Bat Yam
Bat Yam | |||
בַּת יָם, בַּת־יָם | |||
by | |||
|
|||
Namneopphav: 'Dotter av Jerusalem'. bokstavleg 'Dotter av havet', kan òg tyde 'havfrue' | |||
Land | |||
---|---|---|---|
Distrikt | Tel Aviv distrikt | ||
Koordinatar | 32°01′N 34°45′E / 32.017°N 34.750°E | ||
Areal | 8,167 km² | ||
Folketal | 128 200 (2011)[1] | ||
Folketettleik | 15 697 / km² | ||
Grunnlagd | 1926 | ||
• Bystatus | 1958 | ||
Borgarmeister | Shlomo Lahiani | ||
Bat Yam 32°01′23″N 34°45′01″E / 32.023055555556°N 34.750277777778°E | |||
Wikimedia Commons: Bat Yam | |||
Nettstad: www.bat-yam.muni.il |
Bat Yam (hebraisk: בַּת יָם eller בַּת־יָם) er ein by ved middelhavskysten i Israel, på den sentrale kyststripa, like sør for Tel Aviv. Han er ein del av Gush Dan storbyområde i Tel Aviv distrikt og har 130 000 innbyggjarar.[2]
Historie
[endre | endre wikiteksten]Bat Yam vart grunnlagd i 1926 som Bayit VaGan (hebraisk skrift בית וגן; Hus og hage). Under Palestinaopprøra i 1929 vart byen angripen av palestinarar frå Jaffa og vart evakuert av dei britiske styresmaktene. I 1930 vart han busett på ny. I 1936 fekk han status som lokal kommune og vart omdøypt Bat Yam. I 1945 budde 2 000 jødar i Bat Yam.[3] I følgje the Jewish National Fund hadde byen i 1947 eit folketal på 4 000.[4]
Etter vedtaket til Dei sameinte nasjonane om ein delingsplan den 29. november 1947 og den påfølgjande borgarkrigen, vart innbyggjarar både i Bat Yam og Jaffa råka av valdelege handlingar, inkludert snikskyttarar.[4][5] Den 13. mai 1948 overgav Jaffa seg til jødiske styrkar.
I åra etter at landet Israel oppstod, voks Bat Yam kraftig på grunn av masseimmigrasjon og han fekk bystatus i 1958. Ein liten hasidisk enklave av Bobover Hasidim, kalla Kiryat Bobov, vart grunnlagd i 1959. Byen har eit større samfunn med jødar frå Tyrkia (kring 23% av folketalet). Bat Yam opplevde nok ein periode med kraftig vekst tidleg i 1980-åra til seint i 1990-åra, med masseimmigrasjon frå det tidlegare Sovjetunionen og Etiopia.Det bur òg ein del arabarar i Bat Yam, både muslimar og kristne, og mange av dei flytta frå Jaffa. Ein god del vietnamesisk-israelarar eller vietnamesarar av israelsk opphav, bur i Bat Yam.[6]
Idrett
[endre | endre wikiteksten]Den største fotballklubben i byen, Maccabi Ironi Bat Yam, spelar for tida i Liga Leumit, det tredje nivået i israelsk fotball.
Al Gal-stranda i byen vert rekna som ein av dei beste stadane for surfing i regionen.
Venskapsbyar
[endre | endre wikiteksten]Bat Yam er venskapsby med:
Kragujevac i Serbia
Livorno i Italia
Antalya i Tyrkia
Kutno i Polen
Villeurbanne i Frankrike
Valparaíso i Chile
Aurich i Tyskland
Neukölln i Berlin i Tyskland
Salinas i Ecuador
Kjelder
[endre | endre wikiteksten]- Denne artikkelen bygger på «Bat Yam» frå Wikipedia på engelsk, den 5. september 2015.
- Wikipedia på engelsk oppgav desse kjeldene:
- ↑ «Statistical Abstract of Israel 2012 - No. 63 Subject 2 - Table No. 15». .cbs.gov.il. Arkivert frå originalen 20. oktober 2013. Henta 12. april 2015.
- ↑ «Table 3 – Population of Localities Numbering Above 1 000 Residents and Other Rural Population» (PDF). Israelsk statistisk sentralbyrå. June 30, 2010. Arkivert (PDF) frå originalen den 21. november 2010. Henta 6. juli 2015.
- ↑ Government of Palestina, Village Statistics, 1945, p52.
- ↑ 4,0 4,1 Jewish National Fund (1949). Jewish Villages in Israel. Jerusalem: Hamadpis Liphshitz Press. s. 12.
- ↑ «Cleansing Jaffa: A detailed eye witness account, 202». Palestinaremembered.com. Henta 12. oktober 2014.
- ↑ «In a Strange Land: Israel's Vietnamese Community - CULTURE». Worldandihomeschool.com. Arkivert frå originalen 25. januar 2004. Henta 12. oktober 2014.
Bakgrunnsstoff
[endre | endre wikiteksten]- Offisiell nettstad (he)
- Surfing in Bat-Yam Arkivert 2013-10-16 ved Wayback Machine.