Сарагоса (покраина)
Сарагоса Provincia de Zaragoza | |||
---|---|---|---|
покраина | |||
| |||
Покраината Сарагоса во рамките на Шпанија | |||
Земја | |||
Автон. заедница | |||
Седиште | Сарагоса | ||
Површина | |||
• Вкупна | 17.274 км2 (6,670 ми2) | ||
Население (2018)[1] | |||
• Вкупно | 954,811 | ||
• Густина | 0,055/км2 (0,14/ми2) | ||
Служб. јазици | шпански | ||
Мреж. место | dpz.es |
Сарагоса (шпански: Provincia de Zaragoza) — покраина во северна Шпанија, сместена во средишниот дел на автономната заедница Арагон. Главен град на е Сарагоса, кој воедно е главен на целиот Арагон. Во покраината има уште неколку градови, иако сите тие се значително помали: Калатајуд, Ехеја де лос Кабаљерос и Тарасона, Ла Алмунија де Доња Година и Борха.
Со површина од 17.274 км2, Сарагоса го зазема четвртото место во земјата. Има вкупно 954.811 жители (2018), од кои речиси три четвртини живеат во главниот град; оттука густината на населеност е релативно ниска — 50,95 жит./км2. Опфаќа 292 општини, од кои повеќе од половината се села со помалку од 300 жители.
Главен и службен јазик во покраината е шпанскиот, а каталонскиот се говори Долен Арагон-Каспе и Мекиненса.
Географија
[уреди | уреди извор]Покраината се граничи со Љеида, Тарагона, Теруел, Гвадалахара, Сорија, Ла Риоха, Навара и Уеска. Јужната и западната страна се протега Ибериските Планини, додека пак северните краеви допираат до подножјето на Пиринејското Подгорје (Претпиринеи). Најважна река е Ебро, која ја пресекува покраината во правец запад-исток.
Окрузи
[уреди | уреди извор]Сарагоса како покраина е поделена на 24 окрузи (комарки):
Бр. | Име | Седиште |
---|---|---|
5 | Синко Виљас | Ехеја де лос Кабаљерос |
12 | Тарасона и Монјако | Тарасона |
13 | Кампо де Борха | Борха |
14 | Аранда | Иљуека |
15 | Рибера Алта дел Ебро | Алагон |
16 | Валдехалон | Ла Алмунија де Доња Година |
17 | Сарагоса | Сарагоса |
18 | Рибера Баха дел Ебро | Кинто |
19 | Долен Арагон-Каспе | Каспе |
20 | Комунидад де Калатајуд | Калатајуд |
21 | Кампо де Карињена | Карињена |
22 | Кампо де Белчите | Белчите |
24 | Кампо де Дарока | Дарока |
Некои окрузи ѝ припаѓаат на покраината Уеска, но имаат извесни населени места во Сарагоса:
- Долна Синка: Мекиненса
- Монегрос: Ла Алмолда, Бухаралос, Фарлете, Лесињена, Монегриљо и Пердигера
- Оја де Уеска: Муриљо де Гаљего и Санта Еулалија де Гаљего
- Хасетанија: Артједа, Мијанос, Салватјера де Еска и Сигвес
Поврзано
[уреди | уреди извор]Наводи
[уреди | уреди извор]Надворешни врски
[уреди | уреди извор]Сарагоса (покраина) на Ризницата ?
- Матична страница (шпански)
|