ദൃശ്യമണ്ഡലം
ലളിതമായി പറഞ്ഞാൽ, ഒരു കണ്ണ് മുന്നിലുള്ള ഒരു വസ്തുവിൽ കേന്ദ്രീകരിച്ചിരിക്കുമ്പോൾ മുന്നിലും ചുറ്റിനുമായി കാണാൻ കഴിയുന്ന മുഴുവൻ പ്രദേശവും എന്ന് ദൃശ്യമണ്ഡലം അഥവാ വിഷ്വൽ ഫീൽഡിനെ നിർവചിക്കാം.[1]
ഒപ്റ്റിക്കൽ ഉപകരണങ്ങളിലും ഇമേജ് സെൻസറുകളിലും ഇതിന് തുല്യമായ ആശയം ഫീൽഡ് ഓഫ് വ്യൂ (FOV) ആണ്.
ഒപ്റ്റോമെട്രി, ഒഫ്താൽമോളജി, ന്യൂറോളജി എന്നിവയിൽ, വിഷ്വൽ ഫീൽഡിനെ സ്കോട്ടോമയോ അല്ലെങ്കിൽ മധ്യ, ബാഹ്യ കാഴ്ചമണ്ഡല പ്രശ്നങ്ങൾക്ക് കാരണമാകുന്ന മറ്റ് രോഗങ്ങളോ ബാധിച്ചിട്ടുണ്ടോ എന്ന് നിർണ്ണയിക്കാൻ ഒരു വിഷ്വൽ ഫീൽഡ് ടെസ്റ്റ് ഉപയോഗിക്കുന്നു.
സാധാരണ പരിധികൾ
[തിരുത്തുക]മനുഷ്യരുടെ ഒരു കണ്ണിൻ്റെ (മോണോകുലാർ) സാധാരണ വിഷ്വൽ ഫീൽഡ് ഓരോ കണ്ണിലെയും ലംബ മെറിഡിയനിൽ നിന്ന് മൂക്കിന്റെ വശത്ത് (അല്ലെങ്കിൽ അകത്തേക്ക്) ഏകദേശം 60 ഡിഗ്രി വരെ, മൂക്കിന് എതിർ വശത്ത് (അല്ലെങ്കിൽ പുറത്തേക്ക്) ഏകദേശം 107 ഡിഗ്രി വരെ, മുകളിൽ ഏകദേശം 70 ഡിഗ്രി വരെ താഴേക്ക് ഏകദേശം 80 ഡിഗ്രി വരെ എന്നിങ്ങനെയാണ്.[2] [3] [4] [5] പല പുസ്തകങ്ങളിലും ഈ അളവുകളിൽ ഏറ്റക്കുറച്ചിലുകളുണ്ട്.
രണ്ട് മോണോക്യുലാർ ഫീൽഡുകളുടെ സൂപ്പർഇമ്പോസിഷനാണ് ബൈനോക്കുലർ വിഷ്വൽ ഫീൽഡ്. ബൈനോക്കുലർ ഫീൽഡിൽ, ലംബ മെറിഡിയന്റെ ഇടത് ഭാഗത്തെ ഇടത് വിഷ്വൽ ഫീൽഡ് എന്ന് വിളിക്കുന്നു (ഇത് താൽക്കാലികമായി ഇടതുവശത്തും, വലത് കണ്ണിന് മൂക്കിന്റെ ദിശയിലുമാണ്); അതേ രീതിയിൽ വലത് വിഷ്വൽ ഫീൽഡും നിർവ്വചിക്കാം. ലംബവും തിരശ്ചീനവുമായ മെറിഡിയൻ വേർതിരിച്ച നാല് മേഖലകളെ മുകളിലെ / താഴത്തെ/ ഇടത് / വലത് ക്വാഡ്രാന്റുകൾ എന്ന് വിളിക്കുന്നു. യൂറോപ്യൻ യൂണിയനിൽ, ഡ്രൈവിംഗിന്റെ ഏറ്റവും കുറഞ്ഞ ഫീൽഡ് ആവശ്യകത ലംബ മെറിഡിയന്റെ ഇരുവശത്തും 50 ഡിഗ്രിയും ലംബമായി ആകെ 120 ഡിഗ്രിയും, അതോടൊപ്പം തിരശ്ചീന മെറിഡിയന് മുകളിലും താഴെയുമായി 20 ഡിഗ്രിയുമാണ്. വിഷ്വൽ ഫീൽഡിന്റെ മധ്യ 17 ഡിഗ്രി വ്യാസവുമായി മാക്കുല യോജിക്കുന്നു; ഫോവിയ കേന്ദ്ര 5.2 ഡിഗ്രി വരെയും ഫോവിയോള 1 – 1.2 ഡിഗ്രി വരെ വ്യാസമുള്ളതുമാണ്.[6] [7]
മൂക്ക് രണ്ട് കണ്ണുകളുടെയും കാഴ്ചയുടെ മേഖലയിലാണ് സ്ഥിതിചെയ്യുന്നത്, പക്ഷേ പിന്നീട് തലച്ചോറിൽ നടക്കുന്ന പ്രോസസ്സിംഗ് കാരണം സാധാരണ നോട്ടത്തിൽ ഇത് ശ്രദ്ധിക്കപ്പെടുന്നില്ല.
