Christof Duffner
Christof Duffner | |
Statsborgarskap | Tyskland |
Fødd | 16. desember 1971 (52 år) Triberg im Schwarzwald |
Idrett | skihopping |
Tok del i | Vinter-OL 1992, Skihopping under Vinter-OL 1994 – Laghopp |
Christof Duffner (fødd 16. desember 1971) er ein tysk, tidlegare skihoppar frå Triberg im Schwarzwald, ein kommune i delstaten Baden-Württemberg. Han vann OL-gull i 1994 og VM-gull i 1999 med Tysklands hopplandslag, samt VM-bronse i 1997. Mellom 1988 og 2004 deltok han i til saman 221 verdscuprenn. Fem gongar kunne han klive opp på sigerspallen, sin einaste siger i verdscupen fekk han i Oberstdorf 30. desember 1992.
Aktiv
[endre | endre wikiteksten]Duffner debuterte på heimebane i 1988 i opningsrennet i den tysk-austerrikske hoppveka. Nøyaktig to år seinare fekk han sine fyrste verdscuppoeng i same bakken. Nye to år skulle før han fekk sin fyrste pallplass i verdscupen. Det rennet fann også stad i same bakken, og mykje overraskande kunne han stige heilt til topps. I dei komande åra fylgde to andre- og tredjeplassar.
Duffner var med på det tyske firemannslaget som vart olympiske meistrar i laghopping i Vinter-OL 1994 på Lillehammer. Hansjörg Jäkle, Dieter Thoma og Jens Weißflog var dei andre på laget. I 1997 vart det bronse for det tyske laget under ski-VM i Trondheim, då var Weißflog bytta ut med Martin Schmitt, resten var dei same som vann OL-gullet. To år seinare tok Duffner, Thoma og Schmitt eit VM-gull i skihopping i Ramsau, då med Sven Hannawald på laget.
Duffner sleit med å hevde seg i dei individuelle renna i skimeisterskapane, ein tiandeplass i storbakken i Falun under ski-VM 1993 vart hans beste plassering. Derimot gjorde han det mykje betre i verdsmeisterskapane i skiflyging, med ei rad gode plasseringar. Han vart nummer fem både i 1992 og 1996, men hans beste prestasjonen var fjerdeplassen i den mellomliggjande meisterskapen i 1994 i Planica.
Frå 1991 til 2001 vann Duffner fire sølv- og to bronsemedaljar i dei tyske meisterskapane.
Han slutta som skihoppar i 2004.
Kjelder
[endre | endre wikiteksten]- Denne artikkelen bygger på «Christof Duffner» frå Wikipedia på tysk, den 9. januar 2013.
Bakgrunnsstoff
[endre | endre wikiteksten]- Duffners profil på Sports-reference.com Arkivert 2010-12-30 ved Wayback Machine.
- (en) Christof Duffner – Profil og resultatoversikt hos FIS
- «Christof Duffner» (på engelsk). olympedia.org. Henta 27. januar 2023.
- Einskildmenn
- Fødde i 1971
- Tyske skihopparar
- Olympiske meistrar for Tyskland
- Tyske deltakarar under vinter-OL 1992
- Skihopparar under vinter-OL 1992
- Medaljevinnarar under vinter-OL 1994
- Tyske deltakarar under vinter-OL 1994
- Skihopparar under vinter-OL 1994
- Tyske deltakarar under vinter-OL 2002
- Skihopparar under vinter-OL 2002
- Deltakarar under Ski-VM 1991
- Deltakarar under Ski-VM 1993
- Deltakarar under Ski-VM 1997
- Deltakarar under Ski-VM 1999
- Deltakarar under Ski-VM 2003