მესტა
მესტა | |
---|---|
მესტა | |
ქვეყანა |
|
სათავე |
რილა 42°07′10″ ჩ. გ. 23°35′10″ ა. გ. / 42.11944° ჩ. გ. 23.58611° ა. გ. |
სათავის მდებარეობა | ბულგარეთი |
შესართავი |
ეგეოსის ზღვა 40°50′51″ ჩ. გ. 24°48′15″ ა. გ. / 40.84750° ჩ. გ. 24.80417° ა. გ. |
შესართავის მდებარეობა | საბერძნეთი |
შესართავის სიმაღლე | 0 მ |
სიგრძე | 230 კმ |
აუზის ფართობი | 2767,1 კმ² |
წყლის ხარჯი (საშ.) | 14,62 მ³/წმ |
| |
მესტა (ბულგ. Места; ბერძ. Νέστος) — მდინარე ბულგარეთსა და საბერძნეთში.[1] ერთვის ეგეოსის ზღვას. სათავე აქვს ბულგარეთის სამხრეთ-დასავლეთ ნაწილში, რილის მთებში. წარმოიქმნება მდინარეების შავი და თეთრი მესტის შეერთების შედეგად. ორივე მდინარის ხეობები ციცაბო და ვიწროა, ხოლო დინება სწრაფი.[1]
მდინარის სიგრძეა 230 კმ, აუზის ფართობი 2767,1 კმ². ბულგარეთის ტერიტორიაზე გაედინება დაახლოებით 126 კმ მანძილზე, დანარჩენი 104 კმ საბერძნეთშია. მესტის მთავარი შენაკადია მდინარე დოსპატი.
საბერძნეთის ტერიტორიაზე მდინარე კვეთს ბორცვებსა და დაბალმთიანეთებს. მდინარის ხეობა დაფარულია ფოთლოვანი ტყით, რომელიც ვრცელდება ორ წერტილს — ბულგარეთსა და საბერძნეთს შორის. ტყე ქმნის საზღვარს საბერძნეთის მაკედონიასა და თრაკიას შორის. ეგეოსის ზღვას ერთვის საბერძნეთის კუნძულ თასოსთან ახლოს. მდინარე მესტა შესართავში ქმნის დელტას, სადაც განვითარებულია ხშირი ჭაობები.
აუზის ზემო და შუა ნაწილში იკვებება თოვლისა და წვიმის წყლით, ქვემო დინებაში ჭარბობს მხოლოდ წვიმის წყლები. წყლის ყველაზე დიდი ხარჯი ზამთარშია. წყლის ხარჯი უდრის 14,62 მ³/წმ-ს, საბერძნეთისა და ბულგარეთის საზღვრების გადაკვეთასთან დაახლოებით 32 მ³/წმ. მდინარის წყალი გამოიყენება სარწყავად.
მდინარე მესტა სათივად საბერძნეთის საზღვრამდე „მესტად“ იწოდება, საბერძნეთში შემოსვლის შემდეგ ეწოდება „ნესტოსი“.
გალერეა
[რედაქტირება | წყაროს რედაქტირება]იხილეთ აგრეთვე
[რედაქტირება | წყაროს რედაქტირება]რესურსები ინტერნეტში
[რედაქტირება | წყაროს რედაქტირება]- მესტა — სტატია ენციკლოპედია ბრიტანიკიდან (ინგლისური)