[go: nahoru, domu]
Aqbeż għall-kontentut

George Abela

Minn Wikipedija, l-enċiklopedija l-ħielsa
Din hija reviżjoni antika ta' din il-paġna, hekk kif ġiet modifikata minn Ptbotgourou (diskussjoni | kontribuzzjonijiet) nhar 08:36, 31 Diċembru 2012. Din tista' tvarja mir-reviżjoni attwali.
George Abela

“ Irrid inkun simbolu ta' għaqda u nilqa din il-ħatra b'umiltà u gratitudni. ”

—George Abela f'jum il-ħatra tiegħu bħala President

George Abela (Qormi, 22 ta' April 1948) huwa politikant Malti u fil-preżent qiegħed iservi bħala l-President tar-Repubblika ta' Malta.

Bijografija

George Abela twieled f'Ħal Qormi għand George u Ladgarda née Debono. Huwa attenda l-iskola primarja ta' Ħal Qormi stess u kompla bl-edukazzjoni sekondarja tiegħu fil-Liċew tal-Ħamrun. Fl-1965 daħal fl-Università ta' Malta, fejn ġab il-Baċellerat tal-Arti. Hu kompla l-istudji tiegħu u sar nutar pubbliku, imbagħad, fl-1975, hu ggradwa bħala avukat. Il-General Workers' Union ħatritu bħala l-konsultent legali tagħha, u fil-25 sena li qatta' ma' din l-unjin kiseb esperjenza konsiderevoli fid-drittjiet tal-ħaddiema.

Fl-1982, wara li serva bħala president ta' Qormi FC, hu kien magħżul bħala ċ-ċermen tal-Malta Football Association. Fl-MFA għamel bidliet kbar, u tejjeb l-infrastruttura, fejn ġew mibnija grawnds għat-taħriġ, ġinnasju, u klinika tal-fiżjoterapija, waqt li ġie installat dawl artifiċjali. Il-plejers tat-tim nazzjonali tal-futbol ta' Malta kienu ngaġġati għat-taħriġ għall-ewwel darba fuq bażi professjonali.

Wara għaxar snin, fl-1992, hu ħalla l-kariga li kellu u ħa l-irwol ta' Deputat Kap responsabbli tal-Affarijiet tal-Partit fi ħdan il-Partit Laburista. Wara r-rebħa elettorali tal-partit fl-1996, hu ġie appuntat mill-Prim Ministru l-ġdid, Alfred Sant, konsulent legali u b'hekk beda jattendi s-seduti tal-kabinett. Hu irriżenja minn postu fl-1997 wara dissens mal-Prim Ministru Alfred Sant. Fl-1998 ħall kull rabta li kellu mal-PL, minħabba nuqqas ta' ftehim wara d-deċiżjoni meħuda mid-delegati fil-konferenza ġenerali tal-partit li jsejħu elezzjoni bikrija li kienet mifuhma li kienet neċessarja minħabba li f'dak il-perjodu kien hemm kriżi parlamentari. Fis-sena 2000 hu spiċċa sfavorit fl-amministrazzjoni tal-General Workers' Union u uffiċjalment ma' baqax mal-organizzazzjoni.

Mill-2000 'il quddiem hu beda jiffoka fuq il-prattika legali privata tiegħu, fejn ħadem bħala konsulent legali għal diversi entitajiet tal-gvern, fosthom mal-Awtorità tal-Ambjent u l-Ippjanar (MEPA) u l-Malta European Union Steering Action Committee (MEUSAC). Din, flimkien mal-kritika pubblika persistenti lejn l-Unjin, wasslet għall-istampa biex tispeluka fuq affinità ġdida ta' Abela lejn l-amministrazzjoni Nazzjonalista, partikularment lejn il-Prim Ministru ta' dak iż-żmien, Edward Fenech Adami, u l-Ministru tal-Kabinett Austin Gatt. Dawn l-ispekulazzjonijiet dehru influwenti fil-ġirja għall-kap tal-Partit Laburista tal-2008.[1][2]

Hu kkontesta l-elezzjoni għall-kap il-ġdid tal-Partit Laburista wara r-riżenja ta' Alfred Sant fl-2008, flimkien ma' Evarist Bartolo, Marie Louise Coleiro Preca, Joseph Muscat u Michael Falzon. Nhar is-6 ta' Ġunju 2008, minħabba li ebda kandidat ma kiseb il-50% u vot biex jiġi elett bħala l-kap tal-partit, kellha issir it-tieni rawnd ta' votazzjoni bejn l-aktar żewġ kandidati li ġabu voti. Fl-ewwel rawnd, Joseph Muscat kiseb 435 vot, waqt li Abela kiseb 200 vot mit-875 vot validu.[3] Abela tilef il-konfront elettorali ma' Joseph Muscat meta dan tal-aħħar kiseb total ta' 574 vot (66.36%) waqt li George Abela ġab 291 (33.64%).[4] Il-kap il-ġdid Joseph Muscat stieden lil Abela biex jipparteċipa fl-affarijiet tal-partit taħt il-gwida l-ġdida, u Abela ġie maħtur bħala r-rappreżentant tal-Partit Laburista fil-Malta-EU Steering Action Committee (MEUSEC).

