Endrar Armagh

{{geoboks|by|land=Nord-Irland
|region=[[Grevskapet Armagh]] 
}}

'''Armagh''' er ein by i [[County Armagh|grevskapet Armagh]] i [[Nord-Irland]]. Han var tidlegare administrasjonsby for grevskapet, og er no kjernen i distriktet Armagh, som har status som ''city.'' Distriktet omfattar òg området rundt byen.

Byen er erkebispesete for både [[Den katolske kyrkja]] og [[Den irske kyrkja]] (anglikansk). Begge har i tillegg til erkebispetittelen òg tittelen ''Primas for heile Irland.'' Dette har ikkje vorte endra etter at øya vart delt i provinsen Nord-Irland og det som i dag er [[Republikken Irland|staten Irland]], sidan byen ifølgje tradisjonen vart etablert som kyrkjeleg hovudstad av [[heilage Patrick]] sjølv på 400-talet.

Armagh vart etter tradisjonen grunnlagt i [[444]] av heilage Patrick. Den irske overkongen [[Brian Boru]] er gravlagd i kyrkjegarden som i dag tilhøyrer den anglikanske domkyrkja. Han fall i slaget ved Clontarf, som vert rekna som slutten på maktperioden til vikingane i irsk historie. 

[[Queen's University]] etablerte ei avdeling i Armagh i 1995. Byen har ein lengre tradisjon for forsking, med [[Armagh Observatory]] frå 1790 og [[Armagh Planetarium]] frå 1968.

North-South Ministerial Council, eit organ som vart oppretta etter at [[Langfredagsavtala|Belfastavtalen]] vart inngått i 1998, har sete i Armagh. Rådet har representantar for styresmaktene i både Nord-Irland og Irland, og arbeider for å setja i verk tiltak som er ein del av fredsprosessen.

==Kjelder==
<div class="references-small">
*''Denne artikkelen bygger på «[[:nb:Armagh|Armagh]]» frå {{Wikipedia-utgåve|nb}},  den 19. november 2017.''  
 </div>

[[Kategori:Byar i Armagh]]
[[Kategori:County Armagh]]