Charles Leclerc
Quest articol chì l'è scrivud in lombard, con la Noeuva Ortografia Lombarda |
Quest articol chì l'è in la Vedrina de la Wikipedia |
El Charles Leclerc (nom complet Charles Marc Hervé Perceval Leclerc; Monaco, 16 de otover 1997) a l'è un pilota di auto monegasch, che 'l corr in Formula 1 con la Ferrari.
Campion de la GP3 Series 2016 e de la Formula 2 2017, del 2016 al 2018 l'è stad dent a la Ferrari Driver Academy e in del 2018 l'è andad a correr in la massima serie con la Sauber, per passà a la Ferrari l'ann dopo.
L'è el terz pilota monegasch a correr in Formula 1, dopo del Louis Chiron e del l'Olivier Beretta, e 'l pussee sgiovin a havé vensgiud un Gran Premi con la scudaria de Maranell.
Biografia
[Modifega | modifica 'l sorgent]Fioeul de l'Hervé Leclerc, pilota de Formula 3 in di agn '80 e '90, che l'è mort sgiovin per un longh mal quater di prima che 'l Charles el vinceva el Gran Premi de Baku de Formula 2 del 2017, l'è fradell minor del Lorenzo e magior de l'Arthur, anca lu pilota de auto per la Ferrari Driver Academy.
Quand che l'era un bagaj el gh'ha havud un raport strecc cont el pilota nizzard Jules Bianchi, poeu mort dopo de 'n incident in pista, che l'è stad anca el so guidazz, in di fad l'ha tacad a correr cont i cart in la pista del pader del Bianchi, a Brignoles, e 'l s'è sgiontad poeu anca lu a la compagnia ARM del Nicolas Todt.
El corr in Formula 1 cont el 16, che l'è sia el dì del so anniversari che la soma del so numer favorid, el 7, che l'era sgiamò ocupad del Kimi Räikkönen al moment.
Vita privada
[Modifega | modifica 'l sorgent]Del sginer 2015 al setember 2019 l'è stad morosad con la Giada Gianni, tosa napolitana che la viv de sgiovina in del Prenzipad e la studia economia a l'Università de Monaco. Incoeu l'è impegnad con la Charlotte Siné, studentessa de architetura a l'Università de Nantes e fioeula de l'Emmanuel Siné, diretor de la Société des Bains de Mer, che la se ocupa de l'intrateniment in del Pajes.
Carrera
[Modifega | modifica 'l sorgent]Kart
[Modifega | modifica 'l sorgent]El Leclerc l'ha scominciad la soa carrera in del 2005 in sui kart, a vincer el campionad franzes PACA in del midem ann e, anca, in del 2006 e in del 2008. In del 2009 l'è deventad campion cadet, per spostàss poeu in del 2010 in la class KF3, indova che l'ha vensgiud la Junior Monaco Kart Cup e l'ann dopo el va inanz in quella serie lì, a vincer la copa mondial CIK-FIA KF3, el trofee Academy CIK-FIA e 'l campionad del mond di Kart CIK-FIA Under-18.
El 2013 l'è stad el darrer so ann in del mond di kart, a otegnì el post quell de ses in del campionad europee CIK-FIA KZ1 e 'l segond in quell del mond CIK-FIA KZ, dree al futur campion de la Formula 1 Max Verstappen.
Formula Renault 2.0
[Modifega | modifica 'l sorgent]El 2014 l'è 'l prim ann del monegasch in sui mono-post, a correr in la Formula Renault 2.0 Alps, per la scudaria britannega Fortec Motorsports. In quella stagion lì l'è stad bon de rivà in sul podi set voeulte, e de vincer do gare, o ben Monscia e Jerez de la Frontera, indova che l'ha batud el Matevos Isaakyan. L'ha fornid segond in classifega, dree al Nyck De Vries.
L'ha poeu tolt part, 'me pilota ospit, a la Eurocup Formula Renault 2.0, semper con la Fortec, a rivà in sul podi trè voeulte in su ses gare, a rivà segond al Nürburgring e in su l'Hungaroring.