Nhar it-12 ta' Jannar, il-Prim Ministru Lawrence Gonzi ħabbar li l-Gvern kien ippropona lil George Abela bħala l-President suċċessiv ta' Malta. Hu kellu jkun is-suċċessur ta' Eddie Fenech Adami li l-ħames snin li kellu fl-irwol ta' President ta' Malta kienu se jiskadu fl-4 ta' April 2009.[5] Din hi l-ewwel darba fl-istorja ta' Malta li gvern innomina President li ġej mill-partit li jinsab fl-Oppożizzjoni. Il-Kamra tad-Deputati wriet qbil unanimu fl-elezzjoni interna li saret għall-kandidatura ta' Abela bħala President, u din kienet l-ewwel darba wkoll li l-Parlament espressa kunsens fuq kandidatura għal President mill-1974. Il-voti finali kienu ta' 26 favur u 2 kontra. Nhar l-4 ta' April 2009, George Abela ġie maħtur bħala t-tmien President tar-Repubblika ta' Malta, wara quddiesa solenni kkonċelebrata mill-Arċisqof ta' Malta, Mons. Pawlu Cremona fil-Kon-Katidral ta' San Ġwann fil-Belt Valletta.[6] Fil-Palazz Presidenzjali, fil-preżenza tal-Ispiker tal-Kamra tar-Rappreżentanti, Louis Galea, u l-Prim Ministru, Lawrence Gonzi, Abela wiegħed li "jikkonserva, iħares u jiddefendi l-Kostituzzjoni ta' Malta".[7]

Familja

Abela iżżewweġ lil Margaret née Cauchi, mill-Belt Valletta, fit-23 ta' Mejju 1976. Għandhom żewġt itfal, Robert li huwa avukat, u Maria li ggradwat mill-Università ta' Malta u tispeċjalizza fil-kant liriku fil-Conservatorio Giuseppe Verdi ġewwa Milan, l-Italja.[8]

Fi Frar 2010 Lydia Abela, mart iben il-President George Abela saret is-segretarju eżekuttiv tal-Partit Laburista. F'Ġunju 2011 tħabbar li Robert Abela, bin il-President, se joħroġ għall-elezzjoni ġenerali li jmiss mal-Partit Laburista.

Referenzi

  1. ^ Times Of Malta, ed. (14-03-2008). "George Abela willing to contest MLP leadership election" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  2. ^ MaltaMedia, ed. (13-04-2008). "George Abela officially announces leadership bid" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  3. ^ MaltaMedia, ed. (06-06-2008). "MLP elections go for run off between Abela and Muscat" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  4. ^ MaltaMedia, ed. (06-06-2008). "Dr Joseph Muscat elected new MLP leader" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  5. ^ Times Of Malta, ed. (10-01-2009). "George Abela favourite to become next President" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  6. ^ Malta Independent, ed. (04-04-2009). "George Abela to be sworn in as President today" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  7. ^ Times Of Malta, ed. (04-04-2009). "New President hopes unity shown in his appointment will blossom" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)
  8. ^ Times Of Malta, ed. (04-04-2009). "Biography - The new President" (bl-Ingliż). Parametru mhux magħruf |aċċess= injorat (forsi ridt tuża |data-aċċess= minflok) (għajnuna); Iċċekkja l-valuri tad-data f': |data= (għajnuna)

Ħoloq esterni

Predeċessur
Joe Debono Grech 		Deputat Mexxej tal-Partit Laburista
1992 – 1998

Suċċessur
Joe Brincat

Predeċessur
Eddie Fenech Adami 		President ta' Malta
2009 – preżent

Suċċessur
Kariga attwali

a • d • m
Presidenti ta' Malta
Anthony Mamo (1974–1976) • Anton Buttigieg (1976–1981) • Albert Hyzler (aġent) (1981–1982) • Agatha Barbara (1982–1987) • Paul Xuereb (aġent) (1987–1989) • Ċensu Tabone (1989–1994) • Ugo Mifsud Bonnici (1994–1999) • Guido de Marco (1999–2004) • Eddie Fenech Adami (2004–2009) • George Abela (2009–2014) • Marie Louise Coleiro Preca (2014–2019) • George Vella (2019–attwali)Bandiera ta' Malta
Miksub minn "https://mt.wikipedia.org/w/index.php?title=George_Abela&oldid=200550"