Beverwiek
Gemaente Beverwiek | ||
(Vlagge van Beverwiek) | (Waopen van Beverwiek) | |
Lokatie van de gemeante Beverwiek
| ||
Informasie | ||
Proveensie | ||
Heufdplaatse | Beverwiek | |
Geografie en bevolking | ||
Öppervlakte - Laand - Water |
19,60 km² 17,82 km² 1,78 km² | |
Inwonners Bevolkingsdichtheid |
36.605 (1 juli 2006) 2054 inw./km² | |
Koordinaten | 52° 29′ N, 4° 39′ O
Koördinaoten: 52° 29′ N, 4° 39′ O | |
Aoverig | ||
Belangrieke verkeersaoders | A9, A22 | |
Netnummer | 0251 | |
Postkode | 1940-1949 | |
Offisiële webstie www.beverwijk.nl |
Beverwiek is ne stad en gemeente in de Nederlandse previnsie Noord-Hollaand en hef een oppervlak van 19,60 km² (woarvan 1,78 km² water). De gemeente mek deel uut van de samenwarkingsregio IJmond.De plaatse steet noe veural bekend om zienen Beverwieksen Bazar, den grootsten oaverdekten markt van Europa. Ok besteet in Beverwiek een brandwondencentrum, in et Rode Kruus Zeeknhoes. Beverwiek had den eersten meubelboulevard van Nederland. De belangriekste industrie in de umgaeving besteet uut de hoogovvens van Corus, ten zuden van Beverwiek in Velsen-Noord.
Geskiednis
[bewark | bronkode bewarken]De name Beverwiek hef niks met de knaagdiern van doon, moar is een verbasterink van "Bedevoartswiek". Het plaetsken Sint Aagtenkarke (waor Beverwiek uut ontstoan is) was in de middeleeuwen nen trekpliester veur de pelgrims, umdat de heilige Agatha zich hier hef loaten zeen aan een maagde uut Velsen, dee op de vlög was veur Rorik: nen Noorman en hertog van Kennemerland). Beverwiek kreg in 1276 marktrechten, verleend deur Graaf Floris V, en stadsrechten in 1298, verleend deur Graaf Jan I van Hollaand.
Op de plaatse woar de heilige Agatha karke noe steet, stonden veur lange tied ne holten karke of kapelle. Bi-j et verkriegen van stadsrechten wödden dizze vervongen deur een bouwwark van stene. In 1575 wödden ok dizze karke vervongen deur een ni-j bouwwark, noe met karktoorn. Den karktoorn steet teggenwoordig bekend as Wiekertoorn, de karke as Grote Karke.
In dee tied wodden de stad umgeaven deur et darp Heemskarke (noordelek), et darp Wiek an Zee en Duun (westelek), de kern Breesaap (zudelek) en et Wiekermeer (oostelek). Het laandskap besteet veurnaamlek uut duungebeed.
Koopleu uut Amsterdam bouwden in de 17e eeuw in de mooie duunumgeavink eure buutenstadse huze. Veurbeelden bunt Huze Westerholt, Huze Akerendamme en Huze Scheijbeeck. De twee lest eneumden wödden an de raand van et Wiekermeer ebouwd.
De Linie van Beverwiek was ne militaire verdeadiginksliene dee in 1800 wierd an-elegd, noa den oorlog bi-j Castricum in 1799. Et volteujden ne bestaonde liene van Monnickendam, langs Purmerend noar Beverwiek. De Liene van Beverwiek bestond uut een koppel lunetten, mangs met ne grachte derum-hen. Enkele van dizze lunetten bunt bewoard eblevven, de meistn bunt noe vort.
In 1936 wierden Beverwiek en Wiek an Zee en Duun samen evoogd tot éne gemeente. Wiek an Zee en Duun wödden bi-j dit soamengoan esplitst. 'Wiek aan Duun' wierd onderdeal van de stad Beverwiek, Wiek aan Zee blef beholden as aparten kern. En dat is noe nog altied neet aanders.
In 1944, tiedens den Tweeden Wealdoorlog voerden de toonmalige bezetters nen razzia uut in Beverwiek en Velsen-Noord. Zi-j naamn bi-jnoa 500 leu vaste, dee in Kamp Amersfoort as gegiezelden gevängen wödden holden totdat de doaders van de moord op dree NSB-ers zich emeld hadden. Een paar gegiezelden wierden vri-j eloaten, moar völle wödden noar Duutslaand ebracht um doar as dwangarbeider te warken. 63 gegiezelden hebt dat neet overleaft. Volgens het digitaal monument veur den razzia in Beverwiek was et den eersten huus-an-huus razzia in Nederlaand. Veurhen waren de leu veilig as zi-j in huus waren bi-j nen razzia, umdat dee allenig op stroate eholden wödden.
De Heiligen Agatha in Beverwiek
[bewark | bronkode bewarken]De Heilige Agatha kump regelmoatig terug in Beverwiek. Verwiezink bunt onder aandere de Heilige Agathakarke, et Sint Aagtendarp (wonwiek), den Sint Aagtendiek en De Aagtenhalle (sporthal). Doarnoast is et brendwondencentrum in Beverwiek good op ziene plaatse want St. Agatha is de patroonheilige van brandwonden.
Uutgoande verwiezingen
[bewark | bronkode bewarken]- Webstea van de gemeente
- Historisch Beverwiek
- Ofbeeldingen Beverwiek
- Razzia Beverwiek een "digitaal monument" veur den nazirazzia in 1944
- Kaarte Beverwiek
- VVV Wiek an Zee
Perveensie Noord-Hollaand | |||
---|---|---|---|
|