Trastefamilien
Trastefamilien | ||
Gråtrast, Turdus pilaris Foto: Adam Kumiszcza
| ||
Systematikk | ||
Rike: | Animalia | |
Rekkje: | Chordata | |
Klasse: | Aves | |
Orden: | Passeriformes | |
Familie: | Turdidae |
Trastefamilien (Turdidae) er små til mellomstore sporvefuglar. Familien er utbreidd over det meste av verda og har nær 180 artar. Den største slekta i familien er Turdus med 68 artar.
Skildring
Trastar er fyldige, små til mellomstore fuglar, med mjuk fjørdrakt som lever i skogområde, og ofte beitar på bakken eller et små frukter. Dei søraustasiatiske kortvengene, kan vere dei minste trastane slik familien er sett saman no. Alvekortveng er gjennomsnittleg 12 centimeter i lengd. Den største trasten er blåplystretrast, på 178 g og 33 cm. Stortrast er lik i lengd, men mindre kraftig bygd.[1] Dei fleste artane er gråe eller brune i farga, ofte med flekkete underside.
Dei er insektetande, men dei fleste artane et òg ormar, landsniglar og frukt. Mange artar er stasjonære i varme strøk, medan andre trekkjer til høgare breiddegrader om sommaren, ofte over store avstandar.[2]
Trastar byggjer koppforma reir, nokre gonger kledd med tørka gjørme. Dei legg to til fem flekkete egg, nokre gonger kan dei ha to eller fleire kull per år. Begge foreldra hjelper til å syte for ungane.[2]
Songane av nokre artar, inkludert medlemmer av slektene Catharus, Myadestes, og Turdus, ansast å vere blant dei venaste i menneskelege øyre frå fugleverda. [3]
Artslista
Trastane var tidlegare ofte delt inn i to hovudgrupper. Stortrastar og småtrastar, sistnemnde med 200 artar og 33 slekter. Nyare forsking har vist at småtrastane er nærare i slekt med flugesnapparar enn med dei eigentlege trastane, noko som gjorde gruppa parafyletisk. I dag er derfor småtrastar klassifisert som flugesnapparar.
Av norske fuglar vert desse tradisjonelt rekna til stortrastar:
- Duetrast Turdus viscivorus
- Gråtrast Turdus pilaris
- Måltrast Turdus philomelos
- Raudvengtrast Turdus iliacus
- Ringtrast Turdus torquatus
- Svarttrast Turdus merula
Trastefamilien i rekkjefølgje etter Clementslista versjon 6.5 frå desember 2010 [4] med norske namn etter Norske navn på verdens fugler. [5]
Slekt Neocossyphus
Slekt Monticola
Slekt Myophonus
Slekt Geomalia
Slekt Zoothera
|
Slekt Cataponera
Slekt Nesocichla
Slekt Sialia
Slekt Myadestes
Slekt Catharus
Slekt Hylocichla
Slekt Psophocichla
Slekt Entomodestes
Slekt Cichlopsis
Slekt Turdus 68 «verkelege» trastar Slekt Ixoreus
Slekt Ridgwayia
Slekt Chlamydochaera
Slekt Brachypteryx
Slekt Heinrichia
Slekt Alethe
|
|
Kjelder
- Denne artikkelen bygger på «Thrush (bird)» frå Wikipedia på engelsk, den 4. mai 2011
Referansar
- ↑ Thrushes by Peter Clement. Princeton University Press (2001), ISBN 978-0691088525.
- ↑ 2,0 2,1 Perrins, C. (1991). Forshaw, Joseph, red. Encyclopaedia of Animals: Birds. London: Merehurst Press. s. 186–187. ISBN 1-85391-186-0.
- ↑ http://rogcad.com/hermitthrush/index.htm
- ↑ Clements, J.F.; T.S. Schulenberg; M.J. Iliff; B.L. Sullivan; C. L. Wood (20. desember 2010), The Clements checklist of birds of the world: Version 6.5 (Excel spreadsheet), Cornell Lab of Ornithology, henta 2. januar 2011
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
Bakgrunnsstoff
- Olav Hogstad: Norges dyr Fuglene 3. Cappelen, 1991.
- Videoar, bilete og lydopptak av fuglar i trastefamilien hos Internet Bird Collection