Cidade de Londres
Cidade de Londres City of London | |||||
| |||||
Apelido: "The City, The Square Mile" | |||||
Lema: "Domine dirige nos Latim: Senhor, guiai-mos" | |||||
| |||||
Paíç | |||||
---|---|---|---|---|---|
Lord Mayor | Roger Gifford | ||||
Ária | |||||
Total | 2,9 km² | ||||
Populaçon | |||||
Cidade | 7,000 | ||||
Densidade | 2,400/km² | ||||
Website: cityoflondon.gov.uk |
La Cidade de Londres (an anglés: City of London, ó simplesmente The City localmente) ye ua pequeinha ária drento de la Grande Londres. Ye l centro financeiro i stórico de Londres.
Cun 8,6 mil habitantes, la City ye l núcleo de la Grande Londres (esta un aglomerado de dibersos boroughs). Sue ária ye de solo 2,6 quilómetros quadrados - ó aprossimadamente ua milha quadrada, rezon pula qual ye referida cumo "The Square Mile".
La City ye l percipal centro financeiro de la Ouropa. Cun ua singular cuncentraçon de bancos i de peritos anternacionales, cuntando cul suporte legal de sistema regulatório eficiente i cun un abançado sistema de quemunicaçones, apoiado nua sólida anfraestrutura de tecnologie de l'anformaçon, la ária ouferece ua eimensa gama de serbícios çtinados la profissionales de ls negócios, para alhá de star anserida nua capital bibrante i dotada de peculiar dibersidade cultural - ua de las cidades mais antressantes de l planeta.
L'outoridade gobernante de la Square Mile ampenha-se an suprir las necidades de la quemunidade anternacional de negócios i manter un ambiente ne l qual las ourganizaçones de to l mundo puodan eisercer sou papel ne l financiamiento i zambolbimiento de l comércio global.
Stória
[eiditar | eiditar código-fuonte]Até 1835 la libardade de la City era eissencial para aqueilhes que zeiában eisercer l comércio.
Un númaro d'antigos prebilégios son associados cula libardade de la City, anque stáren mais na mimória coletiba de l que debidamente decumentados. Antre eilhes stan l dreito de ls pastors d'atrabessáren la puonte de Londres cun sues canhonas, ir la City cun ua spada na bainha, i séren anforcados an cuorda de seda se culpados por un crime capital. Outros benefícios éran l dreito de nun ser chantageado, casar-se na Catedral de San Paulo, se adbertir i quedar bébado sin l miedo de ser preso pulas outoridades.
Als homes libres era fornecida ua pequeinha caixa de madeira que funcionaba cumo un certificado de libardade l qual las pessonas carregában cumo hoije fázen cun sues carteiras de motorista.
Ua de las mais antigas cerimónias tradecionales inda eisistentes ye la garantie de la libardade de la Cidade de Londres, acradita-se que la purmeira acunteciu an 1237.
L termo mediebal "home libre" seneficaba alguien que nun era nobre propiatairo de tierras, mas gozaba de prebilégios cumo l dreito a ganhar denheiro i tenr tierras. Ls moradores de Londres éran protegidos pula carta patente de sue bila ó cidade i éran giralmente libres, surgindo assi l termo "libardade de la City"
Lazer i hardança cultural
[eiditar | eiditar código-fuonte]La City, cumo ye mais coincida antre sous frequentadores, nun bibe solo ne l mundo financeiro i de ls negócios; paralelamente a essa atmosfera floresce l'arte repersentada por dibersas galeries, triatos, museus i salas de cuncerto para agradar a todos ls gustos. Hai tamien un amplo leque d'atebidades sportibas, un centro público de lazer i l mundialmente famoso "Barbican Centre" de Londres, ua babilónia cultural adonde cinema, triato, galerie d'arte i spácio para dibersas outras manifestaçones artísticas se funden nun solo local. Para cumpletar essa bocaçon la City ye la terceira maior patrocinadora de las artes ne l Reino Ounido i inda detén i cuida dun grande património stórico formado por eidificaçones i monumientos.
