Westliche Honnigimm
Westliche Honnigimm | ||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|
Systematik | ||||||||||||||||||||
| ||||||||||||||||||||
Wetenschoplich Naam | ||||||||||||||||||||
Apis mellifera | ||||||||||||||||||||
Linnaeus, 1758 |
De Westliche Honnigimm is en vun de negen Aarden vun de Honnigimmen, un dormank ene ganz besunnere. Se leevt mit ene Königin, mehr as 30.000 Arbeiterinnen un de Drohnen tosamen in enen Staat oder Volk. De Königin un de Arbeitsimmen hefft an ehr Achterliev enen Prickel mit ene Giftblaas un enen Wedderhaken. De wille Honnigimm wahnt tomeist in holle Bööm,un de vun den Imker tüchten Völker warrt in Körv oder Holtkassens unnerbrocht. In de Körv oder Kassens hangt in bestimmte Afstännen Holtrahmens, in de de Immen ehre sesseckigen Zellen inboot.
Blots de Königin hett vull utbillte wiefsch Geslechtsorganen. Up den Hochtietsflaag warrt se vun ene Drohn besamt. Se spiekert dat Sperma in ene Saatblaas. Na un na warrt de Eier in de Zellen afleggt, an'n Dag so wat bi 2000 bit 5000 Stück. Ut de befruchten Eier kaamt de wieflichen Immen, de entweder to Arbeitsimmen oder in gröttere Zellen dör besunnert Foder to Königinnen heranfodert warrt. Ut de unbefruchten Eier kaamt de Drohnen, de sik ahnen wat to doon in’n Stock herumdrievt, bit se na den Hochtietsfloog vun de Arbeitsimmen dootmaakt warrt. Den Honnig sammelt alleen de Arbeitsimmen. Se leevt sess Weken, un ehr Levensloop is nipp un nau fastleggt. Toeerst mööt se saubermaken un Larven fodern, darna hefft se Wachdeenst an dat Flooglock un eerst in de lesden veerteihn Daag hefft se de Upgaav, Honnig to sammeln.
De Immen besöökt lange Tiet ümmer de glieken Planten. Darbi överdräägt se den Blötenstoff vun ene Plant up de Noor vun de neegste, un so kummt dat to dat Bestöven vun Blomen un Aavtbööm. Mit enen Suugrüssel warrt de Honnigsaft ut de Blöten sagen, in den Honnigmagen upnahmen un denn in de Zellen spiekert. Den gröttsten Deel darvun bruukt de Immen för ehr egen Nähren. En Immenvolk bringt den Imker darum nich veel mehr as 10 kg Honnig in een Jahr. In honnigarme Jahren mutt Zucker oder Sirup tofodert warrn.To dat Sammeln vun Pollen deent de Körfkens an de Achterbenen, de as lütte Büxen utseht, wenn se vull sünd. De Blötenstoff wart in den Stock transporteert un dar to enen Bree verarbeit un an de Larven verfodert.
Wenn sik dat Immenvolk so stark vermehrt hett, dat de Ruum in den Stock to eng warrt, so treckt de Königin mit enen Deel vun dat Volk ut un billt en neet Volk (Swarm). Hüdigendags maakt de Imker avers meist al de nee Königin doot, ehr dat se utswärmen deit. De Swarmtiet sett Midde Mai in un kann bit Midde August wohren. Meist fleegt de Immen nich wiet, sett sik bold in ene dichte Druuv an den Tack vun enen Boom un warrt vun enen Imker, wenn he bitieden dartokummt, in enen Korf oder Kassen afslaan. De Rest vun dat Volk blifft mit ene ne'e Königin trüch. Ahnen ene Königin kann en Volk nich leven un geiht bold in.
Borns
Literatur
- Karl Weiß: Bienen und Bienenvölker, ISBN 3-406-41867-8
- May R. Berenbaum: Blutsauger, Staatsgründer, Seidenfabrikanten. Die zwiespältige Beziehung zwischen Mensch und Insekt ISBN 3-8274-0078-3
- Michael Weiler: Der Mensch und die Bienen – Betrachtungen zu den Lebensäußerungen des BIEN ISBN 3-921536-60-X
- Georg Rendl: Der Bienenroman, Insel Verlag, Leipzig 1931
- Karl von Frisch: Sprache und Orientierung der Bienen, Verlag Hans Huber, Bern un Stuttgart
- Rudolf Moosbeckhofer, Josef Bretschko: Naturgemäße Bienenzucht, Leopold Stocker Verlag, Graz 1996 ISBN 3-7020-0740-7
- Friedrich Ruttner: Naturgeschichte der Honigbienen. Franckh-Kosmos-Verlag, Stuttgart 1992, ISBN 3-440-09125-2
- Jürgen Tautz: Phänomen Honigbiene. Spektrum Akademischer Verlag (März 2007), ISBN 978-3-8274-1845-6
Weblenks
- http://www.apis.admin.ch – Swiezer Zentrum för Immenforschung
- http://www.bee-info.de – Gründlich Informatschonen över Honnigimmen
- http://www.bienenkunde.rlp.de – DLR Fachzentrum Bienen un Imkerei Mayen
- http://www.honigbiene.de – Länderinstitut für Bienenkunde Hohen Neuendorf e. V.
- http://www.bienen.de
- http://www.beegroup.de – Bienenforschung Würzburg e. V.
- http://www.bienensterben.info
- http://www.mellifera.de – Vereinigung für wesensgemäße Bienenhaltung e. V.
- http://www.uni-hohenheim.de/bienenkunde – Landsanstalt för Immenkunn Baden-Württemberg
- http://bees.library.cornell.edu/b/bees/browse.html Histoorsche Böker över Immen (engelsch)
- „Arbeiterin mit Migrationshintergrund“, Tagesspiegel, 26. Oktober 2006, bringt den Science-Artikel (Bd. 314, S. 642) „Das Erbgut der Honigbiene ist entziffert. Jetzt steht fest, dass sie aus Afrika einwanderte.“