Formula 3
[Modifega | modifica 'l sorgent]El Leclerc l'ha tolt part a la Formula 3 europea in del 2015, a la guida de 'na vitura de la scudaria olandesa Van Amersfoort Racing. In del prim event de la stagion, a Silverstone, el ciapa la pole in gara 2 e 3 dopo che el Felix Rosenqvist, originariament in pole, l'è desqualifegad per di reson tecneghe. L'ha vensgiud la soa prima gara propi quell dì, in gara 3, a rivà prima de l'Antonio Giovinazzi e del Jake Dennis. In del fin setimana dopo el vinc a l'Hockenheimring, semper in gara 3, dopo havé ciapad du podi e trè vitorie per esordient.
El vinc poeu a Spa-Francorchamps in gara vun, a deventà el prim in classifega, ma poeu l'ha fornid la stagion quart, soratut per i dagn per vesses s'centrad a Zandvoort cont el Lance Stroll. A november 2015 l'è rivad segond al Gran Premi de Macao.
GP3 Series
[Modifega | modifica 'l sorgent]In del dicember 2015 el toeu part ai test dopo stagion de la GP3 Series con la ART Grand Prix e la Arden International, in del fevrer 2016 el Nyck De Vries el conferma la presenza del Leclerc in la stagion 2016 de la GP3 e la setimana dopo l'è ciapad ofizzialment de l'ART Grand Prix.
El vinc in la prima gara in del circuit de la Catalogna e, poeu, anca in Austria e Belgi. El 26 de november el se laurea campion a Abu Dhabi, anca se 'l gh'ha de retiràss de la corsa.
Formula 2
[Modifega | modifica 'l sorgent]La setimana dopo che l'ha vensgiud el titol in GP3 ghe confermen che 'l corrarà in Formula 2 con la scudaria Prema Racing, insema al collega d'Academia Antonio Fuoco.
El monegasch el domina el prim toch de la stagion, a vincere cinch di prime dodes gare e set podi. El riva anca in pole position in di prim set corse, anca se in la darrera, quella d'Ongaria, ghe caven la posizzion per un'irregolarità relativa al diferenzial de la vitura, e la dann al Oliver Rowland de la DAMS.
A Spa-Francorchamps el ciapa la pole position quella de set, sota de 'n borineri d'aqua, e 'l vinc la gara feature cont un vantagg de 36 segond in su l'Oliver Rowland, che l'è rivad dedree de lu. Però, inn desqualifegad tucc e du per 'n irregolarità in sul dedree de la machina. In la gara sprint, oblegad a partì del fond, l'è bon de rivà al quint post.
El Gran Premi de Monscia ghe va no ben, desgià che in la gara feature 'l se qualifega quell de set e, in la lota per la prima posizzion cont el Nyck De Vries, se s'centren e lu el finiss domà quell de derset. In la gara sprint el partiss ancamò del fond, a rivà quell de noeuv.
In del fin setimana de Jerez el ciapa la pole quella de vot, a bater el record de categoria in man al Stoffel Vandoorne. In la gara 1 el mantegn la leadership per la pupart de la corsa, ma vers la fin la riva la safety car per un contat in tra Matsushita e Ferucci, roba che ghe permet al Rowland de tornàgh tacad al cul e, se 'l fuss bon de vincer, de tegnì verta la corsa al titol, ma infin l'è el Leclerc a passà per prim la linia de fin, a portàss a cà el titol tre gare prima de la fin.
In la gara 2 el partiss quell de vot ma el gh'ha de tornà ai box, insema al compagn de squadra Fuoco, perchè i gome inn degradade, e l'è bon de rivà al quart post, prima de vesser superad al darrer sgir del Luca Ghiotto, del compagn Fuoco e del De Vries, a fornì quell de set.