വിഷ്വൽ ഫീൽഡ് അളക്കൽ
[തിരുത്തുക]വിഷ്വൽ ഫീൽഡ് അളക്കുന്ന ഒരു രീതിയാണ് പെരിമെട്രി. കൈനെറ്റിക് സ്റ്റാറ്റിക് എന്നിങ്ങനെ രണ്ട് തരത്തിലുള്ള പെരിമെട്രികൾ ഉണ്ട്. ഓട്ടോമേറ്റഡ് ഹംഫ്രി ഫീൽഡ് അനലൈസർ, ഹൈഡൽബർഗ് എഡ്ജ് പെരിമീറ്റർ അല്ലെങ്കിൽ ഒക്കുലസ് എന്നിവയാണ് സാധാരണയായി ഉപയോഗിക്കുന്ന പെരിമീറ്ററുകൾ.
കേന്ദ്ര വിഷ്വൽ ഫീൽഡ് അളക്കാൻ രൂപകൽപ്പന ചെയ്ത ഫ്ലാറ്റ് സ്ക്രീനുള്ള ഒരു ചെറിയ ഉപകരണമായ ക്യാമ്പിമീറ്റർ ഉപയോഗിക്കുന്നതാണ് മറ്റൊരു രീതി.
വിഷ്വൽ ഫീൽഡിന്റെ സെൻട്രൽ 24 ഡിഗ്രി അല്ലെങ്കിൽ 30 ഡിഗ്രി പരിശോധിക്കുന്നതിനായി മിക്ക പെരിമീറ്ററുകളിലും ലൈറ്റ് സ്പോട്ട് പാറ്റേണുകൾ ഉപയോഗിക്കുന്നു. മിക്ക പെരിമീറ്ററുകൾക്കും ഒരു കണ്ണിലെ വിഷ്വൽ ഫീൾഡിൻ്റെ 80 അല്ലെങ്കിൽ 90 ഡിഗ്രി വരെ പരിശോധിക്കാനുള്ള കഴിവുണ്ട്.
വിഷ്വൽ ഫീൽഡ് പരിശോധിക്കാനുള്ള മറ്റൊരു രീതി രോഗിയുടെ കാഴ്ചമണ്ഡലം പ്രാക്റ്റീഷണറുടെ കാഴ്ച മണ്ഡലവുമായി താരതമ്യം ചെയ്യുന്ന രീതിയാണ്. ഇതിൽ പരിശീലകർ നാല് ക്വാഡ്രന്റുകളിലായി 1, 2 അല്ലെങ്കിൽ 5 വിരലുകൾ ഉയർത്തിപ്പിടിക്കും, രോഗിക്ക് വിരലുകളുടെ എണ്ണം ശരിയായി റിപ്പോർട്ടുചെയ്യാൻ കഴിയുന്നുവെങ്കിൽ, സാധാരണ ഫലം "ഫിംഗർ ടു ഫിംഗർ കൌണ്ടിങ്ങ്" (പലപ്പോഴും എഫ്ടിഎഫ്സി എന്ന് ചുരുക്കത്തിൽ) രേഖപ്പെടുത്തുന്നു. പ്രാക്ടീഷണർക്കും രോഗിക്കും ഇടയിൽ ഒരു ചെറിയ വസ്തു പിടിച്ച് അന്ധബിന്ദു നിർണ്ണയിക്കാനും കഴിയും. ഇത്തരത്തിലുള്ള രീതിയുടെ നിരവധി വകഭേദങ്ങളുണ്ട്. വളരെ എളുപ്പത്തിൽ ദൃശ്യമണ്ഡലം വിലയിരുത്താനാവുമെങ്കിലും ഇത് വിശ്വസനീയമായ രീതിയല്ല.
ദൃശ്യ മണ്ഡല നഷ്ടം
[തിരുത്തുക]കണ്ണ്, ഒപ്റ്റിക് നാഡി അല്ലെങ്കിൽ തലച്ചോറിനെ ബാധിക്കുന്ന പല രോഗങ്ങൾ അല്ലെങ്കിൽ തകരാറുകൾ കാരണം വിഷ്വൽ ഫീൽഡ് നഷ്ടം സംഭവിക്കാം. കണ്ണിനെ സംബന്ധിച്ചിടത്തോളം, ഗ്ലോക്കോമ പെരിഫറൽ ഫീൽഡ് വൈകല്യങ്ങൾക്ക് കാരണമാകുന്നു. മാക്യുലയെ ബാധിക്കുന്ന മാക്യുലർ ഡീജനറേഷനും മറ്റ് രോഗങ്ങളും കേന്ദ്ര ഫീൽഡ് വൈകല്യങ്ങൾക്ക് കാരണമാകുന്നു. വിഷ്വൽ പാതയിലെ പ്രശ്നങ്ങൾ, ഹോമോണിമസ് ഹെമിയനോപ്സിയ, ക്വാഡ്രന്റനോപ്സിയ, സ്കോട്ടോമ എന്നിവയുൾപ്പെടെയുള്ള വിഷ്വൽ അസ്വസ്ഥതകൾക്ക് കാരണമാകുന്നു.
