Artemisia Gentileschi
Artemisia Gentileschi | |
---|---|
| |
Genys |
8 Gortheren 1593 Rom |
Mernans |
1653 Naples |
Galwesigeth |
lymner, artydh |
Soodh |
lymner lys |
Aswonnys rag |
Judith ow ladha Holofernes, Adoration of the Magi, Judith ha hy Maghteth, Susanna and the Elders, Allegory of Inclination, Self-Portrait as a Female Martyr |
Gis |
portrayans, lymnans kryjyk, lymna istorek, mythological painting |
Movyans |
Caravaggisti |
Tas |
Orazio Gentileschi |
Mamm |
Prudenzia di Ottaviano Montoni |
Pries |
Pierantonio Stiattesi |
Eseleth |
Accademia delle Arti del Disegno |
Sinans | |
|
Artemisia Gentileschi (8ves Gortheren, 1593 – c. 1656) o lymner Italek Baroque, aswonnys avel onan a'n lymnoryon an moyha roasek y'n 17ves kansvledhen. Yn osweyth pan esa chonsyow boghes rag benenes dhe holya trenyans po resegva yn art, Artemisia o an kynsa benyn dhe dhos ha bos esel Accademia di Arte del Disegno yn Florens.
Genys veu hi yn Rom. An kynsa flogh a lymner Tuskan Orazio Gentileschi o hi. Hi a worfennas hy hynsa lymnans, Susanna ha'n Henavogyon, pan o hi 17.Ynno y hwelir yn py maner y kesunyas hi gwirvosogeth Caravaggio gans neb awedhyans a’n gis klassek usys gans Annibale Carracci ha lymnoryon erell dhyworth Bolonya. Drefenn hi dhe dhispletya roas brassa ages hy breder, y hallas Orazio fasya yn hy hever y’n vledhen 1612, pan nag o na hwath 19 hy bloodh, bos Artemisia ‘heb par y’n alwesigeth lymnans.’
Hy lymnans an moyha aswonnys yw Judith ow ladha Holofernes hag yma meur a venenes a-dhyworth mythologieth ha'n Bibel yn lymnansow Artemisia. Artemisia o aswonnys rag gallos lymna an furv benow fest yn naturel ha rag hy sleyneth usya liwyow rag diskwedhes drama ha myns.
Hy howlwrians avel lymner o gorskeushes gans hwedhel a'y ravnans gans koweth hy thas Agostino Tassi yn 1611 ha hy hemeres rann yn y drial.
Roberto Longhi, barner Italek, a skrifas a Judith ow ladha Holofernes: "Yma a-dro dhe seytek ha dew-ugens lymnans gans Artemisia Gentileschi ha 94% (49 anedha) a dhiskwedh benenes avel person chyf po avel kehaval orth gwer." Y'ga mysk, Jael ha Sisera, Judith ha hy Maghteth, hag Esther. Yth esa fowt a nasennow "benow" kemmyn dhe'n benenes ma —finder, ownekter, gwannder—y'ga le personolethow kolonnek, trehwelek ha nerthek.
Mirva
[golegi | pennfenten]-
Judith ow ladha Holofernes,1614–1620, 199×162 cm, Florens
-
Judith ha hy Maghteth, 1625, Detroit Institute of Arts
-
Susanna ha'n Henavogyon, 1610, hy hynsa oberen, Pommersfelden
-
Gwener ow koska, c. 1625–1630, Virginia Museum of Fine Arts
Yma'n erthygel ma owth usya an Furv Skrifys Savonek a-barth Kernowek kres.