A Abu Dhabi el se qualifega in la prima gara quell de set, a finì segond, dopo che 'l Fuoco e 'l Rowland inn desqualifegad. In la segonda gara, a partì al sit quell de set, el fa 'n oltra rimonta, el vinc la soa gara quella de set in la stagion, a fà pari el record del Stoffel Vandoorne.
El forniss donca el campionad prim, con 282 pont.
Formula 1
[Modifega | modifica 'l sorgent]I prim test (2016-2017)
[Modifega | modifica 'l sorgent]In del marz 2016 la Ferrari la nonzia che, de member de la Ferrari Driver Academy, el saria deventad collaudator de la Haas e de la Ferrari midema e propi 'me collaudator el corr in di proeuve libere del Gran Premi de Gran Bretagna del midem ann, a guidà la mono-post statunitensa. El 9 de masg 2016, a provà la veggia Ferrari F14 T in sul circuit de Fioran el riva ai 300 km de guida in sui auto de Formula 1, necessari al ciapà la Superlicenza FIA.
A avost 2017 el fa el prim dì de proeuve in Ongaria in su la Ferrari SF70H, progetada per quell ann lì, e l'otegn el temp el pussee bon del dì. In del midem mes el corr anca per el test di gome Pirelli de l'ann dopo.
El 22 de setember a l'è ofizzializad el so toeu part a quater session de proeuve libere in del campionad 2016 con la Sauber. Set dì dopo el fa la prima proeuva, sota la pioeuva in del circuit de Sepang, a rivà quell de sedes, dedree al compagn de squadra Pascal Wehrlein.
El 29 de november el toeu part ai proeuve in del circuit de Yas Marina per ciapà dacc in sui mescole Pirelli per l'ann dopo, e 'l 2 de dicember l'è confermad pilota per el 2018 con la scudaria elvetiga, insema al Marcus Ericsson, che l'è confermad ancamò.
Sauber (2018)
[Modifega | modifica 'l sorgent]In la prima gara de la stagion, in Australia, el riva quell de desdot in qualifega e quell de tredes in gara, a vint segond de la zona pont. Dopo de 'n poo de fin setimana che ghe vann minga tant ben e indova che l'è no bon de fàss vidé, al gran premi de Baku l'è bon de rivà quell de sest, a ciapà per la prima voeulta di pont, vot in 'sto cas. In di gare dopo, foeura che per el Gran Premi de Monaco, el ciapa vari pont, adiritura in del Gran Premi d'Austria el riva quell de noeuv, con l'Ericssen apena dree, a dà 'n dobi piazzament per la scudaria svizzera per la prima voeulta del 2015.
In la gara dopo, a Silverstone, el gh'ha de retiràss per una goma tacada mal dopo de 'n pit stop, fina a quell moment lì l'era quell de vot, in Germania, dopo de 'na bona qualifega, el finiss indree, per via del temp gram, menter in Ongaria el gh'ha de retiràss, per via de 'n incident al prim sgir, e l'istessa roba la capita in Belgi. Al Gran Premi d'Italia a Monscia el riva quell de vundes.
In di gare dopo el ciapa pont per do voeulte de fila, a Singapore el riva quell de noeuv e in Russia el riva quell de set, apena dopo di pilota di trè scudarie pussee fort. In la gara in Giapon el se retira per un testa-coa, menter in Giapon per un incident cont el Romain Grosjean. Dopo, in Messich e in Brasil, el riva quell de set, a permeter a la Sauber de passà la Toro Rosso in la classifega costrutor e de rivà quella de vot.
El finiss la stagion quell de tredes, con 39 pont, e l'è votad rookie de quell ann lì.
Ferrari (del 2019)
[Modifega | modifica 'l sorgent]2019
[Modifega | modifica 'l sorgent]El 11 de setember 2018 l'è nonziad che el pilota monegasch el corrarà con la Ferrari de la stagion despoeu, a sostituì el Kimi Räikkönen e deventà compagn de squadra del Sebastian Vettel. El fa i prime proeuve con la soa vitura, la Ferrari SF90, in di test pre-stagionai a Barcellona, a segnà el prim temp in classifega.
