Tè
O Tè o l' è un beviaggio ottegnüo dall' infüxion de fögge da Thea Sinensis, cianta da famiggia Teacee.
A cianta do tè
[modìfica | modìfica wikitèsto]A Thea Sinensis a l' è stæta ciammä anche Camellia Theifera o Camellia Sinensis. Se tratta de un erbô, che ao stato natürale o l' ea originaio dell' Assam e de zone fra India e Cinn-a. Ao stato coltivou o vegne lasciou basso all' artessa de un costo. Sciübben che a preferisce i climi cädi e ümidi, a cianta do tè a sopporta ben anche i freidi invernali. O l' è un sempreverde, dai scioi gianchi. E föggie vegnen cöggeite 3 - 4 votte l' anno. A reisa a pö arrivä a 500 chilli de tè secco pe ettao. I prinçipali paixi prodüttoi son India, Cinn-a, Giappon, Sri Lanka, Indonexia, e varï stati africhen e do Sud do Caucaso.
Farmacologia do tè
[modìfica | modìfica wikitèsto]O tè o contegne teofillinna, caffeinna, öio essensiale, tannin. Fra unna qualitæ de tè e l' atra ghe pö esse grosse differense in to contegnüo de questi prinçipï attivi. Caffeinna e Teofillina son dui derivæ xantinici; a primma a l' ha unna forte azion eççitante in sce o scistema nervoso çentrale mentre a segunda a l' è un potente stimolante cardiaco. Tütte e due han azion diuretica. L' effetto in sce a circolasion a livello de coronarie o l' è abbastansa complesso: teofillinna e caffeinna portan vasodilatazion in periferia, ma vasocostrizion a livello çentrale.
Trattamento de föggie
[modìfica | modìfica wikitèsto]Pe pueile döviä pe l' infüxion, e foggie do tè g'han bezeugno de un trattamento complicou, che o comprende torrefazion e fermentasion a ciü ripreise. Quande a primma torrefazion a l' è fæta in moddo da evitä fermentasioin suççescive, se ottegne o Tè verde.
Véddi ascì
[modìfica | modìfica wikitèsto]Âtri progètti
[modìfica | modìfica wikitèsto]Wikimedia Commons a contêgne di files in sce tè
Contròllo de outoritæ | LCCN (EN) sh85132924 · GND (DE) 4059283-2 · NDL (EN, JA) 00573562 |
---|