വിഷ്വൽ ഫീൽഡ് വൈകല്യങ്ങളുടെ പ്രധാന വർഗ്ഗീകരണം
- കണ്ണിന്റെ റെറ്റിനയെ ബാധിക്കുന്ന പ്രശ്നങ്ങൾ (ഗ്ലോക്കോമ, എഎംഡി എന്നിവയിലെ വൈവിധ്യമാർന്ന ഫീൽഡ് വൈകല്യങ്ങൾ)
- ഒപ്റ്റിക് നാഡിയെ ബാധിക്കുന്ന പ്രശ്നങ്ങൾ (ഒരു കണ്ണിൻ്റെ കാഴ്ച പൂർണ്ണമായും നഷ്ടപെടുന്നത് ഉൾപ്പടെയുള്ള ഫീൽഡ് വൈകല്യങ്ങൾ)
- ഒപ്റ്റിക് കയാസ്മയെ ബാധിക്കുന്ന പ്രശ്നങ്ങൾ (ഉദാ: ബൈടെമ്പറൽ ഹെമിയനോപിയ, വശങ്ങളിൽ കാഴ്ച നഷ്ടപ്പെടുന്നത്)
- കയാസ്മക്ക് ശേഷമുള്ള വിഷ്വൽ പാത്ത്വേയിലെ പ്രശ്നങ്ങൾ (ഹോമോണിമസ് ഫീൽഡ് ഡിഫക്റ്റുകളായ ഹെമിയനോപ്പിയ, ക്വാഡ്രാന്റനോപ്പിയ, ഹോമോണിമസ് സ്കോട്ടോമാറ്റ എന്നിങ്ങനെയുള്ളവ)
മറ്റ് സവിശേഷതകൾ ഇവയാണ്:
- ആൾട്ടിറ്റ്യൂഡിനൽ ഫീൽഡ് വൈകല്യങ്ങൾ, തിരശ്ചീന മെറിഡിയന് മുകളിലോ താഴെയോ കാഴ്ച നഷ്ടപ്പെടുന്നു- ഇത് പല ഒക്കുലാർ അസാധാരണതകളുമായി ബന്ധപ്പെട്ടിരിക്കുന്നു
- സെൻട്രൽ സ്കോട്ടോമ, കേന്ദ്ര കാഴ്ച നഷ്ടപ്പെടുന്നു
- തുരങ്ക ദർശനം ഉൾപ്പെടെയുള്ള പെരിഫറൽ ഫീൽഡ് നഷ്ടം
- കാഴ്ചയുടെ മുഴുവൻ മേഖലയുടെയും പൊതുവായ കുറവ്[8]
ഗ്ലോക്കോമയിലെ വിഷ്വൽ ഫീൽഡ് വൈകല്യങ്ങൾ
[തിരുത്തുക]ഗ്ലോക്കോമയിൽ, റെറ്റിനൽ നെർവ് ഫൈബർ പാളിക്ക് കേടുപാടുകൾ സംഭവിക്കുന്നതിലൂടെ വിഷ്വൽ ഫീൽഡ് വൈകല്യങ്ങൾ ഉണ്ടാകുന്നു. ഫീൽഡ് വൈകല്യങ്ങൾ പ്രധാനമായും പ്രൈമറി ഓപ്പൺ ആംഗിൾ ഗ്ലോക്കോമയിലാണ് കാണപ്പെടുന്നത്. റെറ്റിനൽ നെർവ് ഫൈബർ പാളിയുടെ തനതായ ഘടന കാരണം, ശ്രദ്ധേയമായ നിരവധി പാറ്റേണുകൾ വിഷ്വൽ ഫീൽഡിൽ കാണപ്പെടുന്നു. ആദ്യകാല ഗ്ലോക്കോമറ്റസ് മാറ്റങ്ങൾ മിക്കതും കേന്ദ്ര വിഷ്വൽ ഫീൽഡിനുള്ളിൽ കാണപ്പെടുന്നു, പ്രധാനമായും ഫിക്സേഷനിൽ നിന്ന് 10°-20°യിൽ ജെറംസ് പ്രദേശത്ത്.[9]
സാധാരണ ഗ്ലോക്കോമ ഫീൽഡ് വൈകല്യങ്ങൾ ഇവയാണ്:
- ജനറലൈസ്ഡ് ഡിപ്രഷൻ : ഗ്ലോക്കോമയുടെ പ്രാരംഭ ഘട്ടത്തിലും മറ്റ് പല അവസ്ഥകളിലും ജനറലൈസ്ഡ് ഡിപ്രഷൻ കാണപ്പെടുന്നു. ഐസോപ്റ്റർ സങ്കോചം മൂലം കേന്ദ്ര, പെരിഫറൽ വിഷ്വൽ ഫീൽഡിന്റെ മിതമായ പരിമിതികളും ജനറലൈസ്ഡ് ഡിപ്രഷന് കീഴിലാണ് വരുന്നത്. എല്ലാ ഐസോപ്റ്ററുകളും ഒരേ പോയിന്റിലേക്ക് സമാനമായ ഡിപ്രഷൻ കാണിക്കുന്നുവെങ്കിൽ, അതിനെ വിഷ്വൽ ഫീൽഡിന്റെ സങ്കോചം എന്ന് വിളിക്കുന്നു. ചെറുതും മങ്ങിയതുമായ ടാർജറ്റുകൾ രോഗി കണ്ടെത്താത്ത മേഖലകളാണ് റിലേറ്റീവ് പാരസെൻട്രൽ സ്കോട്ടോമകൾ,[9] അവർക്ക് വലുതും തിളക്കമുള്ളതുമായ ടാർജറ്റുകൾ കാണാൻ കഴിയും. ചെറിയ പാരസെൻട്രൽ ഡിപ്രഷനുകൾ, പ്രധാനമായും സുപ്പീരിയോനേസൽ ഡിപ്രഷനുകൾ, നോർമൽ ടെൻഷൻ ഗ്ലോക്കോമയിൽ (എൻടിജി) സംഭവിക്കുന്നു.[10] മുഴുവൻ മേഖലയുടെയും ജനറലൈസ്ഡ് ഡിപ്രഷൻ തിമിരത്തിലും സംഭവിക്കാം.[8]
- ബേറിങ് ഓഫ് ബ്ലൈൻഡ് സ്പോട്ട്: 30° സെൻട്രൽ ഫീൽഡിന്റെ പുറം അതിർത്തിയുടെ അകത്തെ വക്രത കാരണം അന്ധബിന്ദു കേന്ദ്ര മണ്ഡലത്തിൽ നിന്ന് ഒഴിവാകുക എന്നാണ് അർത്ഥമാക്കുന്നത്.[11] ഗ്ലോക്കോമയിൽ വലിയ ഡയഗ്നോസ്റ്റിക് മൂല്യമില്ലാതെ ഇത് ആദ്യകാല വിഷ്വൽ ഫീൽഡ് മാറ്റം മാത്രമാണ്.
- ചെറിയ ചിറക് ആകൃതിയിലുള്ള പാരസെൻട്രൽ സ്കോട്ടോമ: ഗ്ലോക്കോമയിൽ കാണപ്പെടുന്ന വൈദ്യശാസ്ത്രപരമായ പ്രാധാന്യമുള്ള ആദ്യകാല ഫീൽഡ് വൈകല്യമാണ് ജറം പ്രദേശത്തെ ചെറിയ ചിറക് ആകൃതിയിലുള്ള പാരസെൻട്രൽ സ്കോട്ടോമ. ഇത് നേസൽ സ്റ്റെപ് ഘട്ടങ്ങളുമായി ബന്ധപ്പെട്ടിരിക്കാം. അന്ധബിന്ദുവിന് മുകളിലോ താഴെയോ സ്കോട്ടോമ കണ്ടേക്കാം.
- സീഡൽ സിക്കിൾ സെൽ സ്കോട്ടോമ: പാരസെൻട്രൽ സ്കോട്ടോമ അന്ധബിന്ദുവുമായി ചേർന്ന് സീഡൽ സിക്കിൾ സെൽ സ്കോട്ടോമ രൂപപ്പെടുന്നു.
- ആർക്യുയേറ്റ് അല്ലെങ്കിൽ ജെറംസ് സ്കോട്ടോമ: ഗ്ലോക്കോമയുടെ പിന്നീടുള്ള ഘട്ടങ്ങളിൽ സീഡൽ സ്കോട്ടോമ നീണ്ട് ഫിക്സേഷൻ പോയിന്റിന് മുകളിലോ താഴെയോ ഉള്ള സ്ഥലത്ത് തിരശ്ചീന രേഖയിലെത്തി ഇത്തരത്തിലുള്ള സ്കോട്ടോമ രൂപം കൊള്ളുന്നു. നാഡി നാരുകളുടെ കേടുപാടുകൾ കാരണം പെരിഫറൽ ബ്രേക്ക്ത്രൂ സംഭവിക്കാം.
- റിംഗ് അല്ലെങ്കിൽ ഡബിൾ ആർക്യുയേറ്റ് സ്കോട്ടോമ: രണ്ട് ആർക്യുയേറ്റ് സ്കോട്ടോമകൾ ഒന്നിച്ച് ഒരു റിംഗ് അല്ലെങ്കിൽ ഡബിൾ ആർക്യുയേറ്റ് സ്കോട്ടോമ ഉണ്ടാക്കുന്നു. ഗ്ലോക്കോമയുടെ വിപുലമായ ഘട്ടങ്ങളിൽ ഈ വൈകല്യം കാണപ്പെടുന്നു.