In la prima gara de la stagion, in Australia, el riva quell de cinch e in la gara dopo, in Bahrain, el deventa el segond pilota el pussee sgiovin de la storia, dopo del compagn Vettel, a ciapà 'na pole position. El dì dopo el ciapa el so prim podi e gir svelt, a rivà terz in d'una gara indova che l'ha guidad per la pupart de la corsa, per poeu havégh de lassà el post al Lewis Hamilton e al Vallteri Bottas per via de 'n problema al motor.
Dopo de 'n poo de corse minga assee bone, in Canada el ciapa el so segond podi de la carrera in Formula 1, a rivà terz dedree de l'Hamilton e del Vettel, istess poeu in del Gran Premi de Franza. In Austria el ciapa la soa segonda pole, a fà anca el record del circuit, a finì segond dedree al Max Verstappen, ma dopo havé guidad la corsa per la pupart del temp. El riva ancamò a podi in Gran Bretagna, indova che 'l riva terz grazzia a 'n incident in tra 'l Vettel e 'l Verstappen.
Dopo vesses retirad, sota 'n diluvi, al Hockenheimring, e vesser rivad a pont a l'Hungaroring, el vinc per la prima voeulta in Belgi, a dà anca a la Ferrari la prima vitoria de la stagion e la prima vitoria in la storia del sport per un monegasch e 'l deventa anca el pussee sgiovin pilota a vincer un Gran Premi con la Ferrari, a bater el Jacky Ickx dopo de cinquant'agn. El se ripet la gara dopo a Monscia, a fà vincer el cavallin rampant in Italia per la prima voeulta de noeuv agn, de la vitoria del Fernando Alonso.
El riva in pole anca a Singapore e in Russia, indova che l'è semper bon de rivà in sul podi, e 'l riva pari al Michael Schumacher in sul ciapà quater pole position cont una Ferrari. Dopo de trè gare senza podi e 'n retir in Brasil, per via de 'n incident cont el Vettel, el torna in sul podi, terz, in la darrera corsa a Abu Dhabi: el finiss la stagion quart, con 264 pont, a ciapà anca el Trofee Pole FIA.
2020
[Modifega | modifica 'l sorgent]La stagion, che la scomincia pussee inanz a causa de la pandemia de COVID-19, la scomincia cont un segond post al Gran Premi d'Austria, grazzia a 'na penalità de cinch segond ciapada del Lewis Hamilton e a 'n bell poo de sorpass fad in sul final de la gara. Se mostren però subet i limit de la noeuva mono-post SF1000, la che realizazzion l'è stada condizzionada di investigazzion e de la deciarazzion de l'irregolarità de la power unit doperade fina a la stagion de pri,a.
In di fad, in Stiria el se s'centra cont el Vettel e 'l gh'ha de retiràss, menter in Ongaria el riva quell de vundes, foeura donca de la zona pont. A la quarta gara a Silverstone el riva terz, grazzia a 'n problema ai gome del Bottas, e in del Gran Premi di 70 Agn el riva quart. In Ispagna l'è oblegad a retiràss per un problema a la vitura, e in Belgi ghe riva no olter al port quell de quatordes, anca per via di problema de la soa machina in sul circuit. A Monscia el va foeura de la gara al sgir quell de vintquater dopo de 'n gram incident a 220 km/h, indova che 'l se fa nagot
El 13 de setember el corr el Gran Premi quell de 1000 de la Ferrari al circuit del Mugello, de proprietà de la Cà de Maranell, e dopo de 'na gara complessa el finiss quell de vot. In Russia el va 'n poo mej, a fornì sest, menter in l'Eifel el finiss quell de set. In Portogall el riva quart, a combater per el terz post che però l'è poeu ciapad del Verstappen. A Imola 'na gran fin del Daniil Kvjat el fa serrà el monegasch quint menter in Turchia, propi vesin a rivà segond, el fa 'n eror che 'l fa finì, a l'ultema curva, quart.
