Charlie Sheen
Charlie Sheen, boren as Carlos Irwin Estévez, (* 3. September 1965 in New York City) is en US-amerikaanschen Schauspeler, de spaansch-irische Öllern hett. Sien Vadder is Martin Sheen, vun den he ok den Künstlernaam övernahmen hett. He hett twee Bröder, Emilio Estévez un Ramón Estévez Jr., un en Süster, Renée Estévez, de ok all Schauspelers sünd.
Loopbahn un Arbeid
Sheen hett 1984 sien Filmloopbahn anfungen mit den Film Red Dawn. Man an sik harr he teihn Johr fröher al en lütten Optritt as Kind. Groot Acht funnen hett he för sien Hööftrull in den uttekenten Anti-Kriegsfilm Platoon. 1987 weer he tohopen mit sien Vadder in Wall Street to sehn. Speelbaas weer bi beide Filmen Oliver Stone.
Dorna hett Charlie Sheen vör all Spood hatt mit verscheeden Rullen in Kummedien, de em teemlich bekannt maakt hebbt. So t. B. Major League, en Kultfilm ut de 1980er Johren, oder an de Siet vun sien Broder Emilio in Men at Work. Een vun sien bekannsten Rullen hett he 1991 as „Topper Harley“ in den Film Hot Shots! speelt, de twee Johr later mit Hot Shots! Part Deux wietergahn is, wo binnen eenige Kriegs- un Horrorfilmen parodeert worrn sünd. 2003 un 2006 hett he in den drüdden un veerten Deel vun de Scarie Movie-Reeg mitspeelt, de jüngere Horrorfilmen op’n Arm nahmen hett. Sheen hett dormit sien Slapstick-Traditschoon wietermaakt. Veel Spood hett he aktuell ok mit de Sitcom Two and a Half Men. Neven de Schauspeleree weer Charlie Sheen ok al bi veer Filmen as Produzent mit dorbi un hett ok al Dreihböker schreven.
Privatleven
Privat hett Sheen faken al Problemen mit Drogen hatt un weer dormit al faken in de Daagblööd. ok schall he al mit en Scheteree to kriegen hebben hatt. Sien Loopbahn is dorüm fakener ünnerbroken worrn, vun wegen dat de in Drogenkliniken weer un Enttog maken müss. Sien Perioden, in de he sik ut Sicht vun normale Lüüd dorneven benehmen deit, gifft sien politischen Insatz wedder. He hett t. B. för twee Johr mit de Pornodorstellerin Ginger Lynn tosamenleevt. Un in de Presse weer he ok faken mit Callgirls un annere anrökig Saken in Verbinnen brocht, de angeevlich för sien Ehproblemen verantwoortlich wesen sünd.
Sheen weer vun 1995 an twee Johr lang mit Donna Peele verheiraadt, harr aver en Tiet vörher wat mit Paula Profit, mit de tosamen he sien erste Dochter Cassandra (*1985) hett. 2002 hett he de Schauspelerin Denise Richards heiraadt, de sik aver 2004 wedder vun em splitt hett, as bekannt weer, dat Sheen Kontakt to en Hoor harr. Mit ehr hett he twee Kinner, de 2004 un 2005 boren weern.
Filmografie (Utwahl)
Johr | Titel | Synchroonsnacker |
---|---|---|
1984 | Red Dawn dt.: Die rote Flut |
Nicolas Böll |
1986 | The Wraith dt.: Interceptor – Phantom der Ewigkeit |
|
1986 | Ferris Bueller’s Day Off dt.: Ferris macht blau |
Nicolas Böll |
1986 | Wisdom dt.: Wisdom – Dynamit und kühles Blut |
|
1986 | Platoon | Ulrich Matthes |
1987 | Wall Street | Benjamin Völz |
1988 | Young Guns | Benjamin Völz |
1989 | Courage Mountain dt.: Heidi auf der Flucht |
|
1989 | Major League dt.: Die Indianer von Cleveland |
Bernd Vollbrecht |
1990 | The Rookie dt.: Rookie – Der Anfänger |
Ingo Albrecht |
1990 | Cadence dt.: Ein fremder Klang |
|
1990 | Men at Work | Arne Elsholtz |
1990 | Navy Seals dt.: Navy Seals – Die härteste Elitetruppe der Welt |
Ekkehardt Belle |
1991 | Hot Shots! dt.: Hot Shots! Die Mutter aller Filme |
Ingo Albrecht |
1992 | Beyond the Law dt.: Made of Steel – Hart wie Stahl |
|
1993 | Hot Shots! Part Deux dt.: Hot Shots! Der zweite Versuch |
Arne Elsholtz |
1993 | Loaded Weapon | |
1993 | The Three Musketeers dt.: Die drei Musketiere |
Benjamin Völz |
1994 | The Chase dt.: The Chase – Die Wahnsinnsjagd |
|
1994 | Terminal Velocity dt.: Tödliche Geschwindigkeit |
Benjamin Völz |
1994 | Major League II dt.: Die Indianer von Cleveland II |
|
1996 | The Arrival dt.: The Arrival – Die Ankunft |
Benjamin Völz |
1997 | Shadow Conspiracy dt.: Die Verschwörung im Schatten |
|
1997 | Bad Day On the Block dt.: Under Pressure |
|
1997 | Money Talks dt.: Money Talks – Geld stinkt nicht |
Thomas Vogt |
1998 | Free Money | Benjamin Völz |
1999 | Being John Malkovich | Benjamin Völz |
2000-02 | Spin City, Feernsehserie dt.: Chaos City |
Benjamin Völz |
2001 | Good Advice dt.: Good Advice – Guter Rat ist teuer |
Benjamin Völz |
2003 | Scary Movie 3 | Frank Schaff |
2003-09 | Two and a Half Men, Feernsehserie dt.: Mein cooler Onkel Charlie |
Benjamin Völz |
2006 | Scary Movie 4 | Benjamin Völz |
Utteken
Charlie Sheen hett opstunns dree Filmpriesen kregen un weer för ölven wietere Priesen nomineert. Wunnen hett he:
- 2002: den Golden Globe as Best Serien-Hööftdorsteller – Kummedie oder Musical för Spin City.
- 1994: Sien Steern op’n Walk of Fame.
- 1989: den Bronze Wrangler för Young guns.
Weblenken
- Charlie Sheen in de Internet Movie Database (engelsch)
- Charlie Sheen-Websiet (engelsch)