Riso
ZE
|
Sta pàgina a l'é scrîta in zenéize |
O riso (rîzo segondo a grafîa ofiçiâ, rizu in savoneize, risu in vintimigiôso e monegasco) o l'è o nomme comun pe dî e ciante Oryza sativa e Oryza glaberrima da famiggia de Poaceae. O nomme o l'è usòu pe dî a cianta e e cariossidi da cianta ascì.
Descriçion e stöia
[modìfica | modìfica wikitèsto]O riso o vegne da e bande tropichæ e sub-tropichæ de l'Asia e de l'Africa ma o l'è de longo cortivòu in Euròpa e in America ascì. O riso o l'è a base de l'alimentaçion de ben ben di pàixi.
Inta Lombardîa e o Piemónte
[modìfica | modìfica wikitèsto]I Români conoscéivan o rîzo ma mangiâva o farro, o rîzo inportòu cómme spéçia o l'êa conscideròu in medicinâle da dechéutti. L'é stæto a-a fin do 1400 inta Lombardîa che l'é incomensòu a coltivaçión do rîzo, che da specìfico da Speçiâ, o l'é vegnuo 'n eleménto d'alimentaçión. O prìmmo docoménto ch'o dimôstra a coltivaçión do rîzo in Lonbardîa a l'é 'na létia do 1475 de Galeazzo Maria Sforza ch'o prométte 12 sàcchi de rîzo a-o Dùcca de Ferâra.[1]
Into 1700 e rizæe into Teritöio milanéize créuvivan 20.000 étari, e 'n secolo e mêzo dòppo sôlo e rizæe do Vercelléize arivâvan a 30.000 étari.
« All'inarginamento delle acque dee forse la Lombardia quel grado, che gode di felicità e popolazione [....] L´inarginamento delle acque crea nuovi spazj coltivabili [....] Nella Lombardia [...] si sono già introdotte da gran tempo delle macchine agevoli »[2]
In Piemônte a coltivaçión do rîzo a s'espànde con l'avertûa do Canâle Cavour, inte l'anno 1866.[3]
I travàggi inte rîzæe
[modìfica | modìfica wikitèsto]O rîzo o se semenâva inte l'ægoa perché o no sopòrta i sâti de tenperatûa tra o giórno e a néutte. I travàggi -preparaçión do terén prìmma do semenâ, o trapiànto, a mondâ, e operaçioìn do taggio do rîzo e o bàtte o rîzo inpegnâvan màn d'òpera da màrso a òtôbre.[4] A-e dònne ghe tocâva i travàggi mêno qualificæ e ciù ùmili. O lòu inte Rîzæ o l'à inspiròu bén bén de cànti popolâri, prezénpio a cansón Sciur padrun da li beli braghi bianchi.
- Concimaçión: I bifórchi ò i cavallanti scaregâvan into canpo mùggi de liàmme, e-e dònne o spantegâvan co-i forcoîn.
- Aratûa: in canpo òltre i bifórchi, i beu e l'arâtro, gh'êa e dònne co-e sàppe che asbasciavan o sórco pe asccianâ o ciù poscìbile o terén. Co-o tenpo i bifórchi végnan sostituîi da-i cavallanti - ö cavallo da tîo o l'é ciù velôce do beu - Dòppo l'aratûa bezugnâva costruî i àrgini tra e vàrie pàrti in ciàn, che no êan tùtte a-o mæximo livéllo; sto travàggio o l'êa fæto da-i òmmi co-o badî, pöi fâvan intrâ l'ægoa pe evidençiâ e pàrti de terén che spòrzéivan, e e dònne l'asbasciàvan co-e sàppe. A l'êa 'na òperaçión particolarménte fastidiôza percöse a vegnìva fæta a pê nûi inte l'ægoa ancón fréida de Màrso-Arvî. Pe livelâ ancón de ciù o fondo, in cavallante o passâva con 'na töa de legno trainâ da-o cavallo.
