Hengeveelde
Hengeveelde, Wegdam of Hengevealde (Hollaands: Hengevelde) is n doarp in de Tweantse gemeente Hof van Tweante. t hef um en noabie de 2000 inwonners, en t lig an de proveensjale weg tusken Goor en Hoksebarge. t Rooms-Kattolieke doarp hef n apart groot industriegebeed met völle bedriewe vuur n kleain doarp.
n Naamn Wegdam wördt rechtevoort hoaste neet mear ebroekt, mear keump nog wal in n Parochienaamn en verskeaidene vereniges vuur.
In Hengeveelde zit ene van de grötste bruudsklearbedriewe van Neerlaand, woer at ze vroger op eegn kracht bruuds- en geleagnheaidskleare maakn, mear duur de legeloonlaandn wörd dr rechtevoort allene nog mear poompwoark edoan (t versteln en pas maakn van kleare).
Alle joarn in juni beent dr in Hengeveelde de Höftedaage, de lokale zommerfeestn, met nen koarmsel en verskeaidene artiestn.
Geskiedenisse
Hengeveelde was eartieds allene ne noaberskop en moarke in t kerspel Dealdn. In t 17e joarhonderd wör dr ne Roomske sköppekoarke bouwd bie oarve Slot. Um dee tied wör dr ook ne herboarg met as naamn Wegdam bouwd, an de weage van Goor noar Hoksebarge. Um den herboarg gröaidn n kleain döarpken umhen, wat doarduur ook n naamn Wegdam kreeg. Hiernoa wör de koarke noar t dörpken verzat woerduur t nog harter gröaidn. Töt 2001 heurdn t bie de gemeente Ambt Dealdn, den at toew duur de Gemeentelike Herindelige opgung in de gemeente Hof van Tweante.
Bekeande leu oet Hengeveelde
- Annie Schreijer-Pierik (17 januwoarie 1953), vrogger Kamerlid vuur et CDA
- Hutnkloas (Beantel, juni 1710 - Oldnzel, 13 september 1775), misdoadiger
Oetgoande verbeendige
Plaatsn in de gemeente Hof van Tweante | ||||||||
---|---|---|---|---|---|---|---|---|
Oaveriessel · Steden en dörpen in Oaveriessel Nederlaand · Previncies · Gemientes |