Bromley
Bromley | ||
---|---|---|
Plassering | ||
Styresmakter | ||
Land | ||
Konstituerande land | ||
Grevskap | Stor-London | |
Distrikt | Bromley | |
Geografi | ||
Koordinatar | 51°24′N 0°1′E / 51.400°N 0.017°E | |
Diverse annan informasjon | ||
Postnummer | BR1 | |
Telefon-retningsnummer | 0 20 | |
Bromley er ein by (town) og kjerneområdet i bydelen Bromley i London. Sentrum ligg omkring femten kilometer søraust for Charing Cross. Fram til 1965 var Bromley ein by i Kent, og han har halde bystatusen sin sjølv om han er innlemma i Stor-London.
Namnet kjem frå gammalengelsk brōme-hlǣwe, «koste-åsen», og er først skrive Bramelewe i 1272. Ordet brōme vart gjerne nytta i samband med rydningar, der skogen var «feia bort».
Bromley vert rekna med blant ti større bysenter i Londonplanen. Staden har ei gågate og eit stort kjøpesenter i sentrum, samt Bromley Civic Centre. To jernbanestasjonar, Bromley South og Bromley North, har samband til London Victoria, London Blackfriars og Grove Park.
Fotballklubben til byen er Bromley FC.
Kjende innbyggjarar
[endre | endre wikiteksten]Eit av dei mest kjente bysbarna er forfattaren H.G. Wells, som vart fødd i Bromley i 1866. Ein æresvegg til hans minne står på Market Square, og vart renovert i 2005. På veggen minnast òg Charles Darwin, som budde i Downe like utanfor Bromley.
Blant andre kjente personar som har budd eller bor i Bromley finn ein Thomas James Harper, David Bowie, Peter Frampton, Aleister Crowley, Jill Cruwys, Pjotr Kropotkin, Topper Headon, Gary Paffett, Mike Conway og Enid Blyton.
Kjelder
[endre | endre wikiteksten]- Denne artikkelen bygger på «Bromley» frå Wikipedia på bokmål, den 18. juli 2011.