Comm

Chest artícul al è scrivüü in lumbaart, con la grafia LSI.

Còmm (in lengua italiana Como; Latin: Novum Comum; Francees: Côme) l'è una cittàa italiana de 83.200 abidant , capital de la sò pruincia. Sitüada in funt al Lach de Còmm, la cunfina a nord-ovest cun la Svizera.

Comm Comun
(detai)
Comm - Sœmeanza
Dats aministrativ
Nom ofiçal	Como
Stat	Itàlia
Rejon	Lumbardia
Provinça	Provincia de Comm
Lengue ofiçai	lèngua italiana
Politega
Sindeg	Alessandro Rapinese
Orgen lejislativ	Consili comunal
Territore
Coordinade	45°48′36.9″N 9°05′10.1″E
OSM	46085
Voltituden	201 m s.l.m
Superfix	37,12 km²
Abitants	83 184 ab. (1º genar 2023)
Densitaa	2240.95 ab./km²
Confin	Brünaa, Casnaa, Cernobi, Grandaa, Lipòmm, Maslianich, San Fermo, Tavarnee, Torn, Biev, Montan e Luscin, Capiagh e Intimian, Senna, Ciass e Vacal
Fus orari	UTC+01:00 e UTC+02:00
Varie
Prefiss	031
Codex postal	22100
Sigla autom.	CO
Codex ISTAT	013075
Codex catastal	C933
Sant protetor	Sant'Abondio
Cl. climatega
Cl. sismega
Localizazion
Comm - Localizazion
Sit istituzional

Storia

L'antichità

• Ul prim centar l'han fundàa pruabilmeent i Orobi, en antiga populaziun ligüra o galica.
• Vers ul V secul prima de Crist, l'area l'è stada ucüpada d'ii Galli Insubri, che i ghe fundarun en oppidum, che al sarès en centar furtificaa.
• In del 196 a.C. la Gallia cisalpina l'è stada definitivameent conquistata d'ii Ruman.
• Dopp che gh'è stada la teribil invasion d'ii Reti, per vuluntà de Cesar l'è stada costrüida la Novum Comum, in del centar de la conval bunificada.
• In del 77 a.C. sa inn insedàa 5000 colon, ch'a 500 eren nobil grech, defat dal grech la vegn l'etimulugia de i paees cuma Lecch [Leucos], Corenn [Corinto], Lenn e Lemna [Lemnos], Ness [Nasso], Derv [Delfo].
• In del 49 a.C. Còmm l'è deventada en municipium.
• In del 354 al vegn esiliàa a Còmm quel che sarà l'imperaduur Giulian l'Apostata.

'N disègn de Comm, de Jean-Baptiste Camille Corot

L'età da mez

• In de la età da mez Còmm l'ha sübìi l'invasiun d'ii Goti prima e d'ii Lungubaard pöö; in del 951, l'è vegnìi giò in Italia l'imperaduur Utun I, e tra i sò susteniduur al gh'era anca Gualdon, vescuf de Còmm.
• In de l'era d'ii Comün, Còmm l'è stada cuntendüda de i grüpp rivai d'ii Rusca (Rusconi) e d'ii Vitani.
• Con Azzone Visconti, Còmm l'è entrada definitivameent in de l'orbita d'ii Viscuunt.
• A la moort de Gian Galeazzo Visconti (in del 1402), Franchino II Rusca al ha cercàa de istaurà a Còmm ena signurìa persunala. Pöö al ha seguìi en periud de devastaziun e stragi, in fin al 1416, quann Còmm la s'è cunsegnada a Filippo Maria Visconti.

Età muderna

• In de l'utober del 1525, Còmm l'è stada ucüpada de don Pietro Arias, inviàa di Spagnöö. Di chel mument lì, Còmm l'ha seguìi i soort del Dücaa de Milan, e pöö del Regn Lumbart Venet, fin a l'ünidà d'Italia.
• Ul 27 maarz 1859, dopp de la battaglia de San Fermu, Giüsepp Garibaldi, al cumaant d'ii Caciaduur d'ii Alp, l'ha liberàa la citàa de l'ocupaziun d'ii Austriach.
• In de la segunda guèra mundiala, Còmm l'è mai stada bumbardada.

Sìmboi

Per savenn pussee, varda l'articol Stema de Còmm.

• 
  El stema
• 
  La bandera

Evoluzion demografega

Abitant censud

Sport

La squadra de folber principal de Comm l'è el Comm 1907.