ဒီရေတော
ဒီရေရောက်သစ်တော ခေါ် ဒီရေတောသည် လမုတောများ အစုအဖွဲ့တည်ရှိသည့် ကမ်းရိုးတန်းဒေသရှိ ရေဝပ်ဒေသ သို့မဟုတ် ရေတိမ်ဒေသ (wetland) များကို ခေါ်ဆိုသည်။[၁][၂] လမုပင်များသည် အေးခဲသော ရာသီဥတုကို ခံနိုင်ရည်မရှိသောကြောင့် အပူပိုင်းဒေသနှင့် သမပိုင်းဇုန်များတွင်သာ ရှင်သန်နိုင်ကြသည်။ လမုပင် မျိုးစိတ် ၈၀ ခန့်ရှိပြီး ယင်းအပင်များအားလုံးသည် အောက်ဆီဂျင်နည်းပါးသော မြေဆီလွှာတွင် ပေါက်ရောက်နိုင်ကြသည်။ ယင်းမြေဆီလွှာများသည် ရေစီး မပြင်းသောနေရာတွင် တည်ရှိပြီး အနည်များကို စုမိစေသည်။[၃]
ဒီရေတောအများစုကို ယင်း၏ ထူထပ်သောအမြစ်များဖြင့် သတိပြုမိနိုင်သည်။ ယင်းအမြစ်များသည် နိစ္စဒူဝ ဒီရေအတက်အကျကို ကိုင်တွယ်ပေးနိုင်သည်။ အမြစ်များသည် ဒီရေအတက်အကျတွင် အနည်များ မျောပါမသွားအောင် ကာကွယ်ပေးသည်။ ဒီရေတောများသည် ကမ်းရိုးတမ်းဒေသတွင် ဒီရေလှိုင်းများ၊ ပြင်းထန်သော ရေ စီးကြောင်းများနှင့် မုန်တိုင်းများကြောင့် ဖြစ်ပေါ်လာသော မြေတိုက်စားမှု အန္တရာယ်မှ ကာကွယ်ပေးသည်။ ဒီရေတောများ၏ ယင်းအမြစ်စနစ်သည် ငါးများနှင့် အခြားသတ္တဝါများ၏ နားခိုရာအဖြစ်လည်း စွမ်းဆောင်ပေးသည်။[၃]
ဒီရေတောများသည် ကုန်းမြေ၊ သမုဒ္ဒရာနှင့် လေထုကြားတွင် တည်ရှိပြီး ယင်းစနစ်၏ စွမ်းအင်စီးဆင်းမှုတွင် အရေးပါသည်။ ရေလွှမ်းမိုးမှု ကာကွယ်ရေး၊ အာဟာရနှင့် စွန့်ပစ်ပစ္စည်းများ ပြန်လည်အသုံးချရေး၊ စိုက်ပျိုးရေးတို့အတွက် ဂေဟစနစ်ဆိုင်ရာ လုပ်ငန်းများအတွက် ဒီရေတောများကို သုတေသန ပြုလုပ်ကြသည်။[၄] ယင်းအပြင် ဒီရေတောများသည် ရာသီဥတု ပြောင်းလဲမှုကို နှေးကွေးစေသော ကာဗွန် သိုလှောင်မှု၏ ခရာကျသော စနစ်တခုလည်း ဖြစ်သည်။[၅][၆]
ကိုးကား
[ပြင်ဆင်ရန်]- ↑ "Nutrient limitation status in a subtropical mangrove ecosystem revealed by analysis of enzymatic stoichiometry and microbial abundance for sediment carbon cycling" (2018). International Biodeterioration & Biodegradation 128: 3–10. doi: .
- ↑ "A cross-system analysis of sedimentary organic carbon in the mangrove ecosystems of Xuan Thuy National Park, Vietnam" (2012). Journal of Sea Research 67 (1): 69–76. doi: . Bibcode: 2012JSR....67...69T.
- ↑ ၃.၀ ၃.၁ What is a mangrove forest? National Ocean Service, NOAA. Updated: 25 March 2021. Retrieved: 4 October 2021.
ကန့်သတ်ချက်မဲ့ လူထုပိုင်ဖြစ်သော ဤအကိုးအကားမှ အကြောင်းအရာအချက်အလက်များကို ဤဆောင်းပါးတွင်ပါဝင်ဖေါ်ပြထားသည်။
- ↑ De Groot၊ Rudolf S. (1992)။ Functions of Nature: Evaluation of Nature in Environmental Planning, Management and Decision Making။ ISBN 9789001355944။
- ↑ "Indonesia's blue carbon: A globally significant and vulnerable sink for seagrass and mangrove carbon" (2016). Wetlands Ecology and Management 24: 3–13. doi: .
- ↑ "High-throughput amplicon sequencing reveals the spatiotemporal effects, abiotic and biotic shaping factors for the microbial communities in tropical mangrove sediments in Sanya, China" (2020). doi: .
Material was copied from this source, which is available under a Creative Commons Attribution 4.0 International License.