- റോന്നേസ് സെന്ട്രൽ നേസൽ സ്റ്റെപ്: രണ്ട് ആർക്യുയേറ്റ് സ്കോട്ടോമകൾ വ്യത്യസ്ത ആർക്കുകളിൽ പ്രവർത്തിക്കുമ്പോൾ ഒരു 90 ഡിഗ്രി കോണീയ തകരാറുണ്ടാക്കുന്നു. ഗ്ലോക്കോമയുടെ വിപുലമായ ഘട്ടങ്ങളിലും ഇത് കാണപ്പെടുന്നു.
- പെരിഫറൽ ഫീൽഡ് വൈകല്യങ്ങൾ: ഗ്ലോക്കോമയുടെ ആദ്യഘട്ടത്തിലോ അവസാനത്തിലോ പെരിഫറൽ ഫീൽഡ് വൈകല്യങ്ങൾ ഉണ്ടാകാം. പെരിഫറൽ ഐസോപ്റ്ററിന്റെ സങ്കോചം മൂലമാണ് റോന്നേസ് പെരിഫറൽ നേസൽ സ്റ്റെപ് സംഭവിക്കുന്നത്.
- തുരങ്ക ദർശനം: ഗ്ലോക്കോമാറ്റസ് നാശത്തിന് മാക്യുലാർ നാരുകൾ ഏറ്റവും പ്രതിരോധശേഷിയുള്ളതിനാൽ, ഗ്ലോക്കോമയുടെ അവസാന ഘട്ടങ്ങൾ വരെ ഇത് കേന്ദ്ര കാഴ്ചയെ ബാധിക്കില്ല. കേന്ദ്ര കാഴ്ച നിലനിന്ന് പെരിഫറൽ കാഴ്ച നഷ്ടപ്പെടുന്നതിലൂടെ ഇത് ട്യൂബുലാർ വിഷൻ അല്ലെങ്കിൽ തുരങ്ക ദർശനത്തിന് കാരണമാകുന്നു, ഇതിന്റെ ഫലമായി വൃത്താകൃതിയിലുള്ള തുരങ്കം പോലെയുള്ള ഒരു കാഴ്ച മണ്ഡലം ഉണ്ടാകുന്നു. ട്യൂബുലാർ കാഴ്ചയ്ക്ക് കാരണമാകുന്ന മറ്റൊരു രോഗമാണ് റെറ്റിനൈറ്റിസ് പിഗ്മെന്റോസ.[12]
- ടെമ്പറൽ ഐലൻ്റ് ഓഫ് വിഷൻ: ഗ്ലോക്കോമയുടെ അവസാന ഘട്ടങ്ങളിൽ ഇത് കാണപ്പെടുന്നു. ദൃശ്യമണ്ഡലത്തിലെ ദ്വീപ് പോലെയുള്ള വൈകല്യങ്ങൾ മധ്യ 24°-30° വിഷ്വൽ ഫീൽഡിന് പുറത്താണ് സ്ഥിതിചെയ്യുന്നത്,[13] അതിനാൽ ഗ്ലോക്കോമയിൽ നടത്തുന്ന സ്റ്റാൻഡേർഡ് സെൻട്രൽ ഫീൽഡ് അളവുകൾ ഉപയോഗിച്ച് ഇത് ദൃശ്യമാകണമെന്നില്ല.
മാക്യുലർ ഡീജനറേഷനിൽ (എഎംഡി) ഫീൽഡ് വൈകല്യങ്ങൾ
[തിരുത്തുക]10 മുതൽ 17 ഡിഗ്രി വരെ വ്യാസമുള്ള (വിഷ്വൽ കോണിൽ) വിഷ്വൽ ഫീൽഡിലെ കേന്ദ്ര മേഖലയാണ് റെറ്റിനയുടെ മാക്യുല. നല്ല വെളിച്ചത്തിൽ ഉയർന്ന റെസല്യൂഷൻ കാഴ്ചയ്ക്ക് ഇത് ഉത്തരവാദിയാണ്, പ്രത്യേകിച്ച് വായനയ്ക്ക്. മാക്കുലയെ ബാധിക്കുന്ന പല രോഗങ്ങളും കേന്ദ്ര കാഴ്ച മണ്ഡലത്തിലെ വൈകല്യങ്ങൾക്ക് കാരണമായേക്കാം, അവയിൽ മെറ്റമോർഫോപ്സിയ, സെൻട്രൽ സ്കോട്ടോമ എന്നിവ ഉൾപ്പെടുന്നു.
