Blontu pogosts

Blontu pogosts
Nūvods:	Cyblys nūvods
Centrys:	Blonti
Pluots:	96.6 km2
Dzeivuotuoju sk. (2010):	502
Bīzeiba:	5.2 dz./km2
Īstateits:	1945. godā

Blontu pogosts (latvīšu: Blontu pagasts) — Cyblys nūvoda teritoriskais dalejums Latgolā. Pogostā dora tautys noms, suokuskūla, biblioteka, felčeru punkts i sporta zala.

Viesture

Viesturiskai Blontu pogosta teritoreja bejuse Ludzys apleiciņa Mērddzinis pogostā. 1945. godā īstateita Blontu solys padūme. 1954. godā Blontu solai daškiersta likvidātuo Degļovys sola. 1979. godā daļa Blontu solys daškiersta Golyšovys i Zviergzdiņa solai. 1990. godā solu reorganizej kai pogostu. 2009. godā kai administrativu teritoreju pogostu daškir Cyblys nūvodam.

Rūbeži

Blontu pogosts tur rūbežu ar:

• Cyblys nūvoda Cyblys pogostu, Leidumnīku pogostu, Pušmucovys pogostu i Zviergzdiņa pogostu;
• Kuorsovys nūvoda Mērdzinis pogostu i Gološovys pogostu.

Doba

Pogosta vokoru daļa atsarūn Mudovys zamainis Sīnuojis leidzonainē, a reitu daļa Latgolys augstainis Būrzovys kauprainē. Pogosta pošu augstuos kaupris 163,8 m vjl pi Kicovkys solys i 166,2 m vjl pi Būbynu solys. Pošu zamuo vīta Kreiču pūrā — 106,8 m vjl.

Iudini

Upis:

• Čodarānu upe
• Iļža

Iudiņtveris:

• Blontu opori
• Rojevkys azars

Pūri i peisi:

• Degļovys pūrs
• Kreiču pūrs

Dzeivuotuoji

Blontu pogostā dzeivoj 502 ļauds.

Solys

Blontu pogosta ļauds dzeivoj 19 soluos.

Saimisteiba

Transports i saiteibys

Pogosta reitu daļu škārsoj vīns vaļsteibys zeimebys autoceļš Kuorsova—Ludza—Bukmuiža (P49) i nazcik vītejuos zeimeibys celi vysā pogosta teritorejā. Blontu pogostu naškārsoj nivīna dzeļžaceļa lineja. Tyvuokuo staceja „Ludza” linejā Krystapiļs—Sīnuoja 11 kilometru nu pogosta centra.

Blontu pogosta teritoreju apkalpoj vīna posta atdale Blonti (LV-5706).