In del Gran Premi del Bahrein el sarra quell de des e in del Sakhir a la quarta curva el toca la machina del Sergio Pérez, a andà foeura de la pista, a portàss adree anca el Verstappen, e tucc e du gh'hann de retiràss al prim sgir. In l'ultema gara de la stagion, a Abu Dhabi, el taja quell de tredes, donca senza ciapà di pont, e 'l finiss quell de vot in classifega pilota.
2021
[Modifega | modifica 'l sorgent]Restad in Ferrari, ghe dann 'me compagn de squadra el spagnoeul Carlos Sainz. La noeuva mono-post Ferrari SF21 la se mostra pussee bona de la vitura de l'nn passad, e 'l monegasch el ciapa 'n quaj bon resultad in di prime gare de la stagion, in tra i che i quart post di Gran Premi de l'Emilia-Romagna e de la Spagna, indova che 'l podeva rivà in sul podi ma l'ha perdud in favor del Lando Norris e del Valtteri Bottas.
Al Gran Premi de Monaco el se mostra 'me vun di pilota pussee informa, e 'l riva a ciapà 'na pole position provisoria, che la deventa definitiva quand che el Leclerc midem el se s'centra in sui barrere, roba che la mena a 'na bandera rossa e a la fin de la session prima che la finiva de so. Però, in di sgir per scoldà la machina, el semiass mancin de la machina el mostra i dagn dovud a l'incident, e donca el gh'ha de retiràss prima che la part la gara. Al Gran Premi dopo, in Azerbaigian, el ciapa ancamò la pole position, ma el finiss quart.
In di do gare in Austria l'è condizzionad di problema prima del Pierre Gasly e poeu del Pérez, e 'l riva prima quell de set e poeu quell de vot. In Gran Bretagna el capitaliza l'incident in tra l'Hamilton e 'l Verstappen, a guidà la gara squasi fina a la fin, però al terzultim sgir l'è superad de l'ingles, che l'è bon de batél, e donca el monegasch el riva segond: el sarà el so unegh podi de la stagion.
In Ongaria el se retira al prim sgir per un incident cont el Lance Stroll, menter in Belgi el finiss quell de vot. El torna a resultad fortunad in Olanda, indova che 'l riva quint, e in Italia, indova che 'l riva quart, e al Gran Premi de Russia el se mostra cont una rimonta del post quell de desnoeuv a la zona podi, ma el trasa tusscoss per la pioeuva, che la condana el monegasch a rivà nanca in zona pont. In di quater Gran Premi dopo el bat semper el compagn Zaing, che ghe permeten, sia in classifega costrutor che pilota, de slongà la distanza con la McLaren. Al Gran Premi del Quatar, vitima de 'na s'cepadura del telar che 'l obliga a partì quell de tredes, l'è bon de rimontà fina al post quell de vot. Pussee grame i corse a Jeddah e Abu Dhabi, indova che l'è comunque bon de ciapà di pont.
Infin el riva quell de set in classifega pilota, con 159 pont, l'è però superad del so compagn de scudaria.
2022
[Modifega | modifica 'l sorgent]In del 2022 la soa machina la se mostra pussee bona e donca el quart ann del monegasch cont el Cavallin Rampant el scomincia cont una vitoria in del Gran Premi del Bahrein, indova che 'l otegn el so prim hat-trick, o ben pole position, sgir svelt e vitoria, in Formula 1. Poeu, in Arabia Saudita, el riva segond, a perder el duell cont el Max Verstappen in di darrer moment de la gara.
