Ännern vun Margaret (Maand)

In de Astronomie is '''Margaret''' (ok '''XXIII''' oder '''S/2003 U3''') de Naam vun en vun de lütteren [[Maand (Astronomie)|Maanden]] wieter buten vun den Planeten [[Uranus (Planet)|Uranus]]. De Uranus-Maanden hebbt all Naams vun Figuren ut dat Wark von [[William Shakespeare]] oder [[Alexander Pope]]; Margaret is de latere Fro vun’n König Hinnerk den Sössten ut Shakespeares ''[[King Henry VI]]''.

== Opdecken ==
De Maand is an’n 29. August 1993 vun de [[Astronom]]en [[Scott S. Sheppard]] un [[David C. Jewitt]] opdeckt worrn, ofschonst he egentlich al’n poor Daag fröher vun [[Matthew J. Holman]] un [[John J. Kavelaars]] sehn weer. Man ut de Daten harrn se keen Bahn utreken künnt, un jem weer ok nich klor worrn, dat se en Maand sehn harrn, de noch gor nich bekannt weer.

== Ümlopbahn ==
De Maand Margaret bruukt ungefähr 1687 [[Dag|Daag]], för een Ümloop üm den Planeten. Dorbi hett he en middler’n Afstand von 14.345.000 [[Meter|km]]. De Ümloop is rechtlöpig, also in’n lieken [[Dreihsinn]] as de [[Rotatschoon (Physik)|Rotatschoon]] vun’n Uranus. All de anneren buteren Maanden loopt torüchlöpig üm den Planeten. De Maandbahn hett en [[Exzentrizität]] vun 0,661 un is dormit al en teemlich lang togen [[Ellips]]. De Bahn is dorbi ok noch üm ungefäähr 56,63[[Grad (Winkel)|°]] gegen den [[Äquater]] vun’n Uranus kippt.

== Opbo ==
Över den Maand is opstunns noch nich veel bekannt. Sien [[Dörmeter]] warrt mit ruch weg 20 km angeven. De [[Albedo]] liggt na en Schätzen bi 0,04 un de [[Dicht]] bi 1,5 g/cm³, wat ungeääfr dat is, wat man vun de anneren lütten Maanden ok kennt.

{{Navigatschoonsliest Uranusmaanden}}

[[Kategorie:Maand]]
[[Kategorie:Uranus]]