വിഷ്വൽ പാത്ത്വേ പ്രശ്നങ്ങളിലെ ഫീൽഡ് വൈകല്യങ്ങൾ
[തിരുത്തുക]മുകളിൽ നിന്ന് താഴെ വരെ:
1. വലത് കണ്ണിലെ കാഴ്ചയുടെ പൂർണ്ണ നഷ്ടം
2. ബൈടെമ്പറൽ ഹെമിയനോപിയ
3. ഹോമോണിമസ് ഹെമിയനോപിയ
4. ക്വാഡ്രന്റനോപ്പിയ
5. & 6. മാക്യുലർ സ്പെയറിംഗ് ഉള്ള ക്വാഡ്രന്റനോപ്പിയ
റെറ്റിനയിൽ നിന്ന് തലച്ചോറിലേക്ക് ദൃശ്യ വിവരങ്ങൾ എത്തിക്കുന്ന ഘടനകളാണ് വിഷ്വൽ പാതയിൽ അടങ്ങിയിരിക്കുന്നത്. ആ പാതയിലെ തടസ്സങ്ങൾ പലതരം വിഷ്വൽ ഫീൽഡ് വൈകല്യങ്ങൾക്ക് കാരണമാകുന്നു. ഫീൽഡ് വൈകല്യത്തിന്റെ തരം തടസ്സം സ്ഥിതിചെയ്യുന്ന സ്ഥലത്തെ പ്രാദേശികവൽക്കരിക്കാൻ സഹായിക്കും (ചിത്രം കാണുക).
- ഒരു കണ്ണിന്റെ ഒപ്റ്റിക് നാഡിയിലെ പ്രശ്നങ്ങൾ ആ കണ്ണിലെ ഭാഗികമായോ പൂർണ്ണമായതോ ആയ കാഴ്ച നഷ്ടങ്ങൾക്ക് കാരണമാകുന്നു, മറ്റെ കണ്ണിലെ ദൃശ്യമണ്ഡലത്തിന് പ്രശ്നങ്ങൾ ഒന്നും ഉണ്ടാവുുകയില്ല.
- ഒരു കണ്ണിന്റെ ഒപ്റ്റിക് നാഡിയുടെ പ്രോക്സിമൽ ഭാഗത്ത് ഉണ്ടാവുന്ന പ്രശ്നങ്ങൾ, ഒരു കണ്ണിൽ [കേന്ദ്ര ഫീൽഡ് വൈകല്യവും, മറ്റെ കണ്ണിലെ ടെമ്പ അർദ്ധ-ഫീൽഡ് വൈകല്യത്തിനും കാരണമാകും (ചിത്രത്തിൽ കാണിച്ചിട്ടില്ല).[14]
- ഒപ്റ്റിക് കയാസ്മയുടെ മധ്യഭാഗത്തുള്ള പ്രശ്നങ്ങൾ ബൈടെമ്പറൽ ഹെമിയനോപിയയ്ക്ക് കാരണമാകുന്നു
- ഒപ്റ്റിക് ട്രാക്റ്റിലെ തടസ്സങ്ങൾ, അല്ലെങ്കിൽ ഒപ്റ്റിക് റേഡിയേഷൻ പൂർണ്ണമായി ഉൾപ്പെടുന്ന പ്രശ്നങ്ങൾ ഹോമോണിമസ് ഹെമിയനോപിയയ്ക്ക് കാരണമാകുന്നു.
- പരിയേറ്റൽ ലോബിലെ ഒപ്റ്റിക് റേഡിയേഷന്റെ ഒരു ഭാഗത്തെ ബാധിക്കുന്ന പ്രശ്നങ്ങൾ കാരണം ഉണ്ടാകുന്ന ഫീൽഡ് വൈകല്യം ഇൻഫീരിയർ ക്വാഡ്രന്റ് ഹെമിയാനോപിയ ആയിരിക്കാം.
വിഷ്വൽ ഫീൽഡ് വൈകല്യങ്ങളുടെ ന്യൂറോളജിക്കൽ കാരണങ്ങൾ
[തിരുത്തുക]- സെറിബ്രൽ പാൾസി: സെറിബ്രൽ പാൾസി മൂലമുള്ള ഫീൽഡ് നഷ്ടം ഹെമിയനോപിക്, മുകളിലോ താഴെയോ, സെൻട്രൽ സ്കോട്ടോമ, പെരിഫറൽ സ്കോട്ടോമ എന്നിവയിൽ ഏതെങ്കിലുമാകാം.[15]
- അപസ്മാരം: അപസ്മാരവുമായി ഫീൽഡ് വൈകല്യങ്ങൾ വളരെ അപൂർവമായി മാത്രമേ ബന്ധപ്പെട്ടിട്ടുള്ളൂവെങ്കിലും[16], അപസ്മാരത്തിനുള്ള ടെമ്പറൽ ലോബ് ശസ്ത്രക്രിയയ്ക്ക് ശേഷം ദൃശ്യ മണ്ഡലത്തിലെ വൈകല്യങ്ങൾ ഉണ്ടാകാം.[17]
- പെരിവെൻട്രിക്കുലാർ ല്യൂക്കോമാലാസിയ (പിവിഎൽ): ഒപ്റ്റിക് റേഡിയേഷന്റെ കേടുപാടുകൾ കാരണം ബൈലാറ്ററൽ ഇൻഫീരിയർ വിഷ്വൽ ഫീൽഡ് വൈകല്യങ്ങൾ ഉണ്ടാകാം. [18]
ഫീൽഡ് വൈകല്യങ്ങളുടെ മറ്റ് കാരണങ്ങൾ
[തിരുത്തുക]- തിമിരത്തിൽ ജനറലൈസ്ഡ് ഡിപ്രഷൻ കാണപ്പെടുന്നു
- ഒപ്റ്റിക് ന്യൂറൈറ്റിസ്,[19] ലെബർ പാരമ്പര്യ ഒപ്റ്റിക് ന്യൂറോപ്പതി,[20] മാക്യുലാർ ഹോൾ,[21] കോൺ ഡിസ്ട്രോഫി [22], ബ്രാഞ്ച് റെറ്റിനൽ ആർട്ടറി ഒക്ലൂഷൻ മുതലായവയിൽ കേന്ദ്ര വിഷ്വൽ ഫീൽഡ് നഷ്ടം കാണപ്പെടുന്നു.
