Павел Петрович Бажов
Павел Петрович Бажов | |
| |
Туған күні |
15(27) қаңтар 1879 |
---|---|
Қайтыс болған күні |
3 желтоқсан 1950 |
Ұлты |
Орыс |
Әкесі |
Петр Васильевич |
Анасы |
Августа Степановна |
Бажов Павел Петрович, жазушы (1879-1950).
Еңбекжолы
[өңдеу | қайнарын өңдеу]Павел Петрович Бажов 15(27) қаңтар 1879 жылы жұмысшы отбасында дүниеге келді. Балалық шағы Сысерт қаласында өтті. Алдыңғы қатарлы оқушы ретінде зауыт мектебінде, 10-14 жасында Екатеринбург қаласындағы діни училищеде білім алды, содан соң 1899 жылы Пермь діни семинариясын бітірді. Екатеринбургтегі діни училищеде орыс тілі пәнінің мұғалімі қызметін атқарды. Жазғы демалыс кезінде Оралға саяхат жасады. Үнемі фольклордың жақсы нұсқаларын жинаумен шұғылданды. Өзінің оқушысы Валентина Александровнаға үйленді. Отбасында төрт баласы болды. 1918 жылдың майдың басында Семей губерниясына, ал 1918 жылы маусымда Өскемен губерниясына келді. 10 маусым 1918 жылы казактардың ұйымдастырған «Щит и престол» атты жасырын ұйымында жұмыс атқарды. Осы қызметі үшін Өскемендегі төңкерістен кейін қызметін тоқтатты. Павел Петрович Бажов Өскемен уезінде тұрған кезінде халықтық білім бөлімінің меңгерушісі, «Советская власть» газетінің редакторы болған. Оның бастамасымен және өзінің тікелей қатысуымен Халықтық Үйінде (қазір Жамбыл атындағы облдрамтеатр) уездегі тұңғыш қазақ ұлттық тобы құрылды, селолық кітапханалар мен оқу үйлері ашылды, халық сауатсыздығын жою жөнінде жұмыс жүргізілді.
1921 жылы қатты науқастанып ауыруына байланысыты, Камышлев атқару комитетінің шақыруымен Оралға аттанады. Осы жерде журналистік және әдебиетке байланысты қызметін жалғастырады. Орал тарихы туралы кітаптар шығарып, фольклор нұсқаларын жинай бастайды. 1923-1931 жылдары облыстық газетте тілші қызметін атқарады. 1924 жылы алғашқы очерктер жинағы «Уральские были» атты кітабы жарыққа көрді. 1936 жылы «Девка Азовка» атты алғашқы ертегісі, 1939 жылы «Малахитовая шкатулка» атты алғашқы Орал ертегісі жарыққа шықты. 1940 жылдан бастап Свердловскіде жазушылар Одағын басқарды. КСРО Жоғарғы Советінің 2-3 шақырылымының депутаты. 3 желтоқсан 1950 жылы Москва қаласында қайтыс болды. Свердловск қаласында жерленді.
Бажов Павел Петрович туралы :
Сағымбеков , Р.
Алғашқы адымдар [Мәтін] : [Алтай өңірінде Совет өкіметін орнатушылар туралы] / Р. Сағымбеков // Қазақ әдебиеті. - 1983. - 22 шілде.
Қаңтарбаев, Ә Қаламгерлер мүсіні ашылды [Мәтін] / Қаңтарбаев Ә // Дидар. - 2005. - 25 маусым. - Б. 2.
Дереккөздер
[өңдеу | қайнарын өңдеу]1. Шығыс Қазақстан облысы мәдениеті кітабы, АТАМҰРА