[go: nahoru, domu]
Ae ba nösi

Budi Utomo

Moroi ba Wikipedia
Monumen Kebangkitan Nasional ba Solo.

Boedi Oetomo (fombaso ba EYD: Budi Utomo) ya'ia da'ö sambua wa'owulo ma organisasi pemuda nifasindro sotöi Soetomo ba iraono si so ba wamahaö meluo da'ö ma si so ba zekola ni tötöi ba wehede; School tot Opleiding van Inlandsche Artsen (STOVIA), ba ngaluo 20 Mei 1908. Fa'owulo andre nifatumbu'ö sotöi Wahidin Sudirohusodo. Tuho wamasindro fa'owulo da'a sanandrösa ma sifakhai ba ngawalö wa'auri niha simane; sosial, ekonomi, budaya, ba tenga soguna ba politik.

Tefasindro Boedi Oetomo no tobali böröta ba wahasara dödö ena'ö aefa barö mbawa wasuwöta ba wogamö fa'a merdeka Indonesia. Ba mböröta tefasindro gangowuloa andre, tetöfaigö ia ba ndraono sanema famaö si so ba danö Pulau Jawa. Ofeta ma'ökhö, inötö wa'atumbu ma fa'amosindro Boedi Oetomo no sambua wasumangeta nibe'e töi Hari Kebangkitan Nasional Indonesia.[1]

Eluaha döi (arti)

[bulö'ö | bulö’ö kode]

Eluaha moroi ba ngawua wehede Boedi Oetomo andre, nihalö moroi ba wehede Sanskerta; ya'ia da'ö; Budhi, na lafo'eluaha ia; fa'amohi'a dödö (Kesadaran.), ba fehede; Oetomo moroi ba ŵa'a li; Uttama, nifo'eluaha; fondrege zisökhi ma sangat baik. Boedi Oetomo, tola lamane wamo'eluaha ya'ia, fa'amohi'a dödö fondrege zisökhi (dapat diartikan sebagai kesadaran yang sangat baik.)[2]

Böröta (asal usul)

[bulö'ö | bulö’ö kode]

Ba ndröfi si 1907, Wahidin Sudirohusodo so sambua ginötö sisökhi moi ia ba STOVIA bada'ö falukha ia ndraono sekola. Ibe'e wa'amohi'a dödö ena'ö lahaogö gangowuloa fahasara dödö ba wamazaŵa ngawalö noro sabua ba wogamö ohitö dödö.[3] Baero da'ö, Sudirohusodo edöna ifasindro gangowuloa sifakhai ba wamahaö ba wanolo iraono sekola ba ngawalö zoguna khöra ba we'amöi ba we'amöi ba zekola, me ato zomasi möi ba zekola ba lö sagu me ba wa'atosasa so. Bua wangera-ngera da'a, tefarou dödö ndraono sekola si so ba da'ö, simane Soetomo, Gunawan Mangunkusumo, ba Soeradji Tirtonegoro.

Aefa da'ö, Soetomo faoma Soeradji lafalua wa'owulo khö ndraono sekola STOVIA tanöbö'ö, ba wamatunöisi ngawalö sifalkhai ba gangowuloa ma organisasi nifatumbu'ö Sudirohusodo. Hiza, fa'owulo da'a hulö ha fa'amohi'a dödöra ya'ira so'angeraigö fa'owulo andre. Fa'owulo lafalua ba nahia Anatomi si so ba STOVIA, ba ginötö lö hadöi famahaö ba nahia da'ö. Fa'owulo la'osara'ö wame'e töi angowuloa ya'ia da'ö faoma töi; "Perkumpulan Boedi Oetomo" irege Boedi Oetomo andre mufasindro ia ba tanggal 20 Mei 1908 ba Jakarta.[4]

Boedi Oetomo no tobali böröta ba era Nasionalisme Indonesia si no la'ila niha simöi pergerakan nasional. Tokoh nisura si tobali samasindro Boedi Oetomo so ira dasiŵa niha, ya'ia da'ö; Mohammad Soelaiman, Gondo Soewarno, Goenawan Mangoenkoesoemo, Raden Angka Prodjosoedirdjo, Mohammad Saleh, Raden Mas Goembrek faoma Soewarno.

Ba ginötö lafasindro ba STOVIA, organisasi da'a no so zangohalöŵögöigö ngawalö halöŵö si no la sura bakha ba anggaran dasar faoma ba anggaran rumah tangga. Ba ginötö da'ö, Soetomo sitobali Kafalo ma ba li Indonesia asese laŵa'ö ia faoma fanötöi Ketua darua ira Soelaeman Affandi Kartadjoemena, sitobali so salahini na lö molala ia, ma ba wanura ya'ia lamane; wakil ketua. Pengurus tanöbö'ö so ba da'ö sotöi Gondo Soewarno sitobali sekretaris I, ba Goenawan sitobali sekretaris II, sololohe ngawalö zifakhai ba gefe ma laŵa'ö ia bendahara igogohe sotöi Angka Prodjosoedirdjo. Tanöbö'ö samasindro tobali ira komisaris.

Ba wa'atedou ginötö, sifao ba organisasi Boedi Oetomo andre idugu monönö. Tokoh-tokoh pergerakan Indonesia, simane Ki Hadjar Dewantara, Tjipto Mangoenkoesoemo, Tirto Adhi Soerjo, Pangeran Ario Notodirodjo faoma Raden Adipati Tirtokoesoemo no oi fao ira ba organisasi da'a.[5]

Turia fa'amosindro gorahua andre tehöngö ba surat kabar simöi famohi'a dödö niha misa ba mbanua tanöbö'ö ba wamasindro cabang. Gödo cabang tefasindro ba kota Magelang, Probolinggo faoma Yogyakarta. Hiza, fa'amohi'a da'a nomöi fa'amanimba-nimba dödö ya'ira samasindro. Fa'amanimba dödö si'oföna si'ai khö Soetomo, me Soetomo na la'ila niha sitobali solohe tanga ba wolaŵa Hindia Belanda no i fohi'a dödö ndraono sekola sato. Börö wa'alua da'a, Soetomo hulö so khönia wa'ata'u ba tola möi ba wangeheta ya'ia ba STOVIA.

Sitobali fafao ba wahasara dödö ma hulö na lamane sitobali bentuk solidaritas, awö Soetomo na laheta atö Soetomo andre ba STOVIA ba fefu ira hasara dödöra laheta ira göi. Hiza, Soetomo lö a'ozu laheta ia me so zamelegö ya'ia föna ya'ia da'ö moroi ba Hermanus Frederik Roll, sitobali dane-dane lamane döfi Soetomo awuyu sibai hino döla irege tenga sibai ni'ata'ufi ngawalö gangowuloa nifasindronia.[6] Pada bulan Juli 1908, Budi Utomo telah mencapai anggota yang berjumlah 650 orang yang terdiri dari priayi berpangkat rendah dan pelajar.[7]

Famalua Kongres si'oföna

[bulö'ö | bulö’ö kode]

Ba wamalua kongres gangowuloa andre, oya sibai zedöna la ohalöŵögöigö. Ngawalö zoguna ba rafe andrö, fefu zifao la'elegö gefe si so khöra ma kefe THR moroi ba STOVIA ba tenga hada'ö dozi zifao ba latehegö gama-gama zi so khöra la'amawa ba wonönö biaya sedöna la'oguna'ö ba ngaluo wamalua rafe da'ö, simane: tandraluo, nukha/falika, nukha lembe nifali'ö ba högö, batanöbö'önia. Baero gefe sowulo ba zi no la'owuloi andre, so gefe nifafiza'ö moroi ba Roll nifodela khö Soetomo. Fefu ndra sohalöŵö ba gangowuloa andre, ba mo'ömö dödö ba wama'ema zura wogaoni, ba mutötöna na sura andrö, larugi tanö wamasao.

Hiza, Saleh ihalö ginötönia ba wamalukhaisi ndra sifahatö khö Raden Ajeng Kartini ba Kabupaten Jepara, Goenawan möi ia khö Raden Adipati Tirtokoesoemo, meluo da'ö Raden Adipati Tirtokoesoemo samösa zangai halöŵö ba wamareta ya'ia da'ö; Bupati ba Karanganyar, Ba na Soetomo möi ia ba wamalukhaisi Ernest Douwes Dekker ba DKI Jakarta. Tokoh-tokoh tanöbö'ö sifao ba wogaonira ya'ia da'ö; Koesoemo Oetoyo meluo da'ö sitobali Bupati Jepara, Achmad Djajadiningrat Bupati ba Kota Serang, Pangeran Ario Kusumo Yudo ba Jatinegara, Jakarta Timur, so Soetomo (töi sifagölö) ono sekola ba Sekolah Pamong Praja (Opleiding School Voor Inlandsche Ambtenaren) ba Magelang faoma Raden Mas Adipati Tjokro Adikoesoemo Bupati ba Kabupaten Temanggung.[8] Ba tanggal 3-5 Oktober 1908, Boedi Oetomo ifalua kongres ma rafe si'oföna sibai ba Daerah Istimewa Yogyakarta.[9] Sambua moroi ba zoya nifatunöisira meluo da'ö ya'ia da'ö; ba wamasindro Badan Bantuan Pendidikan ma latötöi faoma studiefonds. Da'a nifatumbu'ö Sudirohusodo, ba hiza lö latema, so töla dane-dane wa lö latema zöndra da'ö;

  1. Fo'amböta wohi'a dödö Badan Bantuan Pelajar
  2. Ngawalö wa'atosasa ba wamalua ya'ia
  3. Halöŵö ba wanolo iraono sekola, sambua lala halöŵö ni'angeragö gangowuloa Boedi Oetomo[10]

Heŵa'ae iraono sekola STOVIA zamasindro ba zi'oföna Boedi Oetomo andre, hiza la'elegö wamatörö ngawalö lala halöŵö khö ndra satua si so fangila sitobali famosumangeta khö zatua ba ena'ö göi alö noro ma'ifu me ya'ira nasa si so bakha ba wamahaö, meluo da'ö Soetomo lötolalö itörö wamahaö tölu fakhetö.[11] Ba hiza, amozua moroi ba wamaluara kongres andre, ba hasara dödöra ba wanuyu Tirtokoesoemo sitobali solohe tanga ma ketua umum faoma Wahidin Sudirohusodo sitobali wakil ketua. Ba Kongres da'ö ba no la'osara'ö zöndra sitobali khamötö dödö moroi ba gangowuloa Boedi Oetomo, ya'ia da'ö; ba li Indonesia lamane; menjamin kehidupan sebagai bangsa yang terhormat serta arah organisasi sebagai organisasi yang berfokus pada pendidikan, pengajaran, dan kebudayaan. Iraono sekola ba STOVIA lafili sitobali pengurus cabang ba Betawi ba gödo ma kantor pusat latatugöi tefasindro ia ba Yogyakarta.[12] Hingga diadakannya kongres yang pertama ini, Boedi Oetomo telah memiliki 7 cabang di beberapa kota, seperti Batavia, Bogor, Bandung, Magelang, Yogyakarta, Surabaya, dan Ponorogo.[13] Irugi döfi si 1909, anggota Budi Utomo ikhamö ba zi 10.000 anggota. [14]

Tirtokoesomo

[bulö'ö | bulö’ö kode]

Me inötö Tirtokoesomo moroi ba Kebumen, Karanganyar wolohe tanga gangowuloa andre ba ginötö döfi si 1908-1911. Tirtokoesomo meluo da'ö ya'ia da'ö Bupati ba Karanganyar, Kebumen si no sa'ae la'ila niha samösa Bupati solohe tanga ba zisökhi, atua-tua, ba fefu halöŵö oi i'awaisi ba ginötönia. Ba ginötö ya'ia zolohe tanga ma sondröniai'ö Budi Utomo andre, no oya ngawalö ni'ohalöŵögöigö simane fanga'aso majalah guru desa faoma samawu'a ma somohouni kurikulum pengajaran Bahasa Belanda fatua lö mubohouni, ba ha kalasi III ofeta kalasi miyaŵania zanema famaha'ö li Belanda, hiza lafawu'a ia tobali i'otarai kalasi I ofeta kalasi miyaŵania [14]

He no simane, ba hiza khamötö si no alua andre lamane hulö nasa na ahao ia, me no oya mozawili cabang-cabang Budi Utomo, ngawalö hadia ia no lafalua ba zadö'u-dö'u tödö. Angowuloa andre lahörögö göi zifakhai ba bidang sosial-budaya ba hiza lö latufai bidang politik, hewa'ae no lafakhai wa'ahatö khö zamatörö meluo da'ö ma na'i sifao ba gangowuloa andre ato ira moroi ba wamareta ma pegawai pemerintah.[15]

Sura andre awena börö zura nasa. Moguna munönö ba mubönökhi nösinia.
Wikipedia no halöŵö nifalului zato.
Tolo Wikipedia ba wanohugö wanura ya'ia, na so khöu onönöta nösi. Saohagölö.

Umbu

[bulö'ö | bulö’ö kode]
  1. ↑ Ariefyanto, M Irwan (20 Mei 2020). "Hari ini di 1908, Budi Utomo Didirikan". Republika Online (ba li Indonesia). Mufaigi me 24 November 2021. 
  2. ↑ Gischa, Serafica (29 Februari 2020). Gischa, Serafica, ed. "Tokoh Pendiri Budi Utomo: Pelajar STOVIA". Kompas.com (ba li Indonesia). Mufaigi me 24 November 2021. 
  3. ↑ Hatta, Mohammad (1980). Permulaan Pergerakan Nasional. Jakarta: Yayasan Idaya. hlm. 16–17. 
  4. ↑ Sudiyo et al. 1997, hlm. 21.
  5. ↑ Parinduri, Alhidayath (23 Februari 2021). "Sejarah Boedi Oetomo: Didirikan Oleh Siapa Saja dan Latar Belakang". Tirto.id (ba li Indonesia). Mufaigi me 24 November 2021. 
  6. ↑ Muljana 2008, hlm. 21-22.
  7. ↑ Welianto, Ari (16 Juni 2020). Welianto, Ari, ed. "Konsep Awal Pembentukan Budi Utomo". Kompas.com (ba li Indonesia). Mufaigi me 24 November 2021. 
  8. ↑ Muljana 2008, hlm. 22-23.
  9. ↑ "Hari Ini Boedi Oetomo Berdiri". Historia - Majalah Sejarah Populer Pertama di Indonesia (ba li Indonesia). 2015-05-20. Arsip moroi versi asli irugi 2023-04-19. Mufaigi me 2021-07-30. 
  10. ↑ Muljana 2008, hlm. 23-24.
  11. ↑ Muljana 2008, hlm. 25.
  12. ↑ Sudiyo et al. 1997, hlm. 22.
  13. ↑ Update, Berita (9 Maret 2021). "Mengenal Organisasi Boedi Oetomo". Kumparan (ba li Indonesia). Mufaigi me 24 November 2021. 
  14. ↑ 14,0 14,1 Muljana 2008, hlm. 26.
  15. ↑ Sudiyo et al. 1997, hlm. 22-23..
Tehalö moroi ba "https://nia.wikipedia.org/w/index.php?title=Budi_Utomo&oldid=24228"