Fast Flux
Câa
Quest articol chì l'è scrivud in lombard, con la Noeuva Ortografia Lombarda |
El fast flux a l'è 'na tecnega de evasion DNS doperada di ciber-criminai per sconder i sit de phishing o che spanteghen malware dree a 'na red de computer violad che fann de reverse proxy al capo de la botnet. El prim malware famos a doperà 'sto sistema a l'è stad in del 2007 el Storm Worm, che 'l faseva su l'omonema botnet.
L'ideja fondamental dree al fast flux a l'è de havégh una fraca de adresse IP dree a 'n fully qualified domain name che cambien a la svelta, donca despess el nameserver autoritativ del domini l'è gestid del criminal. L'obietiv a l'è de havégh no di server publegament disponibil, inscì de fà pussee gram blocà el servizzi e, per la polizzia, de trovà el server e menà via quei che 'l gestissen.