- O semenâ: O rîzo o se semenâva inte l'ægoa perché o no sopòrta i sâti de tenperatûa tra o giórno e a néutte; i seminatoî dovéivan cadensâ o passo co-a magnâ de rîzo,che caciâvan da 'n sórco a l'âtro. O semenòu o dovéiva êse tùtto scciàsso pægio e da quantitæ vosciûa; inte l'ægoa l'êa conplicòu, pe tanto, aciantâvan de ràmme inti sórchi pe avéi di pónti de riferiménto. Da-i ànni 1920 s'é cangiòu ténica, se semenâva in pascionêa pe pöi trapiantâ e piantìnn-e a màn.
« Nel mese di giugno si esegue, ove è stato predisposto, anche il trapianto. Questa innovazione colturale, introdotta in italia da N. Novelli, direttore della Stazione sperimentate di risicoltura di Vercelli, prima della guerra mondiale, si è presto diffusa nel rinnovo delle risaie per i notevoli vantaggi (..), fra cui citiamo la raccolta di un primo prodotto primaverile (prato, grano, colza e segale), il ritardo di due mesi di sommersione con maggior igiene del lavoro in risaia, l'eliminazione quasi totale della mondatura. »[5]
- Into perîodo da monda se levava e èrbe infestànte.
- O tagiâ o rîzo o favân quande o l'êa méuio. Scìnn-a i ànni 1950-60 l´é stæto fæto coscì: levâvan l'ægoa da-a rizæa, e tagiâvan e spîghe co-e mesoîe, ligâvan in fâsci (covoîn) e i portâvan inte æa a sciugâse.
- A batûa do rîzo a consciste into levâne a rùsca e dividdelo da-a pàggia. Pe ariâ a-e mietitrebbiatrici di nòstri giórni, o tenpo l'é stæto lóngo; un di primmi atréssi pe bàtte o rîzo e o gràn ascì o l´é stæto a Verzélla: doî bàcchi - un lóngo, a Manoâ, un cùrto a Trappa - unîi da 'na corézza - a Stralêa. Opû o favân calpestâ da beu ò cavalli, ma za inte l'800 l´é stæto adeuviòu e primme macchine pe batte, fæte fonçionâ da cavalli.
Dòppo a batûa, con l'espoxiçión in ògni spàçio de l'æa pe fâ sciugâ 'na marêa de grànn-e de rîzo a-o tiépido sô outunâle, concludéiva a produçión stagionâle.
Produçion
[modìfica | modìfica wikitèsto]Produtoî de riso (into 2018) | |
---|---|
Paize | Produçion (tonêi) |
212.129.000 | |
174.716.730 | |
59.200.534 | |
54.416.000 | |
44.046.250 | |
32.348.114 | |
27.573.589 | |
19.066.094 | |
11.808.412 | |
10.802.949 |
Nòtte
[modìfica | modìfica wikitèsto]- ↑ (IT) Ettore Cantù, Il riso, in sce agrarialombardia.it. URL consultòu o 14 màzzo 2021.
- ↑ (IT) Melchiorre Delfico, Memoria sulla coltivazione del riso nella provincia di Teramo, Napoli, Giuseppe-Maria Porcelli librajo, 1783, p. 40.
- ↑ (IT) Il gran Canale Cavour e la precedente situazione irrigua piemontese, in sce roberto-crosio.net. URL consultòu o 14 màzzo 2021.
- ↑ (IT) Le antiche tecniche di coltivazione del riso, in sce roberto-crosio.net. URL consultòu o 14 màzzo 2021.
- ↑ (IT) Novello Novelli, Riso - Enciclopedia Italiana, in sce treccani.it, 1936. URL consultòu o 14 màzzo 2021.
Âtri progètti
[modìfica | modìfica wikitèsto]Wikimedia Commons a contêgne di files in sce riso
Contròllo de outoritæ | GND (DE) 4049271-0 · NDL (EN, JA) 00566513 |
---|