Gerd Kjølaas
Gerd Kjølaas | |
Statsborgarskap | Noreg |
Fødd | 22. mai 1909 Trondheim |
Død |
3. februar 2000 (90 år) |
Yrke | koreograf, dansar, ballettdansar |
Gerd Kjølaas på Commons |
Gerd Kjølaas (22. mai 1909–3. februar 2000) var ein norsk ballettdansar, koreograf og pedagog, kjend som pådrivar for fridans og av Gunnar Brunvoll nemnd som «den norske balletts mor».[1]
Kjølaas var utdanna i Kristiania under Inga Jacobi, i Dresden under Gret Palucca, og ved Royal Academy of Dancing i London, der ho etter kvart studerte hos Kurt Jooss og ensemblet Ballet Jooss, som ho turnerte verda over med (1946–47). I Noreg debuterte ho som dansar og koreograf i heimbyen Trondheim (1931) og dreiv eigen frilansskule (1931–36).
Saman med Louise Browne skipa Kjølaas ensemblet Ny Norsk Ballett, som produserte over femti oppsetjingar (1948–54). Saman med Rita Tori vidareførte ho verksemda som Den Norske Ballett (1954–57). Dette ensemblet danna i sin tur grunnlaget for opprettinga av Den Norske Operas ballettensemble på 1950-talet.[2]
Kjølaas lagde koreografi for blant anna Nationaltheatret, Folketeatret og Det Norske Teatret.
Koreografi
[endre | endre wikiteksten]- Mot ballade (1945). Basert på eit stykke av Hans E. Kinck. Den fyrste sjølvutvikla oppsetjinga i Noreg, til musikk av Tore Sinding
- Veslefrikk med fela (1953). Vart den første norske dansefilmen.
- Markisen
- Uredd
- Tyrihans
Bibliografi
[endre | endre wikiteksten]- Fridans (1946). Fyrste norske dansebok.
- Dans, ropte livet, Eige forlag (1998) ISBN 91-973091-2-5
Prisar og utmerkingar
[endre | endre wikiteksten]Minnesmerke
[endre | endre wikiteksten]Gerd Kjølaas’ plass utanfor Dansens Hus i Oslo er kalla opp etter Kjølaas.[3][4]
Kjelder
[endre | endre wikiteksten]- ↑ 1,0 1,1 Danseinformasjonen
- ↑ «Kunstfagenes kilder - Åpen fagkonkurranse om status og utfordringer for arkiv og samlinger innen dans, teater og musikk i Norge og Skandinavia» (PDF). Arkivert frå originalen (PDF) 24. desember 2017. Henta 22. desember 2017.
- ↑ Kulturkompasset
- ↑ «Danseinformasjonen». Arkivert frå originalen 8. februar 2015. Henta 22. september 2015.
- Denne artikkelen bygger på «Gerd Kjølaas» frå Wikipedia på bokmål, den 6. mars 2023.
Bakgrunnsstoff
[endre | endre wikiteksten]- Norsk biografisk leksikon om Gerd Kjølaas
- Gerd Kjølaas i Sceneweb