El torna protagonista al Gran Premi d'Australia, indova che 'l ciapa el so prim grand chelem, o ben pole, vitoria, sgir svelt e gara prim del principi a la fin. Pussee gram l'è el Gran Premi de l'Emilia-Romagna indova che, de terz, el falla e 'l finiss sest. In di do gare dopo el ciapa la pole position, ma l'è minga bon de rivàgh a la vitoria: a Miami el finiss segond menter in Spagna el se retira per problema a la vitura, dopo de havé guidad la gara. In del so Gran Premi de Cà, a Monaco, el ciapa la pole, a fà 'nsema al compagn de squadra 'na prima fila tuta Ferrari, ma a causa de la pioeuva e de 'na strategia fallada el riva quart, a vesser superad del compagn e di pilota de la Red Bull. A Baku el ciapa la quarta pole de fila ma a l'è obligad a retiràss al sgir quell de 21, per via de 'n guast a la power unit menter l'era prim. In Canada el scomincia quell de desnoeuv, per via de 'na penalità, ma el rimonta fina al quint post.
A Silvertone, a partì terz, el dannegia la paratia lateral de l'aleton denanz per un contat cont el Pérez al via, l'è però bon de tirà inanz, a vesser el pussee svelt in pista. Lanciad vers de la vitoria, a poch sgir de la fin l'entrà de la safety car el causa 'n eror de strategia de la Ferrari, che ghe fa perd la gara, che 'l finiss in quarta posizzion.
El torna a vincer, dopo de vot gare, in Austria, indova che, a partì segond dedree del Verstappen, l'è bon de rivà prim. L'è la prima vitoria de la cà de Maranell in del circuit de cà se la Red Bull de desnoeuv agn. El fin setimana dopo, in Franza, dopo vesser stad prim per vari sgir, el perd el controll de la soa mono-post a la Curva Beausset, a s'centràss cont i barrere e a havégh de retiràss.
A Spa, dopo de la pausa estiva, el riva al traguard quell de cinch, ma per via de 'na penalità ciapada per havé passad, de 1 km/h, el limit de velocità in pit lane al darrer sgir, intant che 'l provava a fà el sgir pussee svelt a cambià i gome, in la classifega final el riva quell de ses, dedree a l'Alonso.
A Monscia, gran premi "de cà" per el Cavallin Rampant, l'è bon de partì de la pole position, e 'l riva segond dopo del Verstappen, anca grazzia a 'n pit stop minga trop fortunad menter cavaven via la virtual safety car e al fornì de la gara in regim de safety car, in d'una manera che l'ha fad un poo de rebellot, per via del Ricciardo che 'l s'era fermad in mez ai curve de Lesmo per di problema. A Singapore el scomincia prim ma l'è passad in partenza del Perez, che 'l vinc la gara denanz de lu.
In la gara del Giapon a Suzuka, che l'è sospenduda in del mez de la corsa per la gran pioeuva, che l'ha menad a 'n incident del Sainz e a l'andà foeura de pista de l'Alex Albon e al correr domà de 29 sgir, el taja el traguard segond, dedree al Verstappen, ma a l'è penalizad per havé tajad l'ultima chicane in del so duell per el segond post cont el Sergio Pérez, l'è donca terz in la classifega final e 'l pilota olandes el deventa campion del mond, a nivell de numer, per la segonda voeulta de fila.
Al Circuit di Americhe de Austin el scomincia per una penalità quell de dodes, desgià che 'l s'era qualifegad segond e l'haveva cambiad du toch a la machina, in corsa el riva terz. La setimana dopo, in Messich, el corr el sò GP quell de cent, e 'l riva quell de ses, dedree al compagn de scudaria.
2023
[Modifega | modifica 'l sorgent]In la prima gara del 2023 in Bahrain el se qualifega terz, ma el se retira de la gara per un problema a la Power Unit al gir quell de 41. Al GP de Gedda el riva quell de set, dedree al compagn de scuradia Sainz.
In Australia el se qualifega quell de set, ma poch meter dopo de la partenza el se toca cont el Lance Stroll e 'l finiss la soa gara in la gera. A Baku el ciapa la pole sia de la sprint race, indova che 'l riva segond dedree al Perez, sia de la gara feature, indova che 'l finiss dedree del Perez e del Verstappen. A Miami el se qualifega quell de set e inscì el riva a la fin de la gara.
