Filii florales
Filii florales[1][2] fuerunt iuvenes hippienses, praecipue iuvenes omnibus virtutibus ornati, qui Franciscopoli et in regione circumdante per Aestatem Amoris anno 1967 coire solebant. Quibus mos erat flores vel ornamenta floralia gerere et distribuere ad perfecta societatis universae, pacis, amorisque exemplaria repraesentanda. Instrumenta divulgationis hanc locutionem ceperunt, quam ad ullum hippie late attingendum adhibebant. Filii florales ad potestatem floralem, motum politicum tempore contraculturae annorum 1960 multis gratum, adiungebantur, qui in notionibus ab Allen Ginsberg anno 1965 excogitatis ortus est.
Hoc nomen mediis annis 1960 ortum est post pelliculam ex The Time Machine, libro ab Herberto Georgio Wells conscripto, qui, per sensus contra bellum, homines futuros, in communibus habitantes floresque donantes, pingit. Allen Ginsberg, Abbie Hoffman, aliique agitatores politici Americani repugnatoribus flores donare suadebant ad obtestationem tranquillam exhibendam.[3][4][5] Imagines repugnatorum flores tractantium in Iter ad Pentagon anno 1967, inter quas The Ultimate Confrontation: The Flower and the Bayonet, photographema a Marco Riboud factum,[6] et Flower Power, photographema Bernardi Boston (pro Praemio Pulitzerano nominatum),[7] flores ad contraculturam annorum 1960 late adiunxerunt. Homines hippienses hanc repraesentationem amplectebantur cum vestimentis pictis coloribusque claris uterentur, flores in capillis gererent, floresque hominibus distribuerent, ad ultimum filios florales appellatos.[8]
Robertus Antonius Wilson philosophus in libro Prometheus Rising arguit filios florales nominibus Iungianis videri posse, symbolum sociale quendam infirmitatis amicae sensum repraesentans.[9] Anno 1995, The Sekhmet Hypothesis hanc notionem in alias culturae popularis inclinationes extendit, alios motus iuvenum infensis infirmitatis sensibus, viribus amicis, et viribus infensis comparans.[10]
Nexus interni
Notae
[recensere | fontem recensere]- ↑ Haec appellatio a Vicipaediano e lingua indigena in sermonem Latinum conversa est. Extra Vicipaediam huius locutionis testificatio vix inveniri potest.
- ↑ Anglice flower children.
- ↑ "Allen Ginsburg", American Masters, Public Broadcasting System, pbs.org.
- ↑ "Guide to the Allen Ginsberg Papers: Biography/Administrative History". The Online Archive of California. Stanford University. 1997. p. 3.
- ↑ Perry 1997.
- ↑ Curry 2004.
- ↑ Boston 1967.
- ↑ Craats 2001: 36.
- ↑ Wilson 1983: 55: "She/He is self-critical, shy, timid, easily led, 'spineless,' and always looking for somebody to Take Charge and Give Orders. The unearthly Angel, or in modern symbolism, the Flower Child."
- ↑ Spence 2012.
Bibliographia
[recensere | fontem recensere]- Boston, Bernie. 1967. Flower Power. The Washington Evening Star, 21 Octobris 1967.
- Braunstein, P., et M. Doyle, eds. 2002. Imagine Nation: The American Counterculture of the 1960s and '70s. Novi Eboraci.
- Craats, Rennay. 2001. History of the 1960s. Weigl Publishers. ISBN 1930954298.
- Curry, Andrew. 2004. Flower Child. Smithsonian Magazine, Aprilis.
- Isserman, M., et M. Kazin, eds. 2004. America Divided: The Civil War of the 1960s. Oxoniae: Oxford University Press.
- Lee, Martin A., et Bruce Shlain. 1985. Acid Dreams: The CIA, LSD, and the Sixties Rebellion. Novi Eboraci: Grove Press. ISBN 039462081X.
- Perry, Tony. 1997. Poet Allen Ginsberg Dies at 70. Los Angeles Times, 6 Aprilis 1997.
- Selvin, Joel. 2007. Summer of Love bands and fans jam in Golden Gate Park - SFGate. San Francisco Chronicle, 2 Septembris 2007. Franciscopoli: Hearst Newspapers. ISSN 1932-8672.
- Spence, Iain. 1995. The Sekhmet Hypothesis. Bast's Blend. ISBN 9780952536505.
- Spence, Iain. 2012. The Hare Hypothesis. Bast's Blend. asin|B009E2YUJM.
- Wilson, Robert Anton. 1983. Prometheus Rising. Falcon Press. ISBN 9781561840564.
Nexus externi
[recensere | fontem recensere]- 'Flower Child' in the American Heritage Dictionary
- Online Etymology Dictionary
- Official Information on the single, San Francisco
- Jacobson, Mark. 2007. Long Hot Summer of Love: In New York, 1967 was a year of crucial import. But unlike in San Francisco, flowers weren’t the half of it. New York Magazine, 25 Iunii.
- San Francisco Travel. 2017. Summer of Love 2017: The 50th anniversary is coming, and we can't wait to see you. We'll be waiting with flowers in our hair. San Francisco Travel, 30 Maii.