- റെറ്റിന ഡിറ്റാച്ച്മെന്റ്, റെറ്റിനൈറ്റിസ് പിഗ്മെന്റോസ,[23], ബ്രാഞ്ച് റെറ്റിന വെയിൻ ഒക്ലൂഷൻ[24] എന്നിവയിൽ തുരങ്ക ദർശനം ഉൾപ്പെടെയുള്ള പെരിഫറൽ വിഷ്വൽ ഫീൽഡ് നഷ്ടം കാണപ്പെടുന്നു.
- മസ്തിഷ്കാഘാതം, മസ്തിഷ്ക ക്ഷതം, ട്യൂമർ തുടങ്ങിയ രോഗികളിൽ ഹെമിയനോപിയയും ക്വാഡ്രന്റനോപ്പിയയും കാണപ്പെടുന്നു.[25]
- ആന്റീരിയർ വിഷ്വൽ ഫീൽഡ് വൈകല്യം ആന്റീരിയർ ഇസ്കെമിക് ഒപ്റ്റിക് ന്യൂറോപ്പതി, കംപ്രസ്സീവ് ന്യൂറോപ്പതി (ട്യൂമർ അല്ലെങ്കിൽ അനൂറിസം കാരണം), [26] ബ്രാഞ്ച് റെറ്റിനൽ ആർട്ടറി ഒക്ലൂഷൻ, ബ്രാഞ്ച് റെറ്റിന വെയിൻ ഒക്ലൂഷൻ, കൊളബോമ, പാപ്പിലെഡീമ, വിഷ്വൽ കോർട്ടക്സിലെ പ്രശ്നങ്ങൾ തുടങ്ങിയവ മൂലം കാണപ്പെടുന്നു.[27]
അധിക ചിത്രങ്ങൾ
[തിരുത്തുക]-
പൂർണ്ണ വിഷ്വൽ ഫീൽഡുകളുള്ള കാഴ്ചയിൽ പാരീസ്
-
പാരിസ് ബൈടെമ്പറൽ ഹെമിയനോപ്സിയ ഉള്ളവർ കാണുന്നത്
-
ബൈനേസൽ ഹെമിയാനോപ്സിയ ഉള്ളവരുടെ കാഴ്ചയിൽ പാരീസ്
-
ഇടത് ഹോമോണിമസ് ഹെമിയാനോപ്സിയ കാഴ്ചയിൽ പാരീസ്
-
വലത് ഹോമോണിമസ് ഹെമിയനോപ്സിയ കാഴ്ചയിൽ പാരീസ്
-
ട്യൂബുലാർ ദർശനം
-
മാക്യുലർ ഡീജനറേഷനിലെ കേന്ദ്ര ഫീൽഡ് വൈകല്യം [28]
ഇതും കാണുക
[തിരുത്തുക]പരാമർശങ്ങൾ
[തിരുത്തുക]- ↑ "Visual field: MedlinePlus Medical Encyclopedia". medlineplus.gov (in ഇംഗ്ലീഷ്).
- ↑ Rönne, Henning (1915). "Zur Theorie und Technik der Bjerrrumschen Gesichtsfelduntersuchung". Archiv für Augenheilkunde. 78 (4): 284–301.
- ↑ Traquair, Harry Moss (1938). An Introduction to Clinical Perimetry, Chpt. 1. London: Henry Kimpton. pp. 4–5.
- ↑ Robert H. Spector (1990). Clinical Methods: The History, Physical, and Laboratory Examinations. 3rd edition.
- ↑ Similar limits were already reported in the 19th century by Alexander Hueck (1840, p. 84): „Outwards from the line of sight I found an extent of 110°, inwards only 70°, downwards 95°, upwards 85°. When looking into the distance we thus overlook 220° of the horizon.” Hueck, A. (1840). Von den Gränzen des Sehvermögens. Archiv für Anatomie, Physiologie und wissenschaftliche Medicin, 82-97.
- ↑ Strasburger, H.; Rentschler, I.; Jüttner, M. (2011). "Peripheral vision and pattern recognition: a review". Journal of Vision. 11 (5): 1–82. doi:10.1167/11.5.13. PMID 22207654.
- ↑ Polyak, S. L. (1941). The Retina. Chicago: The University of Chicago Press.
- ↑ 8.0 8.1 Joy N. Carroll; Chris A. Johnson (2013-08-22). "Visual Field Testing: From One Medical Student to Another".
- ↑ 9.0 9.1 "Glaucoma". Parsons' diseases of the eye (22 ed.). Elsevier. pp. 288–295. ISBN 978-81-312-3818-9.
