 | 5 | 0 |
2001-02 | 18 | 0 | 0 | 0 | 2 | 0 | 0 | 0 | 0 | 0 | 20 | 0 | |
2002-03 | 16 | 0 | 5 | 0 | 1 | 0 | 0 | 0 | 0 | 0 | 22 | 0 | |
ჯამში | 39 | 1 | 5 | 0 | 3 | 0 | 0 | 0 | 0 | 0 | 47 | 0 | |
გლაზგო რეინჯერსი | 2003-04 | 25 | 0 | 1 | 0 | 2 | 0 | 8 | 0 | 0 | 36 | 0 | 0 |
2004-05 | 14 | 0 | 1 | 0 | 2 | 0 | 6 | 0 | 0 | 0 | 23 | 0 | |
ჯამში | 29 | 0 | 2 | 0 | 4 | 0 | 14 | 0 | 0 | 0 | 59 | 0 | |
ბლექბერნ როვერსი | 2005-06 | 24 | 1 | 2 | 0 | 4 | 1 | 0 | 0 | 0 | 0 | 30 | 2 |
2006-07 | 17 | 0 | 3 | 0 | 1 | 0 | 6 | 0 | 0 | 0 | 27 | 0 | |
2007-08 | 10 | 0 | 1 | 0 | 1 | 0 | 0 | 0 | 0 | 0 | 12 | 0 | |
2008-09 | 3 | 0 | 4 | 0 | 3 | 0 | 0 | 0 | 0 | 0 | 10 | 0 | |
ჯამში | 54 | 1 | 10 | 0 | 9 | 1 | 6 | 0 | 0 | 0 | 79 | 2 | |
უცხოური კარიერის ჯამური შედეგები | 122 | 2 | 17 | 0 | 16 | 1 | 20 | 0 | 0 | 0 | 185 | 2 |
ტიტულები
- საქართველოს ჩემპიონი: 1998/1999
- შოტლანდიის ჩემპიონატის ვერცხლის პრიზიორი: 2003/2004
- საქართველოს თასის მფლობელი: 1999/2000
- შოტლანდიის ლიგის თასის მფლობელი: 2004/2005
- საქართველოს სუპერთასის გამარჯვებული: 2014/2015
- საქართველოს სუპერთასის ფინალისტი: 1998/1999
პირადი ცხოვრება
ზურაბ ხიზანიშვილი დაიბადა ცნობილი ქართველი ფეხბურთელის, ნოდარ ხიზანიშვილის ოჯახში. ჰყავს მეუღლე, მოდელი სალომე ღვინიაშვილი და 3 შვილი.
რესურსები ინტერნეტში
- პროფილი eu-football.info-ზე
- ზურაბ ხიზანიშვილი — ფიფას ჩანაწერი[დაარქივებული]
- პროფილი Transfermarkt-ზე (ინგლისური)
- პროფილი Soccerway-ზე (ინგლისური)
სქოლიო
- ↑ დინამოს ზურაბ ხიზანიშვილი შეუერთდა. „დინამოს“ ოფიციალური საიტი. 14 სექტემბერი, 2014
- ↑ სიმართლე გითხრათ თუ შევალამაზო? ზურაბ ხიზანიშვილმა თბილისის "დინამო" დატოვა ,საინფორმაციო სააგენტო „http://sportall.ge/“, 22 დეკემბერი, 2014.
- ↑ "სამტრედიაში" მისულმა ზურაბ ხიზანიშვილმა გოლი პირველსავე მატჩში გაიტანა ,საინფორმაციო სააგენტო „http://sportall.ge/“, 3 თებერვალი, 2015.
- ↑ ხიზანიშვილი: ეროვნული ნაკრებიდან მივდივარ ჟურნალი „ტაბულა“ ხუთშაბათი, 19 სექტემბერი, 2013
- თბილისელები
- თბილისში დაბადებულები
- დაბადებული 1981
- დაბადებული 6 ოქტომბერი
- ქართველი ფეხბურთელები
- საქართველოს ნაკრების ფეხბურთელები
- ეროვნული ლიგის ფეხბურთელები
- თბილისის დინამოს ფეხბურთელები
- ნორჩი დინამოელის ფეხბურთელები
- სამტრედიის ფეხბურთელები
- დანდის ფეხბურთელები
- გლაზგოს რეინჯერსის ფეხბურთელები
- ბლექბერნ როვერსის ფეხბურთელები
- პრემიერ ლიგის ფეხბურთელები
- ნიუკასლ იუნაიტედის ფეხბურთელები
- ინგლისის საფეხბურთო ლიგის ფეხბურთელები
- რედინგის ფეხბურთელები
- თურქეთის საფეხბურთო სუპერლიგის ფეხბურთელები
- ქაისერისფორის ფეხბურთელები