Guerra arab-israeliana del 1948
Quest articol chì l'è scrivud in lombard, con la Noeuva Ortografia Lombarda |
La guerra arab-israeliana del 1948, per i israelian guerra d'independenza, per i arab la catastrofe, a l'è stada 'na guerra in tra l'apena fad su Israell e i so vesin arab: Egit, Siria, Transgiordania, Liban, Iraq, Yemen, Arabia Saudita e i volontari de l'Armada del Sacher Jihad e l'Armada Araba de Liberazzion.
La gh'ha la soa origin in la guerra civil del Mandad de Palestina, che la gh'è stada de fin 1947, quand che i Nazzion Unide hann aprovad el pian de partizzion del mandad in tra i arab e in tra i sgiudee, ma domà con la deciarazzion d'independenza israeliana l'è deventada 'na guerra convenzional.
Contra tucc i pronostegh el sgiovin Stat ebraich l'ha vensgiud e l'ha mantegnud l'independenza, oltra a slargàss oltra el territori assegnad di Nazzion Unide, fina a otegnì Gerusalem Ovest. In di prim mes del 1949 gh'è stad el cessee 'l foeugh e gh'è stad poeu l'Armistizzi de Rodi, che l'ha segnad i ligne d'armistizzi che inn restade in pè fina a la guerra di ses dì.
Riferiment
[Modifega | modifica 'l sorgent]Alter proget
[Modifega | modifica 'l sorgent]Wikimedia Commons el gh'ha dent imagin o alter archivi su Guerra arab-israeliana del 1948