Moika
Moika (Russice Мойка), usque ad saeculum XVIII Mja (Мья), est bracchium parvum in delta Nevae, per partem mediam Petropolis fluens. 4,67 chm longa est, usque ad 40 m lata et 3,2 alta.
A Fontanka inter Hortum Aestivum et Castellum Michaelis abit, partem Petropolis mediam transit et in Nevam Maiorem se effundit. Prope ad initium canaliculus Cygnorum a Moika in partem dextram, post canalis Griboedov in laevam et canaliculus Hiemalis in dextram abeunt; in fluxu inferiore canalis Kriukov Moikam transgreditur et canalis Admiraliatus cum ea coniungitur, qui duo cum Moika tertia insulam Hollandiam Novam formant; haud longe ab ostio etiam canalis Admiraliatus Novi in partem dextram et Priažka bracchium in laevam a Moika abeunt.
Iam in tabulis Suecicis saeculi XVII hoc bracchium invenitur, sed saeculo XVIII initium eius limo obrutum est, qua de causa loca vicina paludinosa facta sunt; anno 1711 alveus melioratus est.
Quindecim pontes in Moika constructi sunt.
Nexus externi
[recensere | fontem recensere]Situs geographici et historici: Locus: 59°56′31″N 30°20′16″E, 59°55′35″N 30°16′25″E • OpenStreetMap • GeoNames |