მძიმე ფორვარდი (კალათბურთი)
მძიმე ფორვარდი, აგრეთვე ცნობილი როგორც მეოთხე ნომერი — კალათბურთში ხუთიდან ერთ-ერთი პოზიცია. მძიმე ფორვარდი თამაშის დროს ცენტრის მსგავს როლს ასრულებს. ამ პოზიციაზე მოთამაშე კალათბურთელები შეტევაში ძირითადად ფარისკენ ზურგით თამაშობენ. მათ თამაშის დროს მრავალი პასუხისმგებლობა გააჩნიათ; მათგან ერთ-ერთია ფარიდან ასხლეტილი ბურთის მოხსნა. აგრეთვე, მათი მოვალეობაა ზონური და პერსონალური დაცვის თამაში მოწინააღდეგე გუნდის მძიმე ფორვარდის (და არა მარტო) წინააღმდეგ.[4]
NBA-ში მძიმე ფორვარდების სიმაღლე ძირითადად 2,03–2,13 მ შუალედში მერყეობს ხოლო WNBA-ში მათი სიმაღლე 1,85–1,93 მ-ია. ზოგიერთი მძიმე ფორვარდი ხშირად ცენტრის პოზიციაზე თამაშობს და ამის უნარებიც გააჩნია, თუმცა მათ ხშირად ცენტრისთვის აუცილებელი სიმაღლე აკლიათ.
ნეისმიტის მემორიალური საკალათბურთო დიდების დარბაზში მრავალი ფორვარდია ფორვარდია შესული; მათ შორის არიან: კარლ მელოუნი, დენის კარი, დოლფ შეიესი, კევინ მაკჰეილი, ჩარლზ ბარკლი, ელვინ ხეიზი, ბობ პეტიტი, დენის როდმანი, კატრინა მაკლეინი.
სქოლიო
[რედაქტირება | წყაროს რედაქტირება]- ↑ ESPN.com's Greatest Power Forwards. ESPN. ESPN Internet Ventures (June 2, 2005). ციტირების თარიღი: June 17, 2007.
- ↑ Rosen, Charley. (July 18, 2005) Best all-time power forwards. Fox Sports. MSN. დაარქივებულია ორიგინალიდან — July 19, 2005. ციტირების თარიღი: January 31, 2008.
- ↑ DuPree, David. (June 7, 2007) Tim Duncan: Best power forward ever?. USA Today. Gannett Company. ციტირების თარიღი: June 17, 2007.
- ↑ NBA.com - Players and Positions.