Мојот свет
Каролина на Евровизија 2007 | |
Евровизија 2007 | |
земја | Македонија |
изведувач | Каролина Гочева |
јазик | македонски |
јазици | англиски |
композитор | Григор Копров |
текст | Огнен Неделковски |
пласман | |
позиција во полуфинале | 9 |
бодови во полуфинале | 97 |
финален пласман | 14 |
бодови во финале | 73 |
хронологија на учество | |
◄ Нинанајна (2006) | |
Во име на љубовта (2008) ► |
Мојот свет (англиски: My world) во изведба на Каролина Гочева била македонска песна претставничка на Евровизискиот фестивал 2007 година во Хелсинки, Финска. Песната била изведена на македонски, а последниот рефрен на англиски јазик[1].
Песната ја компонирал Григор Копров, a текстот го напишал Огнен Неделковски, и двајцата со претходно искуство на овој музички натпревар. Каролина, исто така, имала претходно искуство на Евровизија, исполнувајќи ја Од нас зависи на Евровизија 2002. Со овој нејзин настап Македонија за првпат откако учествува на Евровизија двапати имала ист изведувач.
Опис
[уреди | уреди извор]Песната е драматична балада што раскажува за моќта на музиката, велејќи дека таа "нема ниту вера ниту граница / Мојот свет се осум ноти / една душа балканска".
Песната за првпат била изведена на 24 февруари 2007 година, на националниот избор за песна на Евровизија, при што победила со максимални 144 бода од секој од 12-те гласачки региони.
Оваа песна била прилично необична во однос на другите песни поради тоа што имала 7/8 такт.
Настап на Евровизија 2007
[уреди | уреди извор]Бидејќи Македонија на Евровизија 2006 не се пласирала меѓу првите десет, “Мојот свет“ била изведена во полуфиналето. Каролина настапила 18-та по ред и добила 97 бода, пласирајќи се на 9 место од вкупно 28 претставници, со што се квалификувала за финалето.
Во финалето, песната била изведена 6-та по ред и добила 73 бода, освојувајќи го 14 место од вкупно 24 песни, што значело повторно враќање на Македонија во полуфиналето за следниот евровизиски натпревар. Тоа била четврта последователна прилика Македонија да се квалификува директно за финалето, но и овојпат не успеала да се најде во првите десет.
Текст на песната
[уреди | уреди извор]
Најна најна,нанана најна Ноќва со сенки пак зборувам Мојот свет се вика музика Мојот свет се вика музика Сонце ме буди во постела Мојот свет се вика музика Мојот свет се вика музика Најна најна,нанана најна Мојот свет се вика музика Мојот свет се осум ноти |
Naina naina nanana naina...
|
Наводи
[уреди | уреди извор]- ↑ Последниот рефрен Каролина ќе го пее на англиски Архивирано на 21 ноември 2021 г., www.mmm.com.mk
|
|