Limicoli
ZE
|
Quésta pàgina a l'é scrîta in léngoa zenéize
A Grafîa adeuviâ a l'é quélla de l'Académia Ligùstica do Brénno |
Con sto nómme se inténde indicâ numerôze spêce d'öxelli d'ægoa ò mêgio de ripa che apartégnan a órdini e famìgge despæge anche pe dimensción, ma che àn in cumùn a mæxima nìccia ecològica: pe nutrîse e nidificâ frequéntan anbienti paludôzi, zöne d'ægoa bassa, fóndi de pâtàn, ségge in ægoa dôce che in ægoa sâ, spiâge, ma anche proei alagæ, salinn-e, lagunn-e, sméuggi. O nómme limicoli o vegne da-o latìn limus, "bràtta". O nómme o l'é ancón deuviòu inta letiatûa scentìfica[1].
Són limicoli i oxelli de famiggie Recurvirostridae, Hematopodidae, Burhinidae, Charadriidae, Scolopacidae, tutte drento de l'ordine Charadriiformi; ma no tutti i Charadriiformi én di limicoli - prezénpio i Turnicidae (ch'én oxelli terestri) o i Laridae. I Glareolidae én inparentæ co-i laridae ma àn abitudine pægie a quelle di Limicoli.
Sti öxelli convîvan pacificaménte into mæximo teritöio, çércan o çibbo a segónda da lónghessa de sanpe e a fórma do becco, ch'o peu êse lóngo, cùrto, sotî drûo, drîto, cùrvo e a læxina. Tanti èn migratoî che nidìfican inte tundre d'Eoröpa e Àzia e svèrnan lóngo e còste de l'Atlàntico e do Mediterrànio Eoropêo e Nord Àfrican.
In Italia són presenti ciù de sciuscianta spêce, 'na trenténn-a se pêuan védde inta salinn-a de Comacchio.
Nòtte
[modìfica | modìfica wikitèsto]- ↑ Vedi prezénpio: Andrea Simoncini: La migrazione dei limicoli alla Foce dell’Entella (GE) (2016)
Âtri progètti
[modìfica | modìfica wikitèsto]Wikimedia Commons a contêgne di files in sce limicoli
Contròllo de outoritæ | LCCN (EN) sh85121788 · GND (DE) 4183562-1 · BNF (FR) cb12258258m (data) |
---|