Уле Гуннар Сульшер
Уле Гуннар Сульшер | |||||||||||||||||||||||||||||||||||||||||||
| |||||||||||||||||||||||||||||||||||||||||||
Жалпы мағлұмат | |||||||||||||||||||||||||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Туған күні | |||||||||||||||||||||||||||||||||||||||||||
Туған жері | |||||||||||||||||||||||||||||||||||||||||||
Азаматтығы | |||||||||||||||||||||||||||||||||||||||||||
Бойы |
178 | ||||||||||||||||||||||||||||||||||||||||||
Позиция |
шабуылшы | ||||||||||||||||||||||||||||||||||||||||||
| |||||||||||||||||||||||||||||||||||||||||||
Уле Гуннар Сульшер[1] (норв. Ole Gunnar Solskjær; 26 ақпан 1973, Кристиансунн, Мёре-ог-Ромсдал) — норвег футболшысы, шабуылшы. Қазір бапкерлікпен айналысады. 1997-2007 жылдары Норвегия Ұлттық құрамасында ойнады. "Манчестер Юнайтедтің" аңызға айналған футбошыларының бірі, 11 маусым бойы ешқайда ауыспай, осы клубта өнер көрсетті. Бапкерлік карьерасын норвегиялық клубтарды баптаудан бастады да, 2018 жылдың соңында "Манчестер Юнайтедке" уақытша бапкер болып тағайындалды. Бұл қыызметті 2021 жылдың 21 қарашасына дейін атқарды.
Карьерасы
[өңдеу | қайнарын өңдеу]Футболшы карьерасы
[өңдеу | қайнарын өңдеу]Карьерасын Норвегияның үшінші дивизионында ойнайтын "Клаусененген" клубында бастады. Бұл клубта нәтижелігігі тым жоғары болды, 109 кездесуде 115 гол соқты. 1994 жылы жоғары дивизион өкілі "Мольде" футболшыны өз қатарына шақырды. "Мольде" сапында да жиі гол соғып, ұлттық құрамаға шақыртылды.
1996 жылы жазда "Манчестер Юнайтедке" ауысты. Манчестерлік клубтың Алан Ширермен жасаған сәтсіз трансфері нәтиже бермеді, Сульшер келген соң Ширер "Ньюкаслға" ауысып кетті.
Сульшер "Манчестер Юнайтед" сапындағы алғашқы ойынында-ақ гол соқты. 1996 жылы 25 тамызда "Блэкберн Роверспен" ойында матч барысында алаңға шығып, алты минуттан соң нәтижелі соққы жасады. Бір қызығы, 2007 жылы 31 наурызда "Манчестер" сапындағы соңғы голын да осы "Блэкберннің" қақпасына соқты, тағы да ойынға тыңнан қосылып, алты минуттан соң.
Алғашқы маусымда Англия чемпионатында 18 гол соқты.
1998/99 жылғы маусым Сульшер үшін табысты болды, "Манчестер Юнайтед" Англия чемпионы атанды, УЕФА Чемпиондар кубогын, Англия кубогын ұтты. Әсіресе 1999 жылы 26 мамырдағы Чемпиондар Лигасының финалы Сульшердің есінде мәіңгі қалды: "Бавариядан" 0:1 есебімен ұтылып тұрғанда Тедди Шерингем екеуі ойынға қосылып, бір-бір голдан соқты да, "Манчестер Юнайтед" 2:1 есебімен жеңіске жетті.
"Манчестер Юнайтедтің" бапкері Сэр Алекс Фергюсон Сульшерді көбінен ойын ортасында матчқа қосып отырды да, Сульшер көбінде гол соғып жатты. Сонысына қарап оны "супер алмасушы" деп атап кетті.
Карьерасының соңғы жылдарында жиі жарақаттанумен болды да, көзге түспей қойды. 2006 жылы клубпен жаңа келісім шарт жасасқанына қарамастан, 2007 жылы тамыз айында жарақатының кесірінен амалсыз футболмен қоштасты.
Бапкерлік карьерасы
[өңдеу | қайнарын өңдеу]2007 жылы "Манчестер Юнайтедтің" жасөспірімдер клубын жаттықтырды. 2010 жылы "Мольде" клубында бас жаттықтырушы болды. Бапкер ретінде де табыссыз болмады, 2011, 2012 жылдары Норвегия чемпионы атанды.
2014 жылы қаңтар айында "Кардифф Ситидің" бас жаттықтырушысы болды, бірақ нәтиже көрсете алмай, сол жылы қыркүйекте ол қызметтен босады.
2015-18 жылдары тағы да "Мольде" клубының бас жаттықтырушысы болды.
2018 жылдың соңына қарай "Манчестер Юнайтед" тым нашарлап кетті де, бас бапкер Жозе Моуриньо қызметтен босады. Орнына Сульшер уақытша бапкер міндетін атқарушы боп тағайындалды. Алғашқы ойында-ақ "Манчестер" 5:1 есебімен "Кардифф Ситиді" ұтты. Алғашқы сегіз ойында Сульшердің командасы сегіз жеңіске қол жеткізді, бұрын-соңды Манчестерлік клубтың ешқандай бапкері мұндай сәтті дебют жасаған емес.
2019 жылы наурыз айында ресми түрде "Манчестер Юнайтедтің" бапкері боп тағайындалды.
Жетістіктері
[өңдеу | қайнарын өңдеу]Ойыншы ретінде
[өңдеу | қайнарын өңдеу]- Манчестер Юнайтед
- Англия чемпионы (6): 1996/97, 1998/99, 1999/2000, 2000/01, 2002/03, 2006/07
- Англия кубогы (2): 1999, 2004
- Чемпиондар Лигасы: 1999
- Англия суперкубогы (2): 1996, 2003
- Құрлықаралық кубок: 1999
Бапкер ретінде
[өңдеу | қайнарын өңдеу]- Манчестер Юнайтед (21)
- Ланкашир үлкен кубогы: 2009
- Манчестер үлкен кубогы: 2009
- Молде
- Норвегия чемпионы (2): 2011, 2012
- Норвегия кубогы: 2013
Дереккөздер
[өңдеу | қайнарын өңдеу]- ↑ кей ақпарат көздерінде Уле Гуннар Солскьяр деп те жазылып жүр
Сілтемелер
[өңдеу | қайнарын өңдеу]- Биографиясы (ағыл.)
- Профилі Мұрағатталған 26 маусымның 2007 жылы. (ағыл.)
- 26 ақпанда туғандар
- 1973 жылы туғандар
- Алфавит бойынша тұлғалар
- Кристиансуннда туғандар
- Алфавит бойынша футболшылар
- Норвегия футболшылары
- Норвегия Ұлттық футбол құрамасының ойыншылары
- Мольде ФК ойыншылары
- Манчестер Юнайтед ФК ойыншылары
- Манчестер Юнайтед ФК жаттықтырушылары
- Норвегия футбол жаттықтырушылары
- Мольде ФК жаттықтырушылары
- Кардифф Сити ФК жаттықтырушылары