A Bachio ad Goethium
A Bachio ad Goethium[1] (Theodisce: Von Bach zu Goethe) nuncupatur semita migratoria qualitatis superioris Thuringiensis inter Arnstadium et Ilmenaviam ducens.
Descriptio
[recensere | fontem recensere]
Chiliometris XXIV distantes Circuli Ilm urbes maximae semita migratoria commoda iunguntur. Ilmenaviae Ioannes Volfgangus Goethius multum agebat, Arnstadii Ioannes Sebastianus Bachius iuvenis. Ad utrumque illustrem virum honorandum semita culturalis instituta est.
Migratores plagarum varietas allicit, quas silvae veteres quercuum et aliarum specierum circumdant. Semitae partes consistunt in graphicis montibus Reinsberge et Veronikaberg nec non in territoriis protegendis pluribus. Visiones pulchrae dantur in vallem fluminis Wilde Gera, in cristas Silvae Thuringiensis, in vallem Wipfra et in vertices Ilmenaviae ad Kickelhahn. Statio paenultima est Puteus Goetheanus in sepulcreto vetere Ilmenaviae situs.
Partes selectae
[recensere | fontem recensere]- Monticulus Haselkoppe: altitudinis 586 metrorum; ad latus habens speculam in vicos Reinsfeld et Schmerfeld
- Castellum Reinsburg: muri et fortificationes restantes testimonium perhibent de burgo olim ingenti unde viae commerciales in proximitate obervabantur; in manibus equitum mediaevalium ferocium fuit usque annum 1289
- Monticulus Halskappe: hic locus totius semitae altissimus invenitur in altitudine 605 metrorum
- Monticulus Veronikaberg: supra vicum Martinroda in Monte Veronicae taxus, genus coniferum, crebra spissaque crescitur.
- Arbor Dicke Eiche: usque annum 1865 quercus quaedam gigantea in situ stetit antiquissima, quam se vidisse Ioannes Gottfriedus Herder et Goethius confirmaverunt
Notae
[recensere | fontem recensere]- ↑ Et musicographus Bach et poeta Goethe nominibus latinizatis gaudent; inde conversio semitae pensata.