La stória desta milha quadrada ye fascinante. La cidade de Londres ten mais de 1000 anhos i anquanto cumpre sou papel d'outoridade local moderna preserba i respeita sou rico legado stórico. Ls antigos scritórios de Lorde Mayor i "sheriffs" funden-se cula City moderna i las tradiçones cumo l show de Lorde Mayor i la libertaçon de la City trazen la stória de Londres outra beç la bida.
La City ten inda un basto númaro d'houteles de las catadories eisecutibas i de luxo, i muitos restourantes de ótima classeficaçon tamien emanan de sues rues i abenidas.
Trasportes i rodobias
[eiditar | eiditar código-fuonte]La Cidade de Londres atrai la cada die por buolta de 300 mil trabalhadores ouriundos d'outras regiones de Londres, para alhá dun grande númaro de bejitantes de negócios i turistas. La maior parte de las pessonas que ban a la City dependen de l trasporte público.
La City percisa dun eficiente sistema de trasportes que permita als trabalhadores chegáren i deixáren l trabalho, correios i buonos beiclos para fazer las antregas eissenciales al die la die de l centro de negócios.
Siempre promobendo l trasporte público, la Cidade de Londres percura manter l tráfego fluente por meio d'efetibo planeijamiento i gerenciamiento de la rede de bias públicas. Melhorando la sigurança a todos ls usuairos i criando un ambiente adequado als pedestres i mantendo buona la culidade de l'aire, todo esso reforça la reputaçon de la City cumo l melhor lugar para se fazíren negócios.
Pa ls moradores de Londres que ténen d'ir la City hai ua anfenidade de tipos de trasporte público, antre eilhes carreira diametrales, camboios, metro i carreira locales que fázen l trasporte de las staçones ferrobiárias até la City. Un praino para ligar por bie férrea la City i l aeroporto stá sendo eisecutado i, a partir de 2010, stará an funcionamiento ligando ls dous puntos an solo 22 minutos.
L'admenistraçon de l trasporte tamien cria possibelidades pa la circulaçon sigura de ciclistas. Cumo medida para melhorar la culidade de l'aire i diminuir l tráfego fui adotada la taxaçon als beiclos que trasitan pulas rues de la City, i este porgrama trouxe resultados bastante sastifatórios an relaçon la sous oubjetibos. Para alhá desso l'eficiente sistema de stacionamiento rotatibo auxelia na popularizaçon de l trasporte público antre ls londrinos.
La circulaçon de pedestres ye primorosa nas rues de la City adonde la belocidade mássima de ls beiclos nun puode sceder ls 30 km/h, todas las calçadas bien cumo las antradas de ls eidifícios cuntan cun rebaixamiento para deficientes.
Al redror de la cidade
[eiditar | eiditar código-fuonte]Anque tener an sue pequeinha ária ua de las maiores cuncentraçones de riqueza de l mundo, ne ls alredores de la City queda ua de las árias mais pobres de to Londres. L'outoridade local tenta la cada die rializar porjetos de rebitalizaçon ourbanística de la ária, para alhá de promober eniciatibas al zambolbimiento de pequeinhos negócios i de ls moradores destes locales. I las cabinas telefónicas alguen que ponga l'anformaçao
Meio ambiente
[eiditar | eiditar código-fuonte]Preacupados cul feturo ouscuro que poderá haber resultando de la custante degradaçon de l meio ambiente, recentemente la cidade de Londres ten se cumprometido na pesquisa de questones cumo l zambolbimiento sustentable de l meio ambiente, l qu'anclui studos para cuntrole de l'altura de ls nuobos prédios i un fórun pa la çcusson de questones ambientales (globales i locales) i de sustentabelidade respunsable de sues finanças, l que senefica preserbar l meio ambiente i la culidade de bida de sous habitantes.