Rio Hariyanto

Rio Haryanto (lahèr 22 Januari 1993) panèka sala sèttong pembalap mobil bân pengusaha Indonesia. Bâ'na sè palèng anyar aperjuangan è 2019-20 Asian Le Mans Series bân Blancpain GT World Challenge Asia ghâbây tim T2 Motorsports. Bâ'na perna aperrang è Formula Satu kalabân tim Manor Racing è musim 2016 Rio panèka pembalap Indonesia sè partama è dâlem sejarah sè aperrang è tingkat GP2 Series. Bâ'na jhughân pembalap Indonesia sè partama è dâlem sejarah sè nyoba' mobil Formula Satu.[1] Sampè' musim 2024, èpon bhâkal dhâddhi sèttong-sèttongna pembalap Indonesia sè perna aperrang è Formula settong.

Lako Rio molaè karir è balap go-kart è taon 2002 mènangka Juara Go-kart Nasional è kellas kadet. Karir balap korse tunggalna namong èmolaè taon 2008, bâkto èpon noro' acara Formula Renault Asia.

Rio sukses dhâddhi juara è musim Formula BMW Pasifik 2009[4] bân andi' kasempadhân kaangghuy tampil è acara Formula BMW Eropa mènangka pembalap tamu è seri Monza. È lomba, sè jhughân èhadiri sareng pembalap dâri Brasil, èngghi panèka Felipe Nasr (sè saterrossa bhâkal dhâddhi lawanna è Formula 1), Rio gagal è lomba sè partama bân è lomba sè kaduwâ'.

Seri GP3 Rio molaè karir è benua Eropa kalabân aperjuangan è GP3 Series ghâbây tim Marussia Manor Racing è taon 2010. Rio bisa mennang è Istanbul bân èpangkat 5 è akhir klasemen.

È taon 2011, Rio aghâdhui GP3 Series kalabân tim Marussia Manor Racing. È ahèrra musim, ècatat posisi ke-7 è klasemen akhir GP3 Series, kalabân 2 mennang è Nürburgring bân Hungaroring.

AutoGP Rio jhughân noro' è acara AutoGP kalabân noro' tim Driot-Arnoux Motorsport (DAMS). èpon berhasil mennang è lomba è Sirkuit Ricardo Tormo, Valencia, Spanyol, bân èpaè' è nomer 7. Usaha Rio Haryanto, Afanasyev, Tambay, bân pembalap pengganti Rio Haryanto, èngghi panèka Kevin Korjus, cokop ghâbây tim DAMS kaangghuy mennang gelar juara tim.

Kaodhi'an pribadi Rio ana’ bungso dhari empa’ ana’na Sinyo Haryanto ban Indah Pennywati. kaduwâ'na asalla dâri Sorakarta bân katurunan Cèna-Indonesia. Taretan lake’na Rio tello’, iya areya Roy, Ricky, ban Rian. Katello'na jhughân andi' karir è acara balap nasional èbârengi ramana sè jhughân aktif è balap kantos taon 2003.[29]

E awal taon 2017, bân saamponna ta' bisa ollè kasempadhân kaangghuy abali ka balapan è F1, Rio dhâddhi pengusaha kalabân nerrosaghi usaha perusahaan percetakan sè sabellunna èmolaè bân èpèyara sareng ramana. Menangka lulusan ekonomi dâri Universitas Anglia Ruskin, kampus Singapura,[30] Rio ètugasaghi sareng ramana kaangghuy ngawasi divisi percetakan keamanan sè hasèlna èghâbây kertas ijazah, formulir cek bân deposito pérméntâân.[31] Rio jhughân èkennal andi' usaha rèstoran è daerah Colomadu, Karanganyar.