In del gran premi de cà a Monaco el finiss quell de ses e 'l riva nanca a pont in Spagna, indova che 'l riva quell de vundes. In Canadà el fà mej e 'l riva quart, e 'l ciapa el so segond podi in del GP d'Austria. El riva quell de noeuv a Silverstone e quell de set in Ongaria, per havégh un bon resultad in Belgi, in la darrera gara prima de la pausa de l'estad: quint in la sprint race e terz in quella feature, a ciapà donca el so terz podi de la stagion.
Al tornà a correr in Olanda, el gh'ha un problema mecanegh che 'l mena a retiràss de la gara. A Monscia el riva quart, dedree al compagn Sainz, che l'era partid in pole e l'è rivad dedrée ai do Red Bull. A Singapore el se qualifega terz e 'l riva quart in gara, cont el Sainz che inveci l'è bon de vincer la gara, a Suzuka el scomincia quart e 'l riva inscì al traguard, dedree al Verstappen e ai do McLaren.
Resultad
[Modifega | modifica 'l sorgent]Sunt
[Modifega | modifica 'l sorgent]Stagion | Serie | Team | Gare | Vitorie | Pole | Gpv | Podi | Pont | Pos. |
---|---|---|---|---|---|---|---|---|---|
2014 | Formula Renault 2.0 Alps | Fortec Motorsports | 14 | 2 | 1 | 0 | 7 | 199 | 2º |
Eurocup Formula Renault 2.0 | 6 | 0 | 0 | 0 | 3 | 0 | N.C.* | ||
2015 | Formula 3 europea | Van Amersfoort Racing | 33 | 4 | 3 | 5 | 13 | 363,5 | 4º |
Gran Premi de Macao | 1 | 0 | 0 | 0 | 1 | N/A | 2º | ||
2016 | Formula 1 | Ferrari / Haas | Collaudator | ||||||
GP3 Series | ART Grand Prix | 18 | 3 | 4 | 4 | 8 | 202 | 1° | |
2017 | Formula 1 | Ferrari / Sauber | Collaudator | ||||||
Formula 2 | Prema Racing | 22 | 7 | 8 | 4 | 10 | 282 | 1º | |
2018 | Formula 1 | Sauber | 21 | 0 | 0 | 0 | 0 | 39 | 13º |
2019 | Formula 1 | Ferrari | 21 | 2 | 7 | 4 | 10 | 264 | 4º |
2020 | Formula 1 | Ferrari | 17 | 0 | 0 | 0 | 2 | 98 | 8° |
2021 | Formula 1 | Ferrari | 22 | 0 | 2 | 0 | 1 | 159 | 7° |
2022 | Formula 1 | Ferrari | 13 | 3 | 7 | 3 | 5 | 178 |
* Desgià che l'era un pilota ospit, l'ha podud no ciapà di pont.
