ბესარიონ ჯუღაშვილი
ბესარიონ ჯუღაშვილი | |
---|---|
| |
დაბადების თარიღი |
1850 დიდი ლილო |
გარდაცვალების თარიღი |
25 აგვისტო, 1909 თბილისი |
მეუღლე(ები) | კეკე გელაძე |
შვილ(ებ)ი | მიხეილი, გიორგი, იოსებ ჯუღაშვილი |
მშობლები | მამა: ივანე ჯუღაშვილი |
ბესარიონ ივანეს ძე ჯუღაშვილი (დ. 1850, დიდი ლილო — გ. 25 აგვისტო, 1909, თბილისი) — იოსებ სტალინის მამა.
ბიოგრაფია
[რედაქტირება | წყაროს რედაქტირება]ბესარიონ ივანეს ძე ჯუღაშვილი დაიბადა 1850 წელს, თბილისის გუბერნიის სოფელ დიდ ლილოში. მან ცოლად შეირთო კეკე გიორგის ასული გელაძე. მათი ორი ვაჟი დაბადებისთანავე გარდაიცვალა — მიხეილი 1875 წელს, ხოლო გიორგი 1876 წელს. მესამე შვილი იოსები შეეძინა 1878 წლის 6 (18) დეკემბერს, ხოლო მონათლეს 1878 წლის 17 (29) დეკემბერს ქალაქ გორში.
პირველი შვილის გარდაცვალების შემდეგ ბესარიონ ჯუღაშვილმა სმა დაიწყო, ხშირად ჩხუბობდა შინ, თუ გარეთ. ბესარიონი სამუშაოდ გორიდან თბილისში წავიდა და ადელხანოვის ფაბრიკაში დაიწყო მუშაობა. თავდაპირველად იგი ხშირად ჩადიოდა გორში ცოლ-შვილის მოსანახულებლად, მაგრამ, მისი ვიზიტები თანდათან სულ უფრო და უფრო იშვიათი გახდა, რადგან სმის გამო ცოტა ხანში სამსახურიც დაკარგა. ამის შემდეგ მან მუშაობა დაიწყო ქუჩაში, ფეხსაცმლის შემკეთებლად და ანაზღაურებას მთლიანად სასმელში ხარჯავდა.
1909 წლის აგვისტოში თბილისის მიხეილის საავადმყოფოში (დღევანდელი ქალაქის მეხუთე საავადმყოფო), თავისი ფეხით მისულა ავადმყოფი ბესარიონ ჯუღაშვილი. რამდენიმე დღეში კი იგი ამავე საავადმყოფოში გარდაიცვალა.
ლიტერატურა
[რედაქტირება | წყაროს რედაქტირება]- ვახტანგ გურული. მეფე-მამა. გამომცემლობა ,,არტანუჯი", გვ.16–18, თბ., 2014
- ისააკ დოიჩერი. სტალინი — პოლიტიკური ბიოგრაფია. ნაწილი I. წიგნი #48, თბილისი, 2015.