Татјана Лебедева
Медали | ||
---|---|---|
Натпреварувач за | ||
Олимписки игри | ||
Пекинг 2008 | трискок | |
Пекинг 2008 | скок во далечина | |
2004 Атина | скок во далечина | |
2004 Атина | трискок | |
2000 Сиднеј | трискок | |
Светски првенства | ||
2001 Едмонтон | Triple jump | |
2003 Париз | Triple jump | |
2007 Осака | Long jump | |
2007 ОСака | Triple jump | |
Светски првенства во сала | ||
2004 Будимпешта | трискок | |
2004 Будимпешта | скок во далечина | |
2001 Лисабон | трискок | |
Европски првенства | ||
2006 Гетеборг | трискок | |
Европски првенства во сала | ||
2000 Гент | трискок |
Татјана Романовна Лебедева (руски:Татьяна Романовна Лебедева, родена на 21 јули 1976 во Стерлитамак) е руска атлетичарка која се натпреварува во техничките дисциплини скок во далечина и трискок.
Кариерата ја започнала во 1998 година, кога станала и шампион на Русија во трискок. Во 2000, на Европското првенство во сала одржано во Гент го освоила златниот медал. На светското првенство во Едмонтон во 2001, Татјана го освои златниот медал во трискок, а златото го одбрани и на светското првенство во Париз во 2003. На светското првенство во сала одржано во Москва во 2004, таа прескокна 15,36m со што постави нов светски рекорд во сала во дисциплината трискок.
На Летните олимписки игри - 2004 одржани во Атина, Татјана го освои златниот медал во скок во далечина, но како голема фаворитка целосно потфрли во дисциплината трискок.
Во 2005, Лебедева не настапи на светското пвенство поради повреда, но успеа да победи на сите 6 митинзи од Златната лига со што доби награди вредна злато во вредност од 1,000,000$.
Во 2007, Татјана настапи на светското првенство каде што го освои златниот медал во скок во далечина и сребрениот во трискок.
На Летните олимписки игри - 2008, таа настапи во дисциплините трискок во која го освои сребрениот медал и во скок во далечина каде имаше исто остварување.
Во септември 2002, Татјана стана мајка, со раѓањето на ќерка и Настја.