- ↑ John F, Salmon. "Glaucoma". Kanski's Clinical ophthalmology (9 ed.). Elsevier. pp. 362–365.
- ↑ Khurana. "Glaucoma". Comprehensive ophthalmology (6th ed.). Jaypee, The Health Sciences Publisher. pp. 223–224. ISBN 978-93-5152-657-5.
- ↑ "Retinitis pigmentosa". Genetics Home Reference.
- ↑ Themes, U. F. O. (11 July 2016). "Visual Fields in Glaucoma". Ento Key.
- ↑ Khurana. "Neuro-ophthalmology". Comprehensive ophthalmology (6th ed.). Jaypee, The Health Sciences Publisher. pp. 314–315. ISBN 978-93-5152-657-5.
- ↑ "Cerebral Palsy and Children with Vision and Hearing Loss". www.tsbvi.edu. Archived from the original on 2020-02-23. Retrieved 2020-06-23.
- ↑ G, Valli; S, Zago; A, Cappellari; A, Bersano (1999). "Transitory and Permanent Visual Field Defects Induced by Occipital Lobe Seizures". Italian journal of neurological sciences (in ഇംഗ്ലീഷ്).
- ↑ Manji, H.; Plant, G. T. (1 January 2000). "Epilepsy surgery, visual fields, and driving: a study of the visual field criteria for driving in patients after temporal lobe epilepsy surgery with a comparison of Goldmann and Esterman perimetry". Journal of Neurology, Neurosurgery & Psychiatry (in ഇംഗ്ലീഷ്). 68 (1): 80–82. doi:10.1136/jnnp.68.1.80. ISSN 0022-3050.
- ↑ Kozeis, N (2010). "Brain visual impairment in childhood: mini review". Hippokratia. 14 (4): 249–251. ISSN 1108-4189.
- ↑ Benjamin Osborne; Laura J Balcer. "Optic neuritis: Pathophysiology, clinical features, and diagnosis". www.uptodate.com.
- ↑ "Leber Hereditary Optic Neuropathy". NORD (National Organization for Rare Disorders).
- ↑ "Macular Hole - The American Society of Retina Specialists". www.asrs.org.
- ↑ "Cone Dystrophy". NORD (National Organization for Rare Disorders).
- ↑ "Retinitis Pigmentosa Symptoms". American Academy of Ophthalmology (in ഇംഗ്ലീഷ്). 30 October 2019.
- ↑ "Eye Occlusions, Blockages or Eye Strokes". All About Vision (in ഇംഗ്ലീഷ്).
- ↑ Elgin, Jennifer; McGwin, Gerald; Wood, Joanne M.; Vaphiades, Michael S.; Braswell, Ronald A.; DeCarlo, Dawn K.; Kline, Lanning B.; Owsley, Cynthia (2010). "Evaluation of On-Road Driving in Persons with Hemianopia and Quadrantanopia". The American journal of occupational therapy. : official publication of the American Occupational Therapy Association. 64 (2): 268–278. ISSN 0272-9490.
- ↑ Elgin, Jennifer; McGwin, Gerald; Wood, Joanne M.; Vaphiades, Michael S.; Braswell, Ronald A.; DeCarlo, Dawn K.; Kline, Lanning B.; Owsley, Cynthia (2010). "Evaluation of On-Road Driving in Persons with Hemianopia and Quadrantanopia". The American journal of occupational therapy. : official publication of the American Occupational Therapy Association. 64 (2): 268–278. ISSN 0272-9490.
- ↑ Akash Raj. "ALTITUDINAL VISUAL FIELD DEFECT" (PDF). Journal of the Bombay Ophthalmologists’ Association. 11: 127. Archived from the original (PDF) on 2021-08-27. Retrieved 2020-06-23.
- ↑ "Wayback Machine". 22 October 2013. Archived from the original on 2013-10-22. Retrieved 5 November 2018.
പുറത്തേക്കുള്ള കണ്ണികൾ
[തിരുത്തുക]- പേഷ്യന്റ് പ്ലസ് Archived 2012-07-17 at the Wayback Machine.
- ക്വാഡ്രന്റനോപ്സിയ Archived 2012-04-19 at the Wayback Machine. - മെഡ്പിക്സിൽ നിന്നുള്ള വിഷ്വൽ ഫീൽഡ്സ് ടീച്ചിംഗ് കേസ്
- സ്ട്രാസ്ബർഗർ, ഹാൻസ്; റെന്റ്സ്ക്ലർ, ഇംഗോ; ജോട്ട്നർ, മാർട്ടിൻ (2011). പെരിഫറൽ ദർശനവും പാറ്റേൺ തിരിച്ചറിയലും: ഒരു അവലോകനം. ജേണൽ ഓഫ് വിഷൻ, 11 (5): 13, 1–82 .
- വിഷ്വൽ സൈക്കോഫിസിക്സിനുള്ള സോഫ്റ്റ്വെയർ; VisionScience.com Archived 2013-12-03 at the Wayback Machine.