Formula 3 europea
[Modifega | modifica 'l sorgent](legenda) (I gare in negret mostren la pole posision) (I gare in corsiv mostren Gpv)
Ann | Team | Motor | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | Pos. | Punti |
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
2015 | Van Amersfoort Racing | Volkswagen | SIL 1 12 |
SIL 2 2 |
SIL 3 1 |
HOC 1 3 |
HOC 2 2 |
HOC 3 1 |
PAU 1 3 |
PAU 2 2 |
PAU 3 3 |
MNZ 1 5 |
MNZ 2 Rit |
MNZ 3 3 |
SPA 1 1 |
SPA 2 6 |
SPA 3 2 |
NOR 1 1 |
NOR 2 3 |
NOR 3 4 |
ZAN 1 5 |
ZAN 2 Rit |
ZAN 3 10 |
RBR 1 6 |
RBR 2 4 |
RBR 3 6 |
ALG 1 6 |
ALG 2 7 |
ALG 3 7 |
NÜR 1 4 |
NÜR 2 5 |
NÜR 3 5 |
HOC 1 8 |
HOC 2 10 |
HOC 3 21 |
4º | 363,5 |
GP3 Series
[Modifega | modifica 'l sorgent]Ann | Team | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | punti | pos. |
---|---|---|---|---|---|---|---|---|---|---|---|---|---|---|---|---|---|---|---|---|---|
2016 | ART Grand Prix | CAT |
RBR |
SIL |
HUN |
HOC |
SPA |
MNZ |
SEP |
YMC |
202 | 1º | |||||||||
1 | 9 | 1 | Rit | 2 | 3 | 6 | 3 | 5 | 3 | 1 | 6 | 4 | Rit | 3 | 5 | Rit | 9 |
Formula 2
[Modifega | modifica 'l sorgent]Ann | Team | 1 | 2 | 3 | 4 | 5 | 6 | 7 | 8 | 9 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | Pont | Pos. |
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
2017 | Prema Powerteam | BAH |
CAT |
MON |
BAK |
RBR |
SIL |
HUN |
SPA |
MNZ |
JER |
YMC |
282 | 1º | |||||||||||
3 | 1 | 1 | 4 | Rit | Rit | 1 | 2 | 1 | Rit | 1 | 5 | 4 | 4 | SQ | 5 | 17 | 9 | 1 | 7 | 2 | 1 |
Formula 1
[Modifega | modifica 'l sorgent]Resultad in Formula 1
[Modifega | modifica 'l sorgent]2018 | Scuderia | Vettura | Punti | Pos. | |||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Sauber | C37 | 13 | 12 | 19 | 6 | 10 | 18 | 10 | 10 | 9 | Rit | 15 | Rit | Rit | 11 | 9 | 7 | Rit | Rit | 7 | 7 | 7 | 39 | 13º |
2019 | Scuderia | Vettura | Punti | Pos. | ||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Ferrari | SF90 | 5 | 3 | 5 | 5 | 5 | Rit | 3 | 3 | 2 | 3 | Rit | 4 | 1 | 1 | 2 | 3 | 6 | 4 | 4 | 18 | 3 | 264 | 4º |
2020 | Scuderia | Vettura | Punti | Pos. | ||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Ferrari | SF1000 | 2 | Rit | 11 | 3 | 4 | Rit | 14 | Rit | 8 | 6 | 7 | 4 | 5 | 4 | 10 | Rit | 13 | 98 | 8º |
2021 | Scuderia | Vettura | Punti | Pos. | ||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Ferrari | SF21 | 6 | 4 | 6 | 4 | NP | 4 | 16 | 7 | 8 | 2 | Rit | 8 | 5 | 4 | 15 | 4 | 4 | 5 | 5 | 8 | 7 | 159 | 7º |
2022 | Scuderia | Vettura | Punti | Pos. | ||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Ferrari | F1-75 | 1 | 2 | 1 | 6 | 2 | Rit | 4 | Rit | 5 | 4 | 1 | Rit | 6 | 178 |
Legenda | 1º post | 2º post | 3º post | A punti | Senza punti | Grasett=Pole position Cursif=Gir velus |
Dumà pröf/Terz pilota | Minga qualificaa | Ritiraa/Minga classificaa | Squalificaa | Minga partii |
‡ Desgià che hann fad men del 75% de la gara gh'è stad domà la mità di pont
Alter proget
[Modifega | modifica 'l sorgent]Wikiquote el gh'ha dent citazzion de o su Charles Leclerc
Wikimedia Commons el gh'ha dent imagin o alter archivi su Charles Leclerc
Riferiment
[Modifega | modifica 'l sorgent]- Treccani
- F1 | Il Giallo della safety car nel GP di Monza – La spiegazione giro per giro Arqiviad qé: [1]
- DIRETTA F1, GP Giappone 2022 LIVE: Leclerc 3° dopo la penalizzazione. Verstappen campione iridato
Ligam de foeura
[Modifega | modifica 'l sorgent]