Andre Bergdølmo
Andre Bergdølmo | |
Statsborgarskap | Noreg |
Fødd | 13. oktober 1971 (52 år) Oslo |
Idrett | fotball |
Tok del i | EM i fotball 2000 |
Utmerkingar | Årets Kniksen |
André Bergdølmo (fødd 13. oktober 1971) er ein norsk tidlegarefotballspelar fødd i Oslo. Han er er juniortrenar for Sarpsborg 08 Fotballforening.
Han var forsvarsspelar og er mest kjend for sine sesongar i Lillestrøm Sportsklubb og Rosenborg Ballklub. I tida 1997-2005 spelte Bergdølmo 63 landskampar for Noreg. Etter han la opp som aktiv har han prøvd seg som fotballtrenar.
Fotballspelar
[endre | endre wikiteksten]Bergdølmo starta fotballkarrieren i Skjetten SK, og gjekk derifrå til Lillestrøm i 1991, der han skapte seg eit namn som ein av ligaens mest talentfulle sidebackar. Han spelte seks sesongar på Åråsen, før han våren 1997 gjekk til Rosenborg under særs kontroversielle omstende. Bergdølmo sa at han ville leggje opp for å arbeide med andre ting, for så heilt uventa å skrive under for Rosenborg. Han debuterte på landslaget seinare same året.
Bergdølmo vann fire seriemesterskap som Rosenborg-spelar, og var i den norske troppen under EM-sluttspelet i 2000, der han spelte alle kampane til Noreg. Etter EM gjekk han til den nederlandske toppklubben Ajax. I Ajax vart han omskulert til midtstoppar (men var framleis back på landslaget), og vart nederlandsk ligameister og cupmeister i 2002. Same året fekk han Kniksenprisen, som Noregs beste fotballspelar dette året.
Sommaren 2003 gjekk Bergdølmo til den tyske klubben Borussia Dortmund, der han spelte to sesongar, før han skreiv under for FC København sommaren 2005.
Klubbkampar og -mål
[endre | endre wikiteksten]Klubb | Kampar* | Mål* | Periode |
---|---|---|---|
? | ? | 1988-1990 | |
115 | 9 | 1991-1996 | |
83 | 4 | 1997-2000 | |
66 | 6 | 2000-2003 | |
28 | 0 | 2003-2005 | |
33 | 3 | 2005-2007 | |
43 | 7 | 2007-2008 | |
28 | 8 | 2009 |
* Berre seriekampar.
Kjelder
[endre | endre wikiteksten]- «André_Bergdølmo» i Store norske leksikon, snl.no.
- Einskildmenn
- Fødde i 1971
- Norske landslagsspelarar i fotball
- Lillestrøm-spelarar
- Rosenborg-spelarar
- Strømsgodset-spelarar
- Norske fotballspelarar i Tyskland
- Borussia Dortmund-spelarar
- Norske fotballspelarar i Nederland
- Ajax-spelarar
- Norske fotballspelarar i Danmark
- FC København-spelarar
- Idrettsutøvarar frå Oslo
- Spelarar i Fotball-EM 2000