Bloody Mary
Bloody Mary er ein cocktail laga med vodka, tomatjus og krydder, venlegvis salt, pepar, tabasco og worcestershiresaus, pressa sitron), og ofte dekorert med ein stilk selleri. Han er ein av få cocktailar som blir serverte om morgonen, saman med screwdriver og mimosa.
Opphav
Drikken blir ofte assosiert med den katolske dronninga Maria I av England, som fekk tilnamnet Bloody Mary fordi ho avretta så mange protestantar. Men drikken blei først kjend på 1900-talet. Den første gongen han blei omtala skriftleg var i følge Oxford English Dictionary i Punch i 1956: «Those two … are eating raw steaks and drinking Bloody Marys.»
Bartendaren Fernand Petiot som var tilsett ved Harry's New York Bar i Paris hevda at han fann opp drikken på 1920-talet, og at ein kollega føreslo namnet fordi han minde han om Chicago-klubben Bucket of Blood og ei jente der som heitter Mary.
Oppskrift
| Typisk oppskrift |
|---|
|
Rekkefølga på ingrediensane er viktig for produktet, og mange bartendarar voktar oppskrifta si nøye.
Drikken finst òg i alkoholfri variant, og blir då kalla Virgin Mary – jomfru Maria.