Alexander Kodwo Kom Abban

Alexander Kodwo Kom Abban

human

Sex or gender	male
Country of citizenship	Ghana
Given name	Александр
Date of birth	6 Samanpiid/Nwadispii nɛ atan 1973
Languages spoken, written or signed	English
Occupation	politician, university teacher, university teacher, legal advisor
Position held	Member of the 7th Parliament of the 4th Republic of Ghana
Educated at	Boston University School of Law, Ghana lɔyanam sakur, University of Ghana
Academic major	Banking and Finance Law Review
Residence	Gomoa Central Constituency
Member of political party	New Patriotic Party
Religion or worldview	Christianity

Alexander Kodwo Kom Abban anԑ Ghana pↄlitis nwԑ’ԑd ka mԑ paas wadmaanib yir linԑ paas ayↄpↄi la Ghana Republic linԑ paas anaasi la n zi’enԑ tis Gomoa West sʋ’ʋlʋm teŋkanɛ bԑ Central Region sʋ’ʋlʋm la, o anԑ Wabʋg Na’adↄↄg nid.

Vʋm pin’ilʋg nԑ sakur ken yԑla

Ba da du’a Abban nԑ nwadis pii nɛ ayi' la daba ayuobʋ daar yʋʋm 1973 la ni. o yinԑ Gomoa Dawurampong teŋkanɛ bԑ Ghana Central Region sʋ’ʋlʋmin la. O da maali o masta Digirii bɛ wada zamisʋg linԑ an Bankin nԑ Ligidi wada zamisʋg yԑla la n yi Boston University sakur linԑ zamisid Wada yԑla la yʋʋma 2008 la ni. O da di’e o tiim kasɛta gbaʋŋ n yi lʋgir kanԑ ka ba buon ye Medical and Dental Council la ni. O da maali o yiiga digirii zamisʋg linԑ ka ba buon ye Human Biology la yi Kwame Nkrumah University of Science and Technology, ka yii anina keŋ Sakur kan ni ya'as ti maal Digirii linԑ zamisʋgʋ an na’asaa tiima nԑ Pԑrisin maalʋg yԑla. O da lɛn Keŋ tuon ya’as maal masta digirii linԑ an nimma’asim zamisʋg yԑla yi Hamburg School of Applied Science sakur la ni. O mԑ da lԑn paam kasԑta gbaʋŋ yi German sakur Goethe Institut linԑ bԑ Ankara sʋ'ʋlʋmin la.

Tʋʋma

Abban da anԑ onԑ an san’an-san’an kati wa’ae wada yԑla lin da yi yʋʋma tusa ayi nɛ pii nɛ atan' ti paae yʋʋma tusa ayi' nɛ pii nɛ anaasi la ni n bԑ Ghana Stock Exchange. O mԑ da anԑ pa’an n bԑ Ghana Institute of Management and Public Administration lin da yi yʋʋm tusa ayi' nɛ awai la ti paae yuum tusa ayi' nɛ piiga. O mԑ da lԑn anԑ pa’an n bԑ Ghana School of Law la ni lin da yi yʋʋma tusa ayi' nɛ pii ti paae yʋʋma tusa ayi' nɛ pii nɛ anu la ni. O da anԑ yir tʋʋma kariki kpԑԑm lin da yi yʋʋma tusa ayi nɛ awai ti paae tusa ayi' nɛ pii nɛ ayi' n bԑ Ghana. Nima’asim Lʋgir Tʋʋma la ni ka o lԑn an onԑ an kpԑԑm kanԑ gↄsid na’asaa tiima yԑla n bԑ sʋ’ʋlʋm kan nɔɔ ni lin da yi yʋʋma tusa ayi nɛ pii nɛ ayi ti paae yuuma tusa ayi nɛ pii nɛ ayuobʋ la ni.

Pↄlitis

Abban anԑ Wabʋg Na’adↄↄg nid. O da anԑ wadmaan kʋdʋg n paas wadmaanib yir linԑ paas ayↄpↄi la Ghana Republic linԑ paas anaasi la n tis Gomoa West Sʋ’ʋlʋm linԑ bԑ Ghana Central Region sʋ’ʋlʋm la.

Yʋʋma 2016 vɔↄt la yԑla

Yʋʋma tusa ayi' nɛ pii nɛ ayuobʋ la ka Ghana dim da maal vɔↄt la, ka Abban di Gomoa West sʋ’ʋlʋm kʋk la. O paamnԑ vɔↄt bam tusa piisyi nɛ ayi' paas kɔbis ayuopɔi nɛ pisnaasi nɛ yinne . kↄbiga pʋʋginԑ o da mↄri 49.6% n yi vↄɔt la wʋsa ni ka o tiraan Ma’asim Tiig Na’adↄↄg nid Samuel Fletcher la mↄr vɔↄt bam 21,004 kↄbiga pʋʋginԑ o da mↄri 45.8% n yi vↄɔt la wʋsa ni, ka PPP nid Charles Yawson la mԑ mↄr vↄt bam 2,086 kↄbiga pʋʋginԑ o da mↄri 4.6% n yi vↄt la wʋsa ni ka CPP nid Stephen Afriyie la mԑ da mↄr vↄt bam zaalim ka kↄbiga pʋʋgin ka o mↄr  0  0.0% n yi vↄt la wʋsa pʋʋgin.

Kpԑԑm banԑ ni ka o paas

Abban da anԑ Gↄmina la kpԑԑmnam yinne ka mԑ paas kpԑԑm banԑ gↄsid nimma’asim lʋgʋr yԑla la.

Minista Yԑla

Onԑ da an Minista kanԑ gↄsid laafi lʋgʋr yԑla kpԑԑm nya’andↄl. Onԑ da an Minista kanԑ gↄsid pian’ad yԑla la nyan’adↄl.

Yʋʋma 2020 la yԑla

Abban da kↄ’ↄg Gomoa West sʋ’ʋlʋm kʋk la yʋma 2020 kanԑ ka Gaana dim da maal vↄt ka o li ka Ma’asim tiig nid la Richard Gyan Mensah di ka bas o. O da paamnԑ vↄt bam 25,235 linԑ bigis ye kↄbiga pʋʋginԑ o da paamnԑ 44.9% n yi vↄt kanl wʋsa ka Richard mↄr vↄt bam 29,822 kↄbiga pʋʋginԑ o da paamnԑ 53.0% n yi vↄt la wʋsa ni, ka GUM nid la Edmond Panyin Enchill mԑ mↄr 716  kↄbiga pʋʋgin ka o paam 1.3% n yi vↄt la kanl wʋsa ni, ala ka PPP nid la Charles Yawson da mↄr 481 kↄbiga pʋʋgin ka o mԑ paam 0.9% n yi vↄt la wʋsa ni.

O vʋm bԑllim

O anԑ Kristo biig onԑ an Catholic karim biig. O mↄr pu’a ka o yʋ’ʋr buon Anastasia Antoinette Abban, ka